تـجـمّـل

" يا لعنبو حيك تجمّل ".

[تـجـمّـل @i55ls]

كم ضاع عمري على حاجات ما تسوى
في وقتها كنت احسب انها ضرورية .

[تـجـمّـل @i55ls]

سرا اللي شبوحه من ورا البارق الرعاد
لو البارق الرعاد .. يغريه و يغره

يجي الفرق مابين الرياجيل فـ الميراد
حدن يتبع الجره و آحد يصنع الجره

ترا أحياناً ضعيف الروابع حفيد أسياد
يجي من ظهر حر و يجي من بطن حره

لا كثرو معاديني أنا أستاهل الحساد
لو أفشل '' ما عين لي معادين بالمره ''

يابنت احتريني كل ليله علئ الميعاد
طريق الوصل ما دامني حي بـ أمره

تفاصيلك أبدع من .. ثلاثية الأبعاد
و عيونك تقول أنها من الوسع منجره

-علي حامد
@ali_h3meed

[علي حامد @ali_h3meed]

القلب مدهال لـ حبايب واصدقا
و الأرض صبت حيلها في منكبي !

عطني من ايام العمر موعد لقا ..
واخذ العمر كل العمر و اللي تبي !

[تـجـمّـل @i55ls]

@ciiz67 مبدددع ❤️

[تـجـمّـل @i55ls]

تمام وبخير ..و أيامي معك في تمام
معك اشوف الفرح من غير لا اصايده

تسعفني عنايّتك من : دافع الاهتمام
على كثر ما معاناتي .. معك كايده

لاتحقرين القليل اللي يجي بـ الغرام
انا لو اقنع بصوتك .. طالع بـ فايده

عمري !.. فدا نبرتك ( 26 ) عام
النبره اللي تجيب الفكره السايده

قلبي عليك انتي لحالك .. يرد السلام
ويعس جول الظبا ويشوفك القايده

إن مت فيك اشكرك على بلوغ المرام
حتى لو اموت فيك بجرعةٍ .. زايده

-عتيم @ciiz67

[تـجـمّـل @i55ls]

من يوم مرّت فتنة الجيل المعاصر ما غفيت
كن السـهـر ماسك جفن عيني بروس اصابعه

مزيونةٍ مـن حطها الله مـن نصيبه ما هقيت
تـطـري عليه .. الـثـانية والـثـالـثـة والـرابعة

فـ عيونها النعّس تضيع الناس .. لكني لقيت
"اجمل شعور" يمر في قلبي .. ويترك طابعه

انا اشـهد انّي مـن لقاها لا شبعت ولا رويت
مـع انـها اكـثـر بنت رويـانة جـمـال وشابعة

ان سلـمـتني قلبها والله لـ اصـونه ما احييت
لو الـزمـان .. يـزود فـي صـكـاته الـمتتابعة

اللي علي ، ما اخونها لو كان مع بنت السبيت
واللي عليها ، الكـلـمة اللي مـن غـلاها نابعة

[مطلق الرثيع @6olxr]

دلهيني يالعيوف من الطواري
والله ان نفسي لها مدّه معيفه

ماتسليها ترانيم القماري
ولا مداعبة الغصون ولا حفيفه

والطواري مالها مخرج طواري
تكره فوادي وتستهوي نزيفه

لا لفاني هاجسٍ بالليل ساري
بيته ضلوعي ومن روحي مضيفه

مال قلبي يالعفيفه من مداري
غير زولك لا لفيتي يالعفيفه

ارفقي في خاطرٍ ذاق العزاري
ضايعٍ مابين هالعالم وزيفه

انتي اللي انحرف لاجلك مساري
وانتي اللي مادخلني منك خيفه

حد رمشك كنه حدود الشباري
وطول جيدك مثل مومية السفيفه

لا لمحتك .. مايجي للهم طاري
يلتعج براق فكري مع قنيفه

البني في حضرتك؟ مثل الجوااري
قرّت عيوني بطلتك الوريفه

دلهيني يالعيوف من الطواري
لين ماربي يسندها المنيفه

[تـجـمّـل @i55ls]

15 هو قمر الليله وانتي قمر كل ليله

[تـجـمّـل @i55ls]

حط نفسك في مكان الناس، ماهو في مكاني
لاتلوم الناس يوم الناس تحسدنا علينا

كل مرّة تقول "أحبّك" كنّ "أحبّك" غصن داني
آتفيّأ به عن جروح الزمان اللي تجينا

أيه يا أغلى من عيوني، أيه يا ليلي وداني
لايهمّك لو بغينا نلتقي ولا التقينا

باكر أطوّع زمانك مثل ما أطوّع زماني
ونتلاقى ونسرق اللحظات وإيدينا بإيدينا

خاشروني فيك.. لكن مادروا بإنّي أناني
ماقبلت مخاشر بحبّك ولو مُتنا وحيينا

يتركونك لي.. وغيرك يطلبون أي شيء ثاني
توّنا نشرب قراح الحُب.. باقي ما ارتوينا.

-فارس فايح @FaresFayah

[تـجـمّـل @i55ls]

كل ما أسمع من يقول التجربة حلوه .. و مرّه
قلت يا إنسام الصبا لو تسمحين إخذي و هاتي

( الغلا ) في داخل ضلوعي و في عيني مقرّه
يا الفريد : إللي سطا حبك على عقلي و ذاتي

أنت من حبيت خيره .. و أنت من حبيت شره
و أنت من يطري علي من وين ما تطري غناتي

الجمال إللي طلع فوق الثراء ( مطلاع درّه )
من يلوم إللي ليا شاف الحلا سوا .. سواتي

كل يوم .. أصافح ( طيوفك ) غلا مدري مبرّه
ووين ما لديت أشوفك وجهتي فـ أربع جهاتي

ماقدرت اعيش ( لذات الحياه ) المستمرّه
لا بغيت أواكب الحاضر رجعت .. لـ ذكرياتي

كل حاجه معك ؟.. ما تسوا لها مثقال ذره
كيف لا وانا على شانك زهدت فـ تضحياتي

المكانة ؟ ..ياحبيبي في ضلوعي مستقره
مايحركها المطر و الريح !.. لو الريح عاتي

يوم جيتك جيّت اللي يدري إن الموت مره
تاركٍ من خلفي الدنيا !.. و أهلها و أمنياتي

ايه و اللي نفسي بـ يده .. و رزقي و المجرّه
انك إللي تستحق أفضلك عن ( مغرياتي )

مستعد أفرش لك الفرحه و البسك المسرّه
بس أبي تحفظ غرامي زين " يا زينة حياتي "

- ناصر بن مفلح @nassre_

[تـجـمّـل @i55ls]

انتي المرباع ، و القايده ، و الاتجاه
واخر الامال واكبر هدف واول طموح
ㅤ
قبل اعرفك ما عرفت الوضيحي والمهاه
ولا اعرف ورقاً تغني ، ولا ورقاً تنوووح
ㅤ
بايعً لـ اجلك حياتي وانا احب الحياه
الحياه بدووونك . . اشر من روحٍ تروح

[تـجـمّـل @i55ls]

عيّد .. الله لا يوريك حزن ولا سهاد
ينشرح صدري إليا صار صدرك منشرح

[تـجـمّـل @i55ls]

@M3kkaz يا مرحبا ترحيبة الطيب والجود
من واحدٍ مبطي وهو فانتظارك

العيد والله شوفة عيونك السود
هو والله العيد الصحيح المبارك

[تـجـمّـل @i55ls]

خذيتك من عيون اللي يبونك مرجلة وعناد
مثل ماياخذ البحار من جوف البحر درّه

[تـجـمّـل @i55ls]

تزين الخواطر كل مازانت الاحوال..
عسى احوالنا واحوالكم دايّمٍ زينه

[تـجـمّـل @i55ls]

عز الله انك غاية المشفي ، ، يابو وجهٍ جميل
وطماعة اللي من دروب الحب قد سج وسلا

[تـجـمّـل @i55ls]

أحبها حبٍ تعدّى المواقيت

[تـجـمّـل @i55ls]

قبل الموادع نحسب انّا قويين
وعند الوداع اثر اضعف الناس حنا

[تـجـمّـل @i55ls]

طردٍ ورى الي فات مايغني الحي 
اعـرف مسافـات الحـيـاه القصيره

لا عـاد تندم فـي حياتك علـى شي 
مـاراح راح وجعل في الامر خيره .

[تـجـمّـل @i55ls]

لبيه قلي وش اللي تطلبه قلي
وش اللي تبي وابشر بمطلوبك
بس انتبة لا تناديني وانا اصلي
اخاف اترك صلاتي والتفت صوبك

[حمد العيباني @3IBANI]

وش اسود من شعرك الا .. العيون السود
سوادٍ.. سود الله وجه من عافه

يراودك السمار … وعاتقك ممدود
كأن الليل يتسلق على اكتافه

نواصي كل برق ف مبسمك معقود
يشدون البدو مع يمة رهافه

على هونك تدلل تشتهيك النود
على ادنى ما تحب يميل هفهافه

بعد لبّستك الما وانت مايس عود
سحابٍ يرتوي به كل من شافه

يرق لك النسيم وتستلذ عدود
يزم العشب عوده من تغريافه

ليا سلت عيونك رمشك المجرود
غدا حالي بخير وجرحي معافه

سمت فيك القصايد دامك المقصود
يغنيها طرب من يعجبك قافه

اخذني معك لا فاقد ولا مفقود
انا أول من مشى وعيونه خلافه

يحاول يكره .. وبرجع بحبك زود
على ظلمه حريص اكثر من انصافه