٨٨٨

ودي اطلع من الدنيا بـ اقل الخساير
وسمعة ٍ ماتموت وسيرة ٍ حاتميه

[٨٨٨ @i3ebr]

لاتستضيق ان عشت كادح و محتاج
الفقر فـ الغالب ؟ ضريبة مراجل (:

[٨٨٨ @i3ebr]

قلبي الي فيه هاجوس مدري وش بلاه؟
وعيني الي تكره النوم وتحب السهر

جفن عيني لو عذلته عجزت املك رضاه
ولو بغيت اعذّل القلب يبغى لي شهر

[٨٨٨ @i3ebr]

اما الندم :
فلا لحقني ندم على خلق الله
ماندمت الا على نومً سرقني عن صلاتي
ولحظةً مرت علي ماذكرت الله فيها
يروح الي يروح ، والسوق بابه مفتوح (:

[٨٨٨ @i3ebr]

من اولٍ لي خنجرً تلّقط الحب
ازعل و اثر ماللمحاضيب داعي

تالي الزمن مهما لحقني من السب ؟
اخلاقي اخلاق الذكاء الصناعي (:

[٨٨٨ @i3ebr]

صحبتك مثل السلفه الي من البنك
اسعد نهار " اني تخلّصت منهاااا "

[٨٨٨ @i3ebr]

ينحدر من موقعه يوم تنصاه الوجوب
يلحق الشرهه هل الطيب ماقطّ فعله

صاحبً ماهوب في ساعة الضيق محسوب؟
لاعرفت اقصاه ، من موقع الصحبه شله

[٨٨٨ @i3ebr]

المساجد في عيون الي هجّر شهواته
اكسجين الراحه العظمى وباب الجنه

ماحسدت الا كبير السن في خطواته
يوم يسبقني على المسجد وانا اسبق منّه

[٨٨٨ @i3ebr]

اكبر وجع يجعلك توشك على الانهيار
وقفة ردى يشتعّل بالصدر وهاجها

تجي بحاجة لمن فيه الهقاوي كبار
تجيه محتاجها ،، وتروح محتاجها (:

[٨٨٨ @i3ebr]

يالله اغفر لي وانا اللي غارق ً بذنوبه
مغرياتي غازلت قلبي واخذته معها

تايبً لك ياعزيز المغفره والتوبه
من هنوفً تاقف الفتنه على مفرعها

ومن صديقً حطه الشيطان في عرقوبه
" يوم يركعها وست شهور ما يركعها "

[٨٨٨ @i3ebr]

غبت من شأن المواجع ماتزيد
وادرس اوضاعي واغير منهجي

وجيت كاتب في شطر ماذا اريد
من يغيب اليوم عني لا يجججي (:

[٨٨٨ @i3ebr]

مسيت بالخير يامدهل طواريقي
على نوايفك تلعب لي بيارقها

" ادلّه النفس وادراها من الضيقي "
لو ان الاعصاب جور الوقت حارقها

[٨٨٨ @i3ebr]

ماني مناقشك ياقواد
انا ما اناقش ولد ظلمى

والله ما اشوفك مع الاجواد
وطاريك ماينغسل بالماء

راسك ضعيف مافيه عناد
راسً لا يدمي ولا يدمى

الهرش مايلتفت لـ قراد
واذنه عن المخطيه صمّا (:

[٨٨٨ @i3ebr]

ياللي على شأنه تجرعّت العذاب
قبل لا اعيّن من فراقك مقتلي

بالله علمني بعد طول الغياب
اشتقت لي ولا معاد اشتقت لي ؟

[٨٨٨ @i3ebr]

حبيتها وانا عن الحب منصوح
" وبريّتها بر الولد والدينه "

لكن جاء فالوصل والحب ساموح
وعيت تزين وعزة النفس زينه

ماودي اجرحها ولو كنت مجروح
قلت الغلا سوي به الي تبينه

[٨٨٨ @i3ebr]

كنت احسبنك من جروح الزمن طبّي
لاتقصف الروح فيني الي مكفيني

هاذي سواياك وانت تقول ياحبي ؟
وش عاد خليت للي ما يدانيني

[٨٨٨ @i3ebr]

كنت ابيك تكون شي وصرت شيً ثاني
والخطا ماهوب منك انا الخطاء بعيونه

يوم اهيم بصوتك الفيروزي الرحباني
واتخيل كل كلمه من فمك موزونه

خاب ظني فيك ، ليت ظني فيك ماخلاني
ابني احلامي على حاجه ماهي مضمونه

اعتذر لك عن خطاب اسلوبي الوجداني
الادمي مهما حصل يبقى رهين ظنونه

[٨٨٨ @i3ebr]

انا والله ان قدّ لي وانا خاطري ينلاف
معي علةً لاجابت اجّلي ولا راحت

صويبً صوابي من هوا جادلً ميلاف
لها كمً سنه ماريحتني ولا ارتاحت

غدا فيني من القاع ومن العرب خفخاف
شهودي مصابيح الدجى كل ما لاحت

لكن كان غبت من الربع لااحتمى الميقاف
" علي تحرم دلال الرياجيل لافاحت "

[٨٨٨ @i3ebr]

يالي تقولون الطبوع تزين في يوم الربوع
امثالكم على الحياه الواقعيه وينها ؟

انتم يمر اسبوعكم ويدور من بعده اسبوع
ووجيهكم يابردها ، واخلاقكم يا شينها :)

[٨٨٨ @i3ebr]

الليل هادي والمساري علة النفس الحزينه
تنبش الجرح القديم وتاخذ الحسرات منها

الاكيد اني سريت وضقت من جو المدينه
لـ المكان الي يعزل النفس عن ضيقة زمنها

سامحيني ياعيوني كل ما طاحت .. ثمينه
غاليه ... واغلا ماعندي مير ماعنّي وعنها

[٨٨٨ @i3ebr]

معك صادق الا كلّ ماقلت كيف الحال
هي الكلمه الي مقدر اصدق معك فيها (: