محمد الدوسري

﴿تَوَفَّني مُسلِمًا وَأَلحِقني بِالصّالِحينَ﴾

[محمد الدوسري @i502je]

يالله بحظٍ على الدنيا يساعدني
يدركني الغيم واحلامي يحققها

[ابو وليد @Otibi7M]

القوات المسلحه السعوديه
#السعوديه_خط_احمر

اللهم احفظ بلدنا السعودية أمنةً مطمئنةً، وسائر بلاد المسلمين، وادفع عنها كل مكروه وفتنه

[بحـر @ajme_m4]

لحدٍ يسولف لي وش علوم ايران
و صهيون لحد يخوض في سالفتها

مادام ضرب النار في حد طهران
و تل ابيب الضرب صار بجهتها

ماعندنا فيهم ولو كان ماكان
سولف عن بكارٍ تمد رقبتها

الشرهه وسلطانه وبنت رمان
وفاطر مع الجندوب زين شعفتها

الخوف مارد المنايا ولا عان
دندن على الدنيا وعشها ومتها

مكتوبه الساعه وموتك ليا حان
مايردعه حاجه وروحك بهتها

وان ولعت حنا ترا ربع راكان
الي نصر الاتراك في معركتها

- بحـر

[محمد الدوسري @i502je]

لك العذر في غيبتك ولطيفك التقدير
متى ما سهيت وبان لي وجهك البدري

سرحت بخيالي فيك وأسهبت فالتفكير
وطلّعت كل اللي مخبى ورى صدري

ما تمنعني حدود المسافة عن التعبير
انا توّي مسولف معك وانت ما تدري :)

[محمد الدوسري @i502je]

سلامي وانا مابين شويه وجراره
على واحدٍ مافيه بعده ولا قبله

ذكرته وانا ابادل يديني على الطاره
بدارٍ خلا والخاطر اضيق من الدبله

[محمد الدوسري @i502je]

يالله لا تجعل ، حظوظي مجاهيم
عطني من حظوظ المخاليق وضحا
،
هزعا سناد اليا مشت كنها الغيم
مثل البَرد تسوى ،، ثمانين شقحا

[محمد الدوسري @i502je]

عسى العوض يارب في المقبلاتي
تعبت من ذيك السنين المفاليس

ابغى الحزن يطلع ويهجر حياتي
كم مرة ضاقت وانا لا عن بليس

ابغى الفرح من قبل ياتي مماتي
تعبت انا كني وحيد المجاليس

[محمد الدوسري @i502je]

عجزنا على جبر الخواطر ولاشيٍ زان..
وعجزنا نراعي عالمن ما تراعينا..

عجزنا على ظلم المحبين و الصدقان..
وسعينا مع اللي مايقدر مساعينا..

[محمد الدوسري @i502je]

نحرك ساحة حرم وشفاهك القبله
لاكني اثرت دين اباي وسلافي

[محمد الدوسري @i502je]

رجلٍ ليا قال اقلطوا يارياجيل
قامت تلفّت ناقته في ولدها

[محمد الدوسري @i502je]

الي مايعدك مكسب لاتعده راس مال .

#انتهى_النقاش

[محمد الدوسري @i502je]

معنا الليالي حي حي و اخ اخ
ولا انت معطتك الليالي ديددها .

[محمد الدوسري @i502je]

لو الله يحقق جميع أمنياتي
والله يا كل امنيه لا اتمناك

صاحبك رغم ظروفه القاسياتي
تسعين بالميه من همومه رضاك

[محمد الدوسري @i502je]

انا لي رفيق في المواقف يصيبه طيش
المعنى الصحيح لكلمة الصاحب الوافي

ليا قال دندن وأرقد امن وحملك ريش
احس ان معي فوج ابن لبده وابن شافي

[محمد الدوسري @i502je]

ترى صدور الناس مثل المخازن
ياما بداخلها من الشر والخير

وأكبر نجاحك في الحياة التوازن
والصبر لا صكّت عليك المقادير

[محمد الدوسري @i502je]

والله إنه ما يروّقني ويشرح  صدري
كود من بعد البطى نبراتك الصوتيه

[محمد الدوسري @i502je]

لو كانت اعرافنا ماتشبه اعرافك
المعطي الله عطاك الملح والقبله

حتّى لو المعتمر في طوفته شافك؟
ضيع طواف الوداع وضيع القبله

[محمد الدوسري @i502je]

ياليتني في حارة الزين خباز
اسابق المذن واسوي عجينه

وولع الفرن وارفع على الغاز
ولو احترق فدوةٍ لرمشه وعينه

[محمد الدوسري @i502je]

يشرب الجمَ من كان ضلعه متين
والضعيف يشمشم مغاريبها

وش على الذيب من طقعة ابا الحصين
الثعالب سرت وعرفت ذيبها .

[محمد الدوسري @i502je]

ياما تمنيّنا وياما…طلبّنا
وهذي حياتي كلها طاش ماطاش

حنا من التفكير في الحظ تبنّا
الامنيات محدره والحظ ماش.

[محمد الدوسري @i502je]

لاتتصل ماني على الصوت شفقان
مرواح جدّي جعلك أتلى همومي

ياما فقدنا من حبايب و خلان
بدري على الفرقا ترخي عزومي

أبشرك طيّب و رايق و طربان
شفني بعد فرقاك زانت علومي

من باعنا بعناه بـ أردى الأثمان
يانفس صدّي عن هواهم و شومي.