المطيــري💙

شعر وشويه شعور ..

[المطيــري💙 @i86eo]

﴿ وما تدري نفسِ بأي أرض تموت ﴾

اللهم إني اخاف موت الغفلة وأخاف ظلمة القبر ،ربي إرحمني إذا مت وصرت نسيًا منسيّا ، اللهم اني أسألك التوبه قبل الموت والشهادة عند الموت والمغفرة بعد الموت ، يارب سخر لي من يدعي لي بعد موتي وأجعل لي أجور جاريه لا تنقطع في حياتي وبعد مماتي

[المطيــري💙 @i86eo]

المحبه قبل اعرفك شي عادي واعتيادي
بس عقبك والله انها في نظر عيني عظيمه

ودي احطك وسط عيني واغمض لا ارادي
من كثر خوفي عليك من الصواديف الاليمه

[المطيــري💙 @i86eo]

معك اغتنيت من الهوى والحب يا مال الغناه
وحببتني في ايامي اللي ما هقيت احبها

انت الحياه اللي عطت للناس معنى الحياه
وانت النعيم اللي عليه الناس تشكر ربها

[المطيــري💙 @i86eo]

صباح الخير اما بعد :

عشت ليلة وداعك بين شكّ و يقين
منكسر خاطري ، والدّمع ماله ذرى
.
جيت عابر سبيل ورحت عابر حنين
خطوتي لـ الأمام ، و نظرتي لـ الورا

[المطيــري💙 @i86eo]

صباح الخير💙

[المطيــري💙 @i86eo]

اللهُم لك الحمد على ما أنا عليه
ولك الحـمــد على ما سأكون ولك
الحمد حتى ترضىٰ ولك الحمد إذا رضيت

[المطيــري💙 @i86eo]

لا باس يا قلبي لا باس لا باس
انا اعتذر على اللي جرا لك

الوقت قاسي ولكني قوي باس
فالحب يا قلب محد صفا لك

[المطيــري💙 @i86eo]

لينت لك قلب لـ غيـرك مايلينه الحديد
ولديت لك عيـن لـ غيرك مابعد لديتها

ـــ سلطان الهاجري

[المطيــري💙 @i86eo]

من باعني ماني على وصله حريص
" ولاني ورا المقفي ادور لي غلا ".

[المطيــري💙 @i86eo]

" تهقويت و الهقوه رست بي على لابأس
و تجرّعت صدماتٍ — من وجيه مألوفه "

[المطيــري💙 @i86eo]

أنا اعتذر لك عن التقصير في حقّك
يا طيّب القلب يا بو كلٍ .. و عذره

لكن لو احتجت شيٍ و الزمن عقّك
بأذن الله إني جبيرة عظمك و كسَره.

[المطيــري💙 @i86eo]

يموت الغلا من قلة الوصل والتقدير
مثل موتة المعروف، لا صار بْه منه

[المطيــري💙 @i86eo]

أنت تدري ما على الأرض منك أغلى و أحب
و أنا داري ما على الأرض غيري —— تهتويه.

[المطيــري💙 @i86eo]

كنت اقول السكوت انه علامة رضى
لين سكتني الواقع .. وانا ما رضيت .

[المطيــري💙 @i86eo]

أحيان سوء الفهم يمشي بعكس الرياح
ولا يترك بين الناس " أخذ و عطا "

قال أنت ش أسمك قال : مالك صلاح
هذا يقول أسمه .. وهذا فهمها خطأ :)

[المطيــري💙 @i86eo]

تركت رد الجرح بالجرح لله
لأن ما لـ السامي إلا التسامي

اما اني اجرح واعتبرها مجازاه!
والله لا تربيتي ولا نظامي :)

[المطيــري💙 @i86eo]

القلوب إن ماوفت لأحبابها ماهي قلوب
و العشرة اللي ما ترد الروح مانسعى لها.

[المطيــري💙 @i86eo]

جذبت الروح بيدين الغلا صوبك ولا عيّت
وحبك شيٍ يثمن عنوة الواحد على شانه .

[المطيــري💙 @i86eo]

هواجيس من نوع أخر :
شعور ْمتناقض واسأله مالقت تفسير
انا كيف بـ بلادي واحس اني بغرّبه

[المطيــري💙 @i86eo]

مافيه شي بهالزمن مضمون
اقنعني به الوقت واقنعته

يخونك الي مستحيل يخون
ويحبك . . . الي ماتوقعته :)