ر

﴿تَوَفَّنِي مُسْلِمًا وَأَلْحِقْنِي بِالصَّالِحِينَ﴾

[ر @i70_07]

يالله تجعل في نعيمك خلاصي
لا وقفوا كل الخلايق على جنب
أنا صحيح إني فعلت المعاصي
لكني افعلها و أنا أحس بالذنب
-محمد بن عفيفة

[ر @i70_07]

الحق ما يوصل بتقية ولا همس
ياللي قريتوا سيـرته ، وصلوها

رجّال ما صلّى صلواته الخمس
ماهوب حول المرجلة كلبوها
-عبدالله حنيف

[ر @i70_07]

أخاف لا أبعد عنك وأدخل متاهات
وأخاف لا أقرب منك و تلوي ذراعي
- عبدالله السميري

[ر @i70_07]

البرق لا جاء المشعف زوّد إشعافه
وأنا مشعّف غرامك ،، وأنت برّاقي ❤️
- سعد بن جدلان

[ر @i70_07]

تضيق بي الدنيا بكبرها من معابيس الوجيه
وهذاك لا منّه تبسّـم .. شفـت للدنيا طرف
- سعد علوش

[فهيد الحماد @FhNalhammad]

أخاف
من المكان
اللي ما هو مكاني

[ر @i70_07]

كل ما عيّـنت وصف وجيت أعنّه
ضعـت بين الفوضـوية ، والرتابة

ماخذٍ تاج الجـمال إنسه و جنّـه
ما لهـم في حقّك الشرعي طلابه

بـايـع ٍعـمـري لـ أبـو زمّـه و بـنّـه
كل مـا شفـته مـجـرّحتـه ثيـابـه

أنـت حلم قد مليت الكـف منّـه
وأحمد الله وأشكره من يوم جابه
- صالح النشيرا

[ر @i70_07]

وا هنيّـك تـرقد الليـل و عـيونـك تـنـام
وإلا انا .. يـا بري حـالي و يـا كـثـر تـعبي

كـلّ مـا وسّدت راسي على ريـش النعام
إسـتبـاحـتـني هـمومـي و ثـنّيـت ركـبي

مضمي من هجعة الليل و عيـوني حيام
و السـهر يرعى عـظامي و دمي و عصبي

- تركي الميزاني

[ر @i70_07]

إذا كان السـفر دربـك ليـا فـارقت
أنا كان التعـب عـمـري بلا عـمـرك

و إذا بترجع لـ حاجة لا تقول إشتقت
رحلت بلا عذر والحيـن وش عذرك؟

ترى ما فيه شيءٍ راح .. غيـر الوقت
وأنا عمـري قضيـته كلّـه أنتـظرك

بتذكرني ليا جار الزمان .. وضـقت
ولـكـن ما بتـلـقاني عـلى خـبـرك
- عبادي الزهراني

[ر @i70_07]

لا أدلق جديل على الأمتان مترجّد
على اتلح فيه مثل مكبر النجده

من نور جيده سواد الليل متبجّد
ليله يصبح مساه وصبحه يهجده
- سعد بن جدلان

[ر @i70_07]

@majed_almhl ماشاء الله تبارك الله

[ر @i70_07]

مال الدراهم فايدة بالمذلّه
مفشّله حتى ولو جمّلوها

يا حلوها حلواه لا جت من الله
غصبٍ على خشوم البشر كلبوها

[فهد قطنان @Fahad_Qatnan]

يا صاحبي ترا الطناخة جبّله
ماهيب سلعه لا بغوها خذوها

من لامني في عزة النفس قلّه
كرامتي ما خلقوا اللي شروها

مال الدراهم فايدة بالمذلّه
مفشّله حتى ولو جمّلوها

يا حلوها حلواه لا جت من الله
غصبٍ على خشوم البشر كلبوها

[ر @i70_07]

يا ساكن الهوجاس ممساك ما طاب
راحت مـجـاهـيـم و جتنا مـغـاتـيـر
- بدر عبدالمحسن

[ر @i70_07]

جالسة أتقهوى و طرت لي هالبيتين :

يـا دلـة الـعـصـر فكيني لـ وجـه الله
وش جاب ريح القناد لقصة الماضي

لـيـا مـتى و الـحـنـيـن يـدوّر الـزلـة
ويضيق صدور خلق الله على الفاضي
- عبدالله ال لزيوح

[ر @i70_07]

سبحان من ميّزك بين العباد أجمعين
كنهم غسول قهوة وأنت قهوة شمّري❣️
- صالح النشيرا

[ر @i70_07]

أوقف بعض الأحيان مكتوف الايدين
و أغبط و أهنّي كل متبلّد إحساس

لو كنت لاقي للحقايق براهين
كان أخترعت لراحة البال مقياس

و اللي موصلني لذا الحال ثنتين
كذبي على نفسي و صدقي مع الناس
- عبدالواحد الزهراني

[سعود بن مبارك @Saud_almshly_]

جعل يسقى لا جلدته مع الخط السريع
صـوب دارٍ ما وصـلني خبر مرسـولها

دار من يروون حد المـذلّق والوريـع
يرعب الراس المشورب هدير فحولها

الشجاعه بعض الأحيان هي عوق الشجيع
والقبايل من عـرفها .. يعرف فعولها

يا عرب هو عادلي عند شيختكم شفيع
جعلني ما أفقد غـلاها ولا أفقد زولها

سيّدة قلبي ومنتوبة الساس الرفيع
الأصول اللي عليها الكلام اصولها

يخشع التاريخ في حضنها طفلٍ وديع
من نقـاها ماتدور السوالف حولها

مالقيت أزكى ولا أعذب من أنفاس الربيع
غيـر ريـح العود الأزرق على مجدولها

[ر @i70_07]

تعبت و أزريت .. ما ملّيت من صبري
ليت الذي راح مني كثر ما جاني

أحيان ودي أطيح من التعب وازري
و تشيلني عزتي وسلوم جداني
- سعد الحريص

[سعود بن مبارك @Saud_almshly_]

أعتقـد والحيـاة بكبرهـا "معتقـدْ"
مُبتداهـا وصول، ومُنتهاهـا رحيـل

عش كمَا شئت لا مُكره ولا مُضطهدْ
وأيقنْ إن ما ورى غيب المنايا دليـل

من رضـى الهينة ما جابت أمه ولـدْ
لو تسامـى بمال وجاه يبقـى ذليـل

لا تـحـاول تكـون "المنتصـر للأبـدْ"
أصعب من الجميل إنك ترد الجميل

[Nawaf @byNawaf_]

عسى نور الفجر يطوي ظلام الليل وأسراره ..