خالِد فقط

مجموعة إنسان

[خالِد فقط @i47pl]

جتني وشافتها عيونٍ حايرات
ذا شعاع الشمس أو هذا سناها

ضاعوا اللي جو معاها مسيّرات
و أقبلت تمشي تقل محدٍ معاها

يا سنا الفضّه ويا جيد المهَات
يا شذى نبت الخزامى في وطاها

قلت كن بوجنتك زهْر النبات
قالت إن الرمش يجرح لى صفاها

تجرح الظلما عيونٍ ناعسات
سلهمت و أغضت تغطرس في بهاها

[خالِد فقط @i47pl]

حبيبتي أرجوك في القلب حسره
كافي زعل أشغلتي الفكر هوجاس

والله لو تدرين هالحب جمره
بين الظلوع تشب من حر الأنفاس

غديت طفلٍ ضايع فيه عبره
محدٍ سأل وشفيه ما قال لا باس

وهذا الغرام الله يكفيني شرّه
بعيش احساسٍ وباموت احساس

[خالِد فقط @i47pl]

لا صد عنك اللي توده و ترجيه
مالك بكل البيض يا قلب راده

كم ليلةٍ من بين دمعي أناجيه
يوم إن كفّيني لخدي وساده

أحب شوفه و أشتهي ذكر طاريه
ياويل حالي من ليالي بعاده

[خالِد فقط @i47pl]

أنا الجفا ليه أخاف الناس تجفاني
وأنا الحبيب الذي من يعشق عيوبه

راعي الوعد وإن صدق مرّه ولاقاني
يحتار بين السراب وقلب محبوبه

يا من عذابه يشققني ويرفاني
فرقاك غصبٍ علي بالحيل مكتوبه

[خالِد فقط @i47pl]

ودّي أكمل معك حتى الحياه البرزخيه
وين تلقى عاشقٍ يبغاك حتى في مماته

من يشوفك يدري إن الموت حاجه عايديه
كل ليله في طوارف مبسمك يعلن وفاته

هات فنجال الهوى بيدك وحطه في يديّه
لو تصب الموت في فنجال حبك قلت هاته

[خالِد فقط @i47pl]

ماني لكل مضيّع دياره ديار
ولا هو ضروري كلٍ يذوق خيري

أنا فدى اللي ينتظرني على نار
إن غبت عنّه ما يعوضه غيري

[خالِد فقط @i47pl]

اللي لها مبسمٍ عذبي
رعبوب وعيونها وساعي

مملوحه زادها ربّي
لفتة ظبي يوم يرتاعي

لو ما تهيّت على دربي
لقتني بدربها ساعي

حنيتها من حمل ذنبي
لا مت وعيونها تراعي

[خالِد فقط @i47pl]

ماني في حبك كذوبٍ ودجّال
ولاني على بعدك قليل الحسايف

ظاميك و أحبك ولي منك اللالْ
و أبيك و أرقى في هواك النوايف

و انته تطاوع بس حسودٍ و عذّال
ما تدري إنك غير كل الولايف؟

[خالِد فقط @i47pl]

أنا أحبك مابها زيف وخداع

[خالِد فقط @i47pl]

شبّيت به نارٍ و عرضته لريح
لا يا بعد قلبي وجمره وريحه

قم ضمني خل العيون الذوابيح
تذرف على صدري رذاذٍ يريحه

[خالِد فقط @i47pl]

مرني متى تحب أصعب الحب أجمله
أنا وحدي و المكان مثل ما تتخيّله

شمعتين وطاوله والزهُور الذابله
وكرسي فوقه صورتك مثل حظي مايله

[خالِد فقط @i47pl]

إن وقفّت مثل الزهر بين الأطعاس
وإذا مشت فـرس أصـيله وقبّـا

ريحة نفسها غير عن كل الأنفاس
وإن سولفت حتى البليغ يتهبّـا

في مدحها جاني من الشعر هُوجاس
و أصبحت متنبي شِعر و أتنبـا

[خالِد فقط @i47pl]

الوعد باكر ولو تأخرتي لا يجي باكر
ما أبي باكر بدونك أحبسي الفجر فِ عيونك

و إن أشغل طيفي ظنونك واعديني بعد باكر
أنا ظلي تحت شمسك ولو تغيبي ماهو ظلي

[خالِد فقط @i47pl]

رحتي ولا ظنك تجين وين الوعد يا مفارقه
انتي عيونك والعتيم سبحان ربٍ خالقه

قصيده لشاعر قديم عاشق ومحدٍ صدقه
ومن كثر ما غبتي عليه جمع قصيده وشققه

[خالِد فقط @i47pl]

ليتك معي ساهرٍ ليل الهوى كلّه
مانوم أنا وانت لأجل الحب سهرانِ

ترى السهر مع حبيبك يبري العلّه
لا صرت شفقٍ وهو عليك شفقانِ

[خالِد فقط @i47pl]

يا وصلها الغالي هلا حيّيت يا عز الطلب
لا خير في قلبٍ على مغليه بالدنيا قسى

[خالِد فقط @i47pl]

كل الحروف المبطيه والجديده
تطري علي لا شك في شوقي أحتار

قبل الورق وإنتي في بالي قصيده
وبعد الورق ضيّعت أنا الأشعار

[خالِد فقط @i47pl]

كثر النهار أشتاق وإنتي بعيده
إلين أشوفك كثر ما تنبت أشجار

ومثل الرمال أحس روحي وحيده
إليا أجدبت عامين ما طاحت أمطار

طال السهر والليل ينزف وريده
في صدري هموم وهواجيس وأسرار

[خالِد فقط @i47pl]

تصدقي ما اخترت أنا أحبك
ما احدٍ يحب اللي يبي

سكنتي جروحي غصب
يا حبّي المُر العذب

ليت الهوى وانتي كذب
كان اعتذر لك عن هواي

ما اقول أنا كوني معايْ
إن ضايقك اني على بابك امر

[خالِد فقط @i47pl]

فارس العشق لا جاه الهجاد
من همُومه يكابدها وحيد

يطعن الليل بجفون السهاد
ويطرح الفجر بحبال القصِيد

فارسٍ ل اعتلىَ سرج العناد
اسكَن الرمح في صدر البعيد