ماجد محمد

@i2xjd

سبحان الله وبحمده سبحان الله العظيم 💛.

Joined June 2012

483 Following

474 Followers

3.5K Posts

ماجد محمد

@i2xjd

12 days ago

سلامي على راسٍ يشوف الكبار صغار تعلى المشاريف وضحك لليال السود أقوله وأنا كلي ثقه ماهو استكبار على الطيب والتاريخ والموقف المشهود علي الحرام اني ماوقف لجل لا نظار ولا ادور المصلوح في بذلة المجهود سلومي تحب الطيب ومخاوي الاخيار ولا تعرف دروب الردى وأهْل المنقود ضعيف الروابع دايم يدور الأعذار ولا يعتذر يوم المواقف عريب جدود الأحرار ماينتب ظهرها ياغير احرار من المستحيل تشوف ضبعه تجيب فهود يا متصنعين الطيب ابشب فيكم نار أنا الليله الدخان والنار والبارود أجامل ولا فاد المجامل ودمي فار واذا فار دمي جيت في سيفي المجرود يامكار ماضايقني الثعلب المكار ولاحرك شعوري ذعاذيع هب النود اعرف الخبيث الي يعيش ب ثمان ادوار مثل ماعرف من ينكر أهل الوفاء والجود كبير العمر ماهو بلازم طويل اشبار ياكم شايبٍ عاش وتوفى وهو مقرود لو أني اذيع السر في نشرة الأخبار تزعزع بلدنا وابتسم خاطرٍ مضهود تشيّمت مثل الحر لآمن كفخ ثم طار وأنا قاسي وقلبي مثل قسوة الجلمود مالوم المقفي ياعسى فاله الاسفار بعد ماقطع وصله وخلا وراه حدود يابو زيد لا والله ماني غريب اطوار لكني شبعت مْن الغرابه من الموجود ليا شفتني صديت صدت معيف الدار أنا غاسل يديني من الواقع المشهود

806

i2xjd retweeted

ماجد محمد

@i2xjd

almost 2 years ago

دام الزمن دوار والوقت جاحد لاتغرك الاوهام وظروف الايام فالهرج اشوفك ماخذٍ رقم واحد وفالفعل مالك رقم من بين الارقام مـاجـد مـحـمـد

429

ماجد محمد

@i2xjd

26 days ago

بين احتباس المشاعر واكتئاب الظروف وش حيلة النفس لو ماتاصل شفوفها عشت الحياه بكفاح وذقت مر الصدوف ياشين الايام لامن شانت صدوفها ماهاضني لا ربيع ولا شعاني قنوف لكن عزومي تحدى الوقت بكتوفها يالايمي ماعلى الدنيا واهلها حسوف مادامني واقف وعيني على شوفها حط الزمان معروفٍ غير كل معروف وخلاني اعرف كبار القوم وضعوفها عفت البلد واعرف ان النفس ماهي عيوف وصديت عنها قبل لابلش بملقوفها ياغايبه ليه قلبك فالهوى مايروف مع ان شعورك جميع العالم يروفها انا انتظرتك عمر واحلام عمري تطوف من يرضي النفس لا من زادت حسوفها أما أنت آخذك الزمن والغطرسه والشفوف ماتدري ان دنيتك تتغير ظروفها الذكريات القديمه والسهر والعزوف أقسى من جروحها واشد من نوفها كَل الصبر واستضقت ومل طول الوقوف على رجاء آخر لقى ومسامر طيوفها لو قلبها لي حجر وف عينها لي كسوف اخاف لا اشوف في نظراتها خوفها كل ماحلفت اتناساها تجيني ضيوف واجدادنا من قبل ماتردع ضيوفها الفرصه اليا تهيت وانت عينك تشوف انّ ماتغانمتها لتقول ماشوفها مـاجـد

700

ماجد محمد

@i2xjd

about 2 months ago

ياجمرة الغليون والفكر الغريب مانجتمع فالشعر ولا فالحياه انا من الايام في راسي دبيب كله من التفكير والوقت وغثاه احيان اقول اني بحاجه للطبيب واحيان اقول اني بخير وفي غناه مدري تعب ولا وهم ولا كئيب ولا اشتياق؟ وجرح قلبي مانساه افقدك ي اول وي آخر حبيب ويفقدني الجمهور من كل اتجاه فيك اتبختر وافتخر واخطي واصيب وفيك اتمتع واتبع القلب وهواه حاولت اسلي خاطري فام السبيب وعجزت لا اسلى عن محبته وغلاه والله مازعزعني بعيد ولا قريب الا انت كنك لي موصّى لك وصاه ماعاد لي قدره على وقت المغيب بيّح خفى الي مايبيّح عن خفاه العمر مره والزمن حظ ونصيب وانا مغامر بس حظي وش بلاه الله يعين الي من الدنيا صويب ماله سوى الا يعطي العالم قفاه مـاجـد

293

Who to follow

مدرب لياقه بدنيه خلدون الحنيطي

@kldon12pp

مدرب لياقه بدنيه و مدرب كرة قدم وادارة مجمعات رياضيه ومدرب تأهيل بدني ومدرب مدربين لياقه بدنيه عالمي عاشق نادي النصر السعودي 🌞💛انا من جمهور الشمس 🇸🇦🇯🇴

مشعان المطيري

@mashaaan2014

لاعب منتخب المملكة🇸🇦 للبولينج🎳 سابقا ابو عبدالاله

خلود الشمري🌼🦌

@dal304

☁️🍃 « وان سبقتكم للطين الذي خلقتم منه خبئوا سري وامسحوا زلاتي من قلوبكم، وحدثوا الله كثيرا عني » 🕊

ماجد محمد

@i2xjd

about 2 months ago

@aprvip طاب حظك

141

ماجد محمد

@i2xjd

3 months ago

اليوم مسك النهايه واختصار الكلام طوّل غيابي وزاد الشوق يم بلدي لا بان نور الصباح وشفت سرب الحمام اضيق حتى تقطع سبحتي من يدي من بعد ماكان لي نظرة وغاية مرام ابغى السلامه ولا ابغى غايتي وجهدي ماكنت اعرف الليالي بين نار وسلام يالين شفت الظروف الكايده تحتدي بين اغتراب وظروف وبين اسم ومقام النفس ما ذلها لو كان وضعي ردي انا لا ذعذع نسيم الليل والكل نام ياخذني الهم والتفكير حد سهدي متى يزين الزمن وتهل سحب الغمام أنا تعبت أتحرى شفّي ومقصدي ياغايبه واذكريني مره بْكل عام انتي وجودك سبب في راحتي وسعدي غبتي وغاب الوفاء والحب والاهتمام ومازلت ثابت على ذاك العهد ووعدي تفقدك نفسي وجمهوري علي الحرام والي يعرف القصيد وكل حرف ابجدي فيك انفرد واخذ الاضواء بين الانام ماكني بساحة الشعار غير الجدي يامرحلة عمري الي ماوراها ختام مع كل حزة ظلام وصبح فيك ابتدي مـاجـد

835

ماجد محمد

@i2xjd

3 months ago

ياعزومي كل ما شانت ظروف الزمان استقيمي لا تهّم الظروف المزمنه الحصان ان طاح قال المثل كبوة حصان ينتفض والحلم يطِرده حتى يمكنه الليالي مدرسه والمواقيف امتحان وكل موقف يجبر الرجل يظهر معدنه ماشكيت ولا تضايقت يوم الوقت شان اعرف ان الوقت دوار محدٍ يضمنه لو ظروفي فالزمن حكمها من برلمان ماعلي اخلاف ، والمستحيله ممكنه نظرتي للمهره وغايتي للصولجان سلطنه مادام نفسي تحب السلطنه دونها يتوقف القلب ويلك اللسان شي توصيفه يعجّز جميع الالسنه ياقريحة شاعرك فيك حب وفيك امان غير كل اشعور ياجعلني ماخلاء منه اعرف انك غايتي وأعرفك سحر البيان ياطموحي لاولي في مدارات السنه أندر أنواع المسابيح سبحة كهرمان وانتي أندر ما املكه في حياتي واثمنه دام راسي حي والاسم له هيبه وشان اني لْفعل فعل كل الرواه تبرهنه الشجاع يموت له هيبه وقدر ومكان والجبان ان مات مافيه احد ينشد عنه مـاجـد مـحـمـد