مُنى الأسلمي

مزايا غيره من الناس
ماتسوى عذاريـبه

[مُنى الأسلمي @i8llu2]

لا طحت من عيني وش اللي يشيلَك ؟
لاني بنازله لك ولا أظن ترقى

خربتها بيدك ويا عزتي لك
فوقٍ على مرّ الكسَر مرّ فرقى

عطني قفى ظهرك وكمل جمَيلك
نفسي على الواطين ماهي بشفقى.

[ِ @1hht_]

« لـ جل ذيك الثنايا تقبل مهار القصيد وفود
جعل قلب ٍ يورّيك القسى ما يقبل إحسانه »

— سعود مهدي

[مُنى الأسلمي @i8llu2]

لا تأخذ أوصافي من اللي وصفني
لا تصير كالدربيل كلٍ يوزنك

بَرَق شوي وشف روحك وشفني
لحدٍ يزيني ولحدٍ يزينك

أنا لا من جيت كلٍ عرفني
وأنت تجي وتروح محدٍ درا عنك.

[مُنى الأسلمي @i8llu2]

يارب وجهني طريق الصالحين
بدايته ونهايته ، سترة نجاه

رفعت نفسي عن دروب التافهين
اللي ولا دربٍ يشد الانتباه

اما حياة الطيبين الغانمين
ولا حياةٍ ماوراها من غناه

اللي حسبته من قروم الطيبين
الوقت ماقصر وبين لي خفاه

يزين طبع الناس ، ولا مايزين
كلٍ على حسب العمل يلقى جزاه

[مُنى الأسلمي @i8llu2]

اللهم أجعل لي من بعد موتي أهلا
وأصحاب لا يهجرون وصلي بالدعاء

[% @xiiiell]

لا تخليني أخمد غضبي اللي منك بنفسي ثم تجي مستغرب ليه كل هذا البرود وليه كل هالرماد

[وَدْق @rrh24_]

تراني من الدنيا واهلها نفضت يدي
ومن جملة أحلامٍ كثيرة قنعت وعفت .
- ناصر الحمادين .

[مُنى الأسلمي @i8llu2]

لو أحسب منسوب العباير من التعبير
ماعندي كلام أعزَ من دمعي اللي جاه.

[ـى @dominaance]

"عمري ما استنيت رد منطقي، أنا كنت بس عايزة رد يطمن"
— أيام وليالي | ١٩٥٥

[‏وهم @rrcv0]

حالياً ما أتمنى الا اُمنيه بن جدلان/
ليت الغرابيل جتني من عدوٍ لي .

[ِ @1hht_]

الأستنساخ جهد ضايع لما الأصل ما يشبّه أحد
و لو كان الأصل أنا يصير أصعب

[ِ @1hht_]

«لو إن الزمن .. قادر يرجّعك بين يديّ
من يرجّعك في نظرتي مثل ما كنت»

- عبدالله السراهيد

[َ @Mimutairii]

بكره تشعّ إن قالها الله أمانيك
مهما غفت في ليل الأقدار شمسك

[مُنى الأسلمي @i8llu2]

ماهقيت اللي مثل روحي يكبَدني هزايم
حتى عشت الحب وأدركت التفاني والخذيلة

وإنتهى جو الصفى والفى مكانه جو غايم
هكذا حُب التسرع يجعل الغاية وسيلة

قد يحب شي المرء وفيه طير الشر حايم
ولا يكره شيء تكمن فيه روضة للفضيلة.

[َ @Mimutairii]

كثير الزّين يوم أقبل وسلم
فرض حبه وقدره وأحترامه

[فهد قطنان @Fahad_Qatnan]

انا عن اللي جاي ما عندي علوم
ومستقبلي ما أعرفه الا بـ ذكره

واثق تمامآ بأن كل شي مقسوم
مثل ما اثق في حمد ربي وشكره

وفـمطاول الايام مانيب ملزوم
ب اعيش يومي بس واحب و أكره

لـ احدٍ يهرّجنا فـبكرة من اليوم
حنا عيال اليوم .. يا عيال ، بكره

[َ @Mimutairii]

حبيبي كيف أسولف وأتباهى بك وكيف أبداك
وكيف أشعل دجى ليلك أغاني وأرسم الصورة

وليل الشوق لا جابك على بالي بدون إدراك
أنا كيف أحتضن صبحك قبل لا تغني طيوره ؟

تفاصيلك سنا وجهك حبيبي ضحكة محياك
تفج ليلٍ معيشني تحت ظلمه ودیجوره

على مشهاك خذني وين ما ودّك على مشهاك
معك تحلى مشاوير العمر والروح مسرورة

أنا عمري بدا من ضحكتك هذي عسى ما أظماك
وكوني عقبها واقف و لا هو دار لو دورة

و أخاف إن لا سهى بالي يفوت العين ضحك شفاك
وأردد ليتني من قبل لا أسج ماخذ لها صورة

وتخاف إني تناسيتك ؟ أنا وشلون بس أنساك
وقلبي لا لمح عينك يشبّ صدري من شعوره

وقلبي يا حبيبي كيف يقوى يحتمل فرقاك
وهو لو ما تهب هبوب وصلك ماتت زهوره

عزاي إنك تمّر البال تتمايل يا عود الراك
وقبل إتصفّق كفوفي تطّلع قلب من طوره

وعزاك إني حبيبٍ قد طوى وجه الليال وجاك
وعدّك ضحكته فرحه وكل ناسه وجمهوره

عسى عمري فدا ضحكة عيونك لو نويت أجفاك
وعساني لو جرحتك ينفري ضلعي من كسوره

حبيبي ما معي إلا خفوقٍ ما يبي فرقاك
وقصيدة تفضح أشياءٍ عن عيون الناس مستوره

وأنا وش خانت أيامي حبيبي من قبل لـ ألقاك
عمر ضايع لياليّه على أيامه على شهوره

[العنود الواصليه @anoudfaraj]

الخلق في دبرة الله بين حظ و نصيب
مناكب الارض بـ انواع الحبايب ملي

رحابة الكون ماتاسع مداي الرحيب
في عالم الزين و لا الشعر مالي حلي

يا فاتنة لو على وجنتّك لون المغيب
ماتلفتين النظر فـ عيون مستقبلي

ماشاف غيري وانا ماشفت غيره حبيب
حتى لو انك مثيرة ، ما يثير زعلي

ما آزعم اني جميلة بس عقلي لبيب
واشوف نور الحقيقة قدم عيني جلي

اللي خذاني ملكته وامتلكني بـ طيب
اصلا ً من المستحيل انه يتزوج علي

[@ @omrmalo]

"ما جاد الزمان بمثلك ومستحيل يجود
يا وجهٍ يشوفونه حقيقة وأشوفه حلم"