ّ

لا قبلي ولا بعدي

[ّ @i6abl]

لكل شخص مرّ من هُنا :
كن كالغيث تروي قبر فقيدي بدعائك اللهُم أرحمه وأجمعني به على منابر من نور .

[ّ @i6abl]

ماعاد بي شده على طرد السراب
و مراقبة شمسً توارت لـ الغروب

أما وجودً يلوي " ذراع " الغياب
ولا غيابً يفضح الوصل الكذوب

[ّ @i6abl]

تدري وش أصعب شعوراً فالحياه
انك معلق لك بـ ضحكه صديق

إذا ضحك شفت السعادة في حكاه
وإذا زعل ماكن للفرحه طريق

[ّ @i6abl]

مرحباً أما بعد :

محمد المقحم يوضح لنا مدى بساطة الحياة
وسهولتها وأنها لا تستحق إعطاءها أكبر من ما تستحق وقال :

دام الغصن ماهو بـ يختار طيره
خفف على نفسك عتابك ولومك

الوقت يبي ياصلك شره وخيره
وخذ حقك من أكلك وشربك ونومك

الرزق محدٍ ماخذ رزق غيره
والموت منت بميت قبل يومك

[ّ @i6abl]

أخـاف اقول إنك وحشتيني
وانا اللي أوحشوني كلهم راحوا

[ّ @i6abl]

حتى من يشاف فيه الوازع الديني
أضمن لك إن شاف وجهك شاف ما سرّه

و شلون أنا العاشق اللي صار روتيني
أجمع لك أبرد شعور الحب و أحرّه

خليني أملا قبل لـ أفارقك عيني
يمكن معاد نتقابل غير هالمرة

[ّ @i6abl]

ما أقسى أن تنظر لشيءٍ كنت تراهُ أتساعك الوحيد ، فتجده فجأة أضيق من أن يحتمل تساؤلاً واحداً

[ّ @i6abl]

ترا بعض الكلام رصاص لا صار اللسان زناد
ياليت الادمي ما يهرج اليا ضاقت اخلاقه

[ّ @i6abl]

ياعذاب الي هقاويه وأحلامه كبار
يحسب الدنيا تراعي شعور الطيبين

[ّ @i6abl]

ماعاد وسط صدورنا ملفى يضم العابريـن
يـ اللي نظام قلوبكـم من مرّها عابر قلط

[ّ @i6abl]

أنتي مثل بيتٍ كتبته وأنا طرب
طروه لي وأنا حزين ونفيته

[ّ @i6abl]

لا احتجت لي طنّش جميع الخلافات
وقفاتنا ما ترتبط / مع زعلنا

[ّ @i6abl]

تمرك العابرين و ما تسلّم عليك
إلا غريبٍ طوته الأرض بـ سنينها

قال أنت جالس لحالك تنتظر من يجيك
قلت أنتظر نفسي اللي ما اعرف وينها

[ّ @i6abl]

عقب حبي لو يحبّونك الناس أجمعين
يكفي إني في محبتك — راعي الأوله

[ّ @i6abl]

كل مافكرت بالقلب حبيت الجميع
وكل ما فكرت بالعقل ماحبيت احد

[ّ @i6abl]

تبعدني البل عن محطات الإرسال
و الزين يزعل يحسبنّي نسيته

[ّ @i6abl]

ياوجدي ان عود المألوف مثل الغريب
ذي والله الحاجه اللي تستفز الشعور »
— جابر النشيرا

[ّ @i6abl]

عيونك مثل مجدٍ قصر دونه اللّي خاف
و أنا اللي يحب المجد ويموت من دونه

[ّ @i6abl]

من صفالي ما تركته ولو طال الزمن
ومن تغيّر رحت عنه وهو عينه تشوف

[ّ @i6abl]

الا ياهبوب الصبّح خفي على الملتاع
ترى خاطري ضايق من الليل وعلومه

[ّ @i6abl]

مابعد هبت الرجال مناطحين الهيه
مير اهاب اللي رموشه عسكره وسيوفه

انت مطغيك الترف والعيشه الفوقيه
وش تبي بلي لواهيب السموم تلوفه