ًًً

الصد عن بعض المخاليق راحه

[ًًً @i2iso9]

لاشعرت إن المواصل يذل النفس
كابـر لو أنـك من الشـوق ميّـت

[ًًً @i2iso9]

علموه اني على الوصل دايم محتريه
وعلموه ان كان وده يجي لا يستحي

ًالمحبه وسط قلبي على ماهي عليه
والميانه هي هي والغلا ما ينمحي

[ًًً @i2iso9]

يا مجمول لا أبي لا تواصل ولا عنوان
أبي يومٍ يجدد غرامك قبل يمحى

ترا قلوبنا ما تابت من الهوى للآن
لا تاخذ بنا عن منحنى وضعنا منحى

أما برني بالوصل والبر من الإيمان
ولا صد يمكن قلبي المبتلي يصحى

[ًًً @i2iso9]

رح فمان الله لا تنوي الرجوع
منت أول شخص بالدنيا خسرته

صح أنا قلبي من غيابك جزوع
بس يكفيني غلاك اللي هدمته

كنت الأول بيني وبين الضلوع
كنت أحن إنسان من قلبي عشقته

ليه من دنياي أطفيت الشموع
ليه مريت أطيب الناس وجرحته

[ًًً @i2iso9]

القلب واحد والمخاليق عدّه
ولا هز قلبي بالهوى غير واحد

أنت الوحيد اللي خفوقي تشدّه
وغيرك أجامل حضرته لا تواجد

[ًًً @i2iso9]

عليك الهبوب البارده والسلام الحار
على كثر ما فاضت عيوني ولا سالت

عذلت الشعور وعذت بالواحد القهّار
من العقل لا أختلّ ومن النفس لا أختالت

أحس انك حولي وأنت غايب عن الأنظار
مازلت أكبر آمالي وذكراك مازالت

محلك ما يمدي الناس تاخذه مهما صار
معك كانت أول وآخر أحبك أنقالت

[ًًً @i2iso9]

الوقت ماله ذنب بيني وبينك
حاولت أعذرك مير حيل الله أقوى

وعدتني شي ماهو في يدينك
لو انك مواعدني على غيره أشوى

وسيع صدر لا بعد قلت وينك
ضيّقت صدري والأراضي والأجوى

صبرت وآخرة الصبر شوف عينك
ليتك مصبرني على شي يسوى

[ًًً @i2iso9]

ما هز جفنك غياب ما ذبحك الحنين
تضحك وأنا كن قلبي فوق جمرة غضى

ريح الصبا لو تحرك غصن قاسي يلين
وشلون ما حرّكت قلبك على ما مضى

فقدتك وطاح مني دمع مدري سنين
مدري طموح أنتهى مدري مصير أنقضى

محتاج بسمة رضى لله يا عابرين
عزاه كم لي وأنا فاقد شعور الرضا

[ًًً @i2iso9]

حبيبي لا تخليني على طبع الجفا معتاد
ترا طبع الجفا لو طال يبعد عنك سنيني

أنا ماني بـ أخاف تغيب ما يطري لك المعواد
أنا أخاف الرجوع اللي ما يدهشني ويحييني

تصاغرت الظروف اللي تخلينا أثنين بعاد
ولا حاولت تتحدى الظروف وتمسك إيديني

[ًًً @i2iso9]

دريت انه لغيري وأقتنعت ولا بقى مقعاد
تفارقنا ويا مكثر غلاه وكثر تقصيره

كتبه اللّٰه لعمري جرح ولغيري كتبه مراد
وتذبحني ظنوني لا صحت بي جمرة الغيره

خذا كل العمر وأقفى بلا عذر وبلا ميعاد
وأنا قفّيت والله ما في قلبي أحد غيره

[ًًً @i2iso9]

المهتوي لا أهتوى ما يطوي شراعه
يمشي على النار كنه ما وطى فيها

[ًًً @i2iso9]

أنا أسف اني رحت من دون ذكر أسباب
ولو اني بحب بـ أحبك معاهدك بالله

حشى ما تركتك من عيوب أنت ما تنعاب
ولكن عزاي اني تركت لوجه الله

[ًًً @i2iso9]

أنتهى دور المحبة وأعلن الكره أنتصاره
وبان كذبك والمجامل والمفارق والخيانه

ولا تبرر لا تسولف كيف شفتك يا خساره
والمحبة صوب قلبك ما تحمل هالأمانه

رح توكل لا تفكر ولا تدور للطريق أي زياره
والله الدعوة عليك بكل ليل ومع آذانه

[ًًً @i2iso9]

ولا همني حقد القلوب المغله

مدري صباح الخير ولا مساء الخير
مير الوكاد بوجهك الخير كله

[ًًً @i2iso9]

من غلاتك تحملت الشقى والعناد
ومن غلاتك تزعلني وأرجع أجيك

لكن اليوم نكسنا العلم للحداد
وأحسن الله عزاك وعظم أجر والديك

وأنت ياللي فراقك صار أعتياد
روح لا عاد ترجع لي ولا بحتريك

لا نبي لك حنان ولا نبي لك وداد
كثر الله خيرك وأنعم الله عليك

[ًًً @i2iso9]

شفتك وأقول بخاطري كيف أخليك
كيف أقدر أخليك والقلب وياك

أزعل وأرضى بس ما أترك إيديك
لو صار مهما صار أبقى أنا أهواك

ليس هناك من يحاول يجاريك
هل يا ترى بالكون فيه اللي يسواك

درب الهوى لو ضاع عني بلاقيك
ما الحب الا لك ولو دربك أشواك

[ًًً @i2iso9]

ما عاد خليت للأشواق صوبك مرور
ما تدري ان الحبايب يخلقون أبرياء

عاملتني بأصطناع الكبرياء والغرور
أنا لسان الغرور وسيد الكبرياء

- علي الدعيّه

[ًًً @i2iso9]

دنياك لو شانت تراها مقادير
ما في يدينك غير حلم وقناعه

واللي أنكتب رحمة وخيره وتدبير
واللي مضى ما يعود منه لو ساعه

وأصبر على المقسوم لو فيه تقصير
إما تزين أو جعلها للقلاعه

[ًًً @i2iso9]

أغلى مقادير عمري وأصدق آماله
الله يديم الرضا ونعيش في ظله

أدور اللي يسرّك وأتعنى له
وأقدم العمر لك وأقول يا قله

لي عمر محدٍ وقف قبلك على جاله
ولك قدر محدٍ قدر في الناس يوصل له

لا قالوا الماضي أجمل قلت من قاله
الأجمل أنت وعقبال العمر كله

[ًًً @i2iso9]

يا غايب والسلام ومرحبابك رح مثل ما جيت
أنا عمري بدا بك وأنتهى من يوم مرواحك

بعد شفت السنين بثقلها مالت عليّ أزريت
أقاوم ظلمها ولا أنطوي في فيّة جناحك

دريت اني نسيتك يوم مر أسمك ولا فزيت
وكان أكبر دليل اني نسيتك ضاع مسباحك

[ًًً @i2iso9]

سلام الله على اللي لو تركته ما قدرت أنساه
حبيبٍ كل ما هب الهوى حنيت لـ دياره

ليا هبّت نسانيس الرياح وجددت ذكراه
تربّع في ضلوع الصدر كنه ماخذ بـ ثاره

معي قلبٍ من صدوف الليالي جاه ما كفاه
تمثناه الرهيّف اللي ترك قلبي على ناره