‏𝐉𝐀𝐒𝐒𝐈𝐌

لقيت أجمل ايام ، العمر أصبحت ماضي ..

[‏𝐉𝐀𝐒𝐒𝐈𝐌 @i8z7i]

و الراحلين إليك يا الله اجعل لهم نعيماً في
جنتك اللـهُـم ارحم عمي ملحان و حمد بن راشد
واغفر لهم ووسع مدخلهم واسكنهم في الفردوس الاعلى يارب العالمين .

[‏𝐉𝐀𝐒𝐒𝐈𝐌 @i8z7i]

قلبي اللي كل خمس أيام عنده طاري
يتعزز والطواري دايمًا .. تلعب به

والله إني مادري ياخيك ويش اخباري
" قمت أدور للسفر في كل فتره سبّه "

كل دارٍ .. يستريح بها ضميري داري
وكل وجهٍ يستريح له الفواد .. أحبه

[‏𝐉𝐀𝐒𝐒𝐈𝐌 @i8z7i]

مايقوله عنك الناس ظنّ ، و ما تعرفه عن نفسك يقين فلا تدع ظنّهم يتقدّم على يقينك .

[‏𝐉𝐀𝐒𝐒𝐈𝐌 @i8z7i]

فودور دوستويفسكي:

"ارهقتني الايام وانا اقاتل من اجل الكل ولم اجد من يقاتل لأجلي"

محمد بن الذيب:
"تعبت اشل السيف واشد الحزام
في معركة ما ينعرف صنديدها"

جابر النشيرا:
"وانا على شان غيري موجعٍ روحي
ولا حدٍ موجع روحه على شاني"

[‏𝐉𝐀𝐒𝐒𝐈𝐌 @i8z7i]

أحيانًا لا مانع من بعض النرجسية
خصوصًا بالمواقف اللي تمس الكرامة
وخلك مثل ما قال مساعد الرشيدي رحمه اللّٰه :

محد يخليني على مفرق الطريق
أنا الطريق من أوله لين اخره

وأيضاً يوم قال :
ماني بناقص لا حبيب ولا خوي
أنا الذرى من دون ظلي .. ناقصين

[‏𝐉𝐀𝐒𝐒𝐈𝐌 @i8z7i]

إن طغت سود اللّيالي على وجه الظّروف
عاد لِيّ شيمة . . ومبدأ على وجه الثّرى

[‏𝐉𝐀𝐒𝐒𝐈𝐌 @i8z7i]

اضرب على الصعب دايم والسهل خله
ماياخذ السهل غير العادي " الهين "

[‏𝐉𝐀𝐒𝐒𝐈𝐌 @i8z7i]

«أمشي معه من غير لا أين .. ولا كيف
من حيث ما يجرفني أغمض عيوني وأنجرف»
- سعد علوش

«رغم مفهومي للارض وديرتي وترابي
الوطن يمكن يكون انسان ولا انسانه»
- عبدالله السراهيد

[‏𝐉𝐀𝐒𝐒𝐈𝐌 @i8z7i]

إجتماعي و إن لقيت اللي روابعهم « ضعيفة»
سجلوني في سجل المجتمع شخص إنطوائي

[‏𝐉𝐀𝐒𝐒𝐈𝐌 @i8z7i]

يا قطاة اللي تزبّن كل خايف
لا مشيتي هدّي الخطوه وخفّي

عند زم الصدر وإبراز الردايف
اقبلي في لحظةٍ وحده وقفّي

تنكسر روحي وتاكلها الحسايف
لاتركتي خاطري فيها وشفّي

وان حصل لي غيرها مانيب عايف
الحطب والنار من سبل التدّفي

ماندمت إلا على الأشيا الخفايف
خذت لي وحده ووحده ماتكفّي

سرقةٍ من عند مستحيه لـ خايف
جت على شبه انفراد وفي تخفي

مايفرق اللي شرب خمر الشفايف
لين يوصلك الخبر عنه متوفي

لامتى وانتي ورى قلع الذلايف
ماتجين الا وروحي فوق كفي

ولا انا من كثر خذلان الولايف
صرت اقدّر وقفة ظلالي بصفّي

حبي الشاعر من الباب المسايف
لجل احاسيسه وحبره مايجفي

وامنحيه الطاقه اللي فالقذايف
وإنتظار الغايب وطرد المقفي

وكثري له فـ الغرور و فـ الكلايف
واحرميه من المجامل والتخفّي

وخلّي عيونك مثل مانيب شايف
فتنةٍ بين المولع والمطفي

لجل اعدي لك على روس النوايف
وارسمك فيها واحطك في ملفّي

[‏𝐉𝐀𝐒𝐒𝐈𝐌 @i8z7i]

كل ما تخسره في سبيل سلامك النفسي مكسب عظيم.

[‏𝐉𝐀𝐒𝐒𝐈𝐌 @i8z7i]

أجمل ما تبدأ به صباحك هو اليقين التام بأن الرزق والفضل بيد الله وحده، يسوقه إليك بلطفه وعظيم قدرته، ولا يمكن لأحد من البشر أن يمنع ما كتبه لك.

وقيل في ذلك :

« يالله برزقٍ تسوقه عظمة أقدارك »
أهل الحسد في حسدهم مايردونه .

[‏𝐉𝐀𝐒𝐒𝐈𝐌 @i8z7i]

بيني وبين وصالها مثل الشهيق من الزفير
ماتت مشاعر خافقي لوصالها واحييتها

اللي يقول ان الزمان بخير .. ودنيا بخير
يشوف حالي .. كل مامريت شارع بيتها

[‏𝐉𝐀𝐒𝐒𝐈𝐌 @i8z7i]

عشان احلامك ابذل اضعاف الجهود
وباب الامل بين المحاني .. شرعه

لا تنظـر لماضيـك لأنـه . . لا يعـود
فكر بحاضرك .. الجديد وسنعة

[‏𝐉𝐀𝐒𝐒𝐈𝐌 @i8z7i]

هذا يوم مولدك و لفاك القصيد احزاب
دخلتي ثلاثينك تحت ضفي و زنتي

احنك من الايام و البرد و الملهاب
و اعاملك بالحب الحقيقي مثل بنتي

مصيري معاك و شب قلبي معاك وشاب
على عرش قلبي والله انك تهيمنتي

دخلتي عليه من اصدق الحب و الاعجاب
وتربعتي و شختي عليه و تمكنتي

تخون الرجال الموقف الصادق الغصاب
و على عزك بمجدٍ زهيتيه ما خنتي

تشين الظروف وتفجع الخايف المرتاب
لك الله لو شانت ظروفي فلا شنتي

تمر السنين و تجتول و القلوب تهاب
وتبقين فـ العمر المحدد مثل ما انتي

عزيزية نسب و اطهر من الديّن التواب
رفيعة مقامٍ هان عمري ولاهنتي

تمرين و يصير السماء خيرها صباب
و تزين الاراضي كل ما انتي تزينتي

انا الهاقي اللي حط فيك الشعور و صاب
و اعرف انك بقلبي قبل حبي ايقنتي

احبك كثر ما اشوف طيفك على المرقاب
و كثر ما تماديتي على جرحي و منتي

ابقعد احبك و انتظر جيتك فـ الباب
اذا هزك الشوق و تذكرتي و لنتي

حبيبة عيوني كل ما جيت لـ المحراب
مع كل سجده خاشعه شفتك و بنتي

فداك الشعر و الناس و الحلم و الاحباب
و انا و السنين المقبله وين ما كنتي .

[‏𝐉𝐀𝐒𝐒𝐈𝐌 @i8z7i]

يموت الفطين اللي معه معرفه وإحساس
ويعيش البليد اللي تعايش مع جهله

[‏𝐉𝐀𝐒𝐒𝐈𝐌 @i8z7i]

معك وين ماودّك بلا مرسّى ولا ميقاف
معك لو مالت أوراق الشعور المنهّك الذاوي

معك حتى لو سنين الحنين الماضيات عجافّ
معك حتى وأنا مدري علينا الوقت وش ناوي

معك لو غاّب درب اللقاء وبعدِنا ميلاف
معك لو خاننا التوقيت واحتار الزمن ناوي

[‏𝐉𝐀𝐒𝐒𝐈𝐌 @i8z7i]

سدد وقارب وبعض أحيان عيّ ولا تقارب
خل في راسك عناد وخل في قلبك جساره

[‏𝐉𝐀𝐒𝐒𝐈𝐌 @i8z7i]

قل للسنين اللي تراهني على كسرة عصاي
ضربت الأرض لين ثورت الغبار من الصدور

أنا على ما تشتهي نفسي ووين ألقى هواي
محدً يحرك وجهة شراعي على السبع البحور

اليا رضيت أطير الحاجة .. وأوصلها سماي
واليا زعلت أخلي الحاجة دبور في دبور

[‏𝐉𝐀𝐒𝐒𝐈𝐌 @i8z7i]

كل غيبة شمس تثر على حال الغريب
الغريب .. اللي تغرب وهو وسط بلده

فاقدٍ لذات الايام والصدر الرحيب
كل يوم يشوف موته وقبره ولحده "

لا ذكر " من خيبو ظنه اللي ما يخيب
علق الامال .. فيهم وطاحو من يده

ليت ماعندي مشاعر ولا عندي حبيب
ولاخذيت مع المعاناه قومه وقعده "

البعيد اللي تفرعن وصار اقرب قريب
اذكر انه قد وعدني ولا اوفى بوعده !

منه في راسي مواجع وفي صدري لهيب
ليت كسر الذات يجحد علشان اجحده

مايهم .. جروحي تطيب " ولا ماتطيب
في رجاء .. قولة تبي تزين بكره وبعده !

الاكيد ظروف الايام مدري وش تجيب
بس انا اللي ضاع صبره وحلمه وجهده'

صايرٍ حالي مثل حال مقطوع النصيب
راح عمره وده يشوف .. بنته وولده "

[‏𝐉𝐀𝐒𝐒𝐈𝐌 @i8z7i]

- في مرحله يوصلها الإنسان مثل
الإكتفاء بالنفس والسلامة الداخلية -

وقيل في ذلك /
وش لزومي في مفاهيم البشر مخطي وصايب
العقول مقسمة والعاقل بعقله تقدّا

أستميل لعزلتي وأبعد ولا عندي سبايب
غير حبي للهدوء إللي عن اللجة مبدّا