عَـ

على هامّش الذكرَى

[عَـ @i2odi]

للتنويه:
تغريداتي مُجرد ذائقة شعرية، وليس كل مايُكتب يُقصد.

[عَـ @i2odi]

طَرد المقفّين لا سلمي ولا ديني
وشلون تقفين عنّي واتبع الجرّه ؟

جيتك و أنا ما أملكك ولا ملكتيني
- المُلك لله .. و أنا حُر يا حُره -

[عَـ @i2odi]

تساهلت الغياب .. وتباردته لو إنه حار
ما دام إن الغلا منزوع وماني آخر أحبابه

[عَـ @i2odi]

أرتجل للشرّد من الصيد عن صهوة جوادي
و أعتق اللي من سهولة صيدته كلٍ يصيده

[عَـ @i2odi]

لا تلتفت .. ماوراك إلا ظلالك
أنت الأول وأقرب التالين خامس

[عَـ @i2odi]

لا قلّط الليل الطويل و كرّم الصبح القصير
النوم في عيني نفض بشته على طول و سرا

[عَـ @i2odi]

وين أودّي غيمة الأحلام من شمس الحقيقة
و أنت موجٍ لا تلاطم شفت به جزري و مدّي

[عَـ @i2odi]

-وشلون بعطيك السلامة والأمان .. وأنا فهد وأنتي غزال مذيّره-

[عَـ @i2odi]

ياعظيمة وانتي الاشياء الجديده والقديمه
و انتي اللي لو تصد الارض ماصديت عنها ⠀

و انتي اشجع الانتصارات وملذات الهزيمه
و انتي اللي وين ما لقّيت قلبي قال .. عنها ⠀

و انتي اعجوبة زمان الشاعر اللي هلّ ديمه
و ارتوت جدب القصايد لين صح الله بدنها

[عَـ @i2odi]

للسلِم غصن وللمبادي عناقيد
يقطف شيمها من يهمّه زهابه

[عَـ @i2odi]

إن جاء .. نحطه بين طيّات الأهداب
وإن صَد ما عشنا العمر في إنتظاره

[عَـ @i2odi]

خلي صدور المعارك لـ الرجال ولـ الهنادي
وأركزي بيرقك بأجسر قلب في نجد العذيّة

[عَـ @i2odi]

-كلمة حبيبي في مدى الهَجر تِذبل-

[عَـ @i2odi]

في حورها بحرٍ .. جيته مجيّ الفداوي
وش تكون النجاه إلا الغرق في حورها

[عَـ @i2odi]

مرّت بعدك أفراح وأيام وأعياد
ولا نسيتك .. يوم عزّمت هَجري

تاريخ حبّك ( كان تاريخ ميلاد )
وتاريخ هجرك ( كان تاريخ هجري )

[عَـ @i2odi]

على الشوق الملامه لاعليك ولا عليّ خلاف
جماهير الجفا ماهمها الجافي من المجفي

وداعي معذره يالراحلين .. وللوداع أعراف
اعرف اشتاق ما أعرف أتمسّك في يد المقفي