ماجد العتيبي

كيف خليتني عقب الجماعه وحيد

[ماجد العتيبي @i8ll8l]

الجهات اربع وانا اشوفك الاربع جهات
كل يـوم اذبـح لـ طاريـك لا عرض طلي

[ماجد العتيبي @i8ll8l]

تماكن غلانا لا تقفي عنه مختّال
مكابرك لا يلعب بـ عقلك وتجفاني

مثل يوم " أبيك " ولا لقيتك تراني ذّال
يجي يوم تبغاني ولا عاد . . تلقاني

[ماجد العتيبي @i8ll8l]

جاهدني الوقت لين اتعبني جهاده
خلاني اقنع بحاجاتٍ ما تقنعني

[ماجد العتيبي @i8ll8l]

عسّى الله يعوّض بالأجر فايض الاحسّاس
من يعيش زهرة عمره ولكن - مشيّب

صدوف الليالي تمتحن كل طيّب راس
ما حسّ بمعاناة الكفو واحدٍ خيّب

وأنا فوق ماني منحرم لذّة الاوناس
لو اقرا خبر عن شخص عدّيته قريّب

معي قلب متعبني ويحزن لحزن الناس
ولا يذبح الطيّب سوا قلبه الطيّب

[ماجد العتيبي @i8ll8l]

يارب و أنت أقرب من الواحّد لقلبه
وأنا اللي في خاطري ماهو في يديني

يسّر لي العسره و ليّن لي الصلبه
و أغفر لي ذنوبي اللي بينك و بيني

[ماجد العتيبي @i8ll8l]

وأنا معاهدك والعهد فـ رقابنا ديّن
ما أخليك لين الموت ينفضى شليله

تراك بذرا وجه السنافي تذريّن
شجاع ماعمره ردته المستحيله

وحنا على العهد المشرف ترا باقين
محبة نقا ماهي .. محبة فشيله

[ماجد العتيبي @i8ll8l]

ضايقٍ صدري ومتبعثَر وأحس بغربة
مبطِي ماشفت شيء يستثير أعجابي

[ماجد العتيبي @i8ll8l]

تقطعت كبدي من الحزن والخوف
حزني على روحي .. وخوفي عليها

بكيت حتى خفت لا يطلع الشوف
مع الدموع الي غدا الشوف فيها

انا ضحيّة حب واذنوب وظروف
يكفي لتدمير اي طيّب .. حديها

اشعر بـ نارً تلتهب داخل الجوف
مايقدر الماء لو شربته .. يجيها

[ماجد العتيبي @i8ll8l]

يا حبيبي في سبيلك قد حرقت كروتي
انت حلمٍ لو قدرت احققه حققته

ما تذكرك الليال الموحشات بـ صوتي ؟
وما يذكرك الصباح بـ غاليٍ فارقته ؟

طال صبري في غيابك واستمر سْكوتي
ما استوى لي عودك المبري ولا عانقته

ومتلهف خاطري على ثَغرك التوتي
ادري انه حلو بـ المره وانا ما ذقته

[ماجد العتيبي @i8ll8l]

يالفريد اللي ماغيرك على الدنيا فريد
العـرب مـا ضـنّ بـ لحـالها متهوّلـه

الطـيور اللي تكافخ ،،، و مرقاها بعيد
لو تشوفك من سماها تجيك محوّلـه

[ماجد العتيبي @i8ll8l]

ودي أعلّق عقب طول الغياب أعلامي
في نحرك المنقسم ورقبتك المنتوقة

[ماجد العتيبي @i8ll8l]

يا أوفى ويا أحبّ من بادر ومن واصل
و أعز من شيمتي و أطيب من ظنوني

وجودك يداوي جروحي ويستاصل
الضيقه اللي تحجب النور من دوني

أحاول إنه مايفصل بيننا فاصل
حتى ولو ينفصل راسي من متوني

أشّر على ماتبي .. واللي تبي حاصل
حتى ولو تطلب عيوني .. من عيوني

[ماجد العتيبي @i8ll8l]

ترتفع قيمة الغالي مع الابتعاد
المطر كل مايبطي يعطش الثرى

[ماجد العتيبي @i8ll8l]

كل ماضاقت علي شبه الجزيره
ودي اخذ صوت ابو نوره واجرّه

يوم غنى شرهة العاشق كبيره
خذت لي بين السماء والارض فرّه

ياهوى بالي ترا الدنيا صغيره
والمحبه والعمر والموت مرّه

حتى لو ان المفارق فيه خيره
انا راضيٍ بالوصل خيره وشرّه

[ماجد العتيبي @i8ll8l]

كل يوم أحلف لوقتي بالدقايق و الثواني
لو يرجّع وجهي الأول لحفظه وأعتني به

ولو عيونك تخترق وتشوف ما خلف المحاني
شفت حقد وشفت كره وشفت حب وشفت طيبه

ولو جمعت أهل القلوب اللي من الدنيا تعاني
انا أغرب شخص ممكن في حياتك تلتقي به

[ماجد العتيبي @i8ll8l]

المصَافح بالقلوب أصدق من مصافح الأيادي
اسمحي لي كل يـوم اصافحك وأنتي بعيده

[ماجد العتيبي @i8ll8l]

ودي أعلق على الصدر ممنوع الدخول
لأن قلبي من دخل فيه ما يطلع منه

[ماجد العتيبي @i8ll8l]

يلعب علي يحسبني من ملاعيبه
هو مادرى اني على الناس لعابي

[ماجد العتيبي @i8ll8l]

تعديت مرحلة التحسف على إللي طاف
انا هالسنه صرت اتحسف على الباقي

[ماجد العتيبي @i8ll8l]

يجيني على شوفك مشاعر وله وهيام
وانا فيييك والله مادري ويش انا لاقي