محمد المطيري

سبحان الله وبحمده ⚘سبحان الله العظيم

اللهم لاتدع ذنباً لـ مطير الا غفرته ³⁰⁵

[محمد المطيري @i305im]

‌‌لا تحزن إذا ضاقت بك الحياة، فربما اشتاق الله لسماع صوتك، وانت تدعوه.💙

[محمد المطيري @i305im]

خل العلاقات رسميه وجديه
ولاتامن الناس ماتدري عن الخافي

مايرحم الوقت من قلبه على النيه
الوقت هذا يبيله قلب مهوب صافي

[محمد المطيري @i305im]

الصريح تحذفه العربان في سجن أنفرادي
تالي الأيام قول الحق ، نوع من الجريمه

يا زمن لا نيتي سودا ، ولا وجهي رمادي
أنا من قوم تشوف الموت ، أحب من الهزيمه

[محمد المطيري @i305im]

لولا التوكل على الله والرجاء والعزوم
يمدي الليالي توطتنا وهي ماشيه

[محمد المطيري @i305im]

اكابر واوقف وقفة المدرك المحتاط
واغث الحقود بضحكةٍ تستر اوجاعي

وانا يوم اخفّي نظرة الحزن والاحباط
اختل المشاعر .. ختلة الذيب لـ الراعي

[محمد المطيري @i305im]

تقدير المعروف أهم من ردّه

[محمد المطيري @i305im]

جعلني لاعشت عايش على ستر وغناه
مكتفي مالي ورى الناس شي مرتجيه.

[محمد المطيري @i305im]

ليت في راسي من الأفكار مخرج للطواري
لأجل تجّتاح الهداوه فيه و تعمّ السكينه

[محمد المطيري @i305im]

سرابي خيال ن من صدوف الزمن مدهوش
الين استباح الليل نومي ونادمته

أدوّر لقلب ب مابعد طقَّه الشاكوش
بدل قلبي الي سود الايام صادمته

على كل حلم ن في جدار الامل منقوش
انا كيف اجيه وميلة الحظ هادمته

اماني الشجاع الي مساعيه سعي وحوش
لقاها الذليل الي مصاريه خادمته

[محمد المطيري @i305im]

كنت أقول إني لو تضيق الوسيعة ما أضيق
وأكتشفت إنْ البني آدم ضعيف ولو قوى !

كل ما سقت القدم يمّ السعة ضاق الطريق
و كل ماحطيت رجليني على الدرب التوى

والله إني كنت أدف طويق و أطيّح طويق
لين صرت أطيح لو يلفح طرف ثوبي هوى .

[محمد المطيري @i305im]

في غاية التشتُت و لكن عايش على رمق الإنتباه.

[محمد المطيري @i305im]

يارب العون لاضاقت صدور الرجال
لاتجعل الجيد بين الناس يهان

[محمد المطيري @i305im]

لا تسندها على الراس الضعيّف
مايفيدك واحدٍ .. ما فاد نفسه .

[محمد المطيري @i305im]

على باب الصبر واقف بلا مفتاح
قضى عمري وانا واقف على الفاضي

انا هارب من الماضي علشان ارتاح
وصار الحاضر أمحق من غثى الماضي

[محمد المطيري @i305im]

الخاطر اللي على سود الليالي صبور
يسري به الفكر ويحسب الاوادم سرت

احيان نمشي مع العالم بليا شعور
والناس عن ما تكن صدورنا ما درت

كم حاجةٍ في معاليق الضماير تدور
اقوم واخلي المجلس لا منها طرت

[محمد المطيري @i305im]

لا مات صبر الحليم وضاعت الذمه
سافر بليا موادع و الطريق اطوه

[محمد المطيري @i305im]

لو ضيّقوا عليك فـ الاربع جهات
اصنع جهة ، وادهشهم ، وكمّل مسير

اظفَر بـ ذاتك ، في زمن فَقد الذوات
و اصنع لنفسك درب منقطع النظير

ترا اللي يمشي في قطيع الامّعات
لو نظَرَه ستّه على ستّه ، ضرير .

[محمد المطيري @i305im]

ارتبت من وحشة الصمت وسكون المكان
تجري المقادير لو كل البشر ما رضت

انا اللي مرّيت فيه من السبع لـ الثمان
اطول من الـ "سبعه و عشرين عامٍ مضت"

[محمد المطيري @i305im]

يالله أنا قلبي عزيز وحياوي
شي يهين النفس لا تقسمه لي ،

حتى لو أني له شفوق وشفاوي
تغسل فؤادي منه قبل أغسل يديّ .

[محمد المطيري @i305im]

ماكل من سافر "عن الهم يرتاح"
بعض السفر هم على قلب راعيه

[محمد المطيري @i305im]

كُلّ هذه الصلابه ليست إلا أنتقاماً من
أجل أيام مضت لم ينفعني بها اللين