D

حنا حرار وكل حرٍ جزوعي
ماتمشي العوجا علينا مدانيق

[D @i7rbiiii]

ياوجودي كل ما طرف الليل وسليت
قامت الدمعه تسيل على خدي مسيل

كثر ماشافت عيوني من الغبن وبكيت
كثر ماكفيت دمعي وفي صدري عويل

شاحبٍ وجهي.. وعيني تبيّن ما خفيت
شغلي الشاغل مايوضح على وجهي دليل

[D @i7rbiiii]

كل ماطرف الليل وتمادى الشعور
تعبر مع الدروب السالكه عبرتي

من فراقك تقلدت العنا والقصور
لاتغرك علاقتي ولااااااااا خبرتي

[محماس @Al_ruwqi_511]

الله من قلبٍ عوى عويت الذيب
ذيب عوى لجت ضلوعه ولجي

عليك ياراعي العيون المهاديب
سودٍ مضاليلٍ وساع ٍ وبجي

سودٍ تشذب بشرة القلب تشذيب
طحت بخطرهن يالله انك تنجي

سهومهن تسطي على القلب وتصيب
تخج صندوق المعاليق خجي

ياصاحبي حبك لقلبي عواقيب
ارفق علي شوي قبل استلجي

يا اللي عليك عيون الامه مراقيب
تقول بين شفاك درٍ يمجي

والخد براق المزون المهاضيب
اللي رعوده رجت القاع رجي

يامنوتي مافيه شك ولاريب
منساك كود انسى صيامي وحجي

يابو نهودٍ شلعن مقدم الجيب
كمشمشٍ عرقه من الماء ينجي

من فوقهن شقرٍ تغذى على الطيب
ريح الشمطري في طرفهن يعجي

ذيل اشقرٍ ينسف خلاف العراقيب
تطلب عياله بالمهر والترجي

هزه وزرفات السبايا جناديب
لوما شليل السبر والمال هجي

ذبحتني ياسيد كل الرعابيب
فجيت قلبي يأريش العين فجي

فجن مثل مضراب شلفاء تراحيب
شلفاءاً تخل الدم الاحمر يكجي

لا وردة من كف مرو المغاليب
والخيل كاسيها ضبابٍ وعجي

ياعاذل المشتاق مابالهوى عيب
ماذقت لذاته عسى امك تدجي

لو ذقت من حلوه ومره تجاريب
مالمت طراد البني الغنجي

نجل العيون مزعلات الخطاطيب
شعوٍ عذاب مقطعين الفرجي

يم الحبيب اللي هروجه تعاجيب
ياعين لديله ويارجل سجي

محمد خلف الخس

[D @i7rbiiii]

لو تساومني على الروح ياضاف الجديل
قلت لك تستاهل الروح يامحبوبها

مير لو تقرب حدود الكرامة ربع ميل
صرت من يطمع بدارٍ حموها حروبها

[D @i7rbiiii]

@999ksax @Gdeeral45 @z_6o7 كنت موجود انت ؟

[D @i7rbiiii]

@_3jim سلطان الحويقل مطيري ؟

[D @i7rbiiii]

@the_ttwiity @Car_eers جده

[D @i7rbiiii]

قلطنا وهو يقبل ويقفي تقل مسعور
يشعشع وعدّه بالتراحيب ياكلنا

وعلينا عياله يدرجون اشقرٍ مذعور
وراه المداخن كل لحظه يمرّنا