٢

[٢ @i9740_]

صغيرة سِن
مير عقلها ركود

و أنا ياشاعر - طـير حُر
و عزيزة نَفس من صغري

[َ @u_tlll]

الهقاوي لا تضيعك يا مال الصلاح
و انت في ميدان الأيام تحت التجربه

[بــطـران @96ttr_]

يا مملوحه تعالي من بعد تأخير
و أسمّعك الكلام !.. إللي تحبّينه

صباح الخير ؟ ولا يا مساء الخير
على إللي يعجبك .. وإللي تودّينه

أنا آسف على ما صار من تقصير
لكن الوصل أمــانه " لا تخلّينه"

أوقف كل ليله حشمه : وتقدير
على ذاك الطريق .. إللي تمرّينه

كلامك لا سمعته صابني تخدير
أحس إنك ب معزوفه : تقولينه

ياعين الــريم لو يخونك التعبير
أنا ما اعارضك..بـاللي تسـٌـوينه

جمالك يعتبر من منهج التطوير
و أشوف إن مغرياتك في عناوينه

تمني كل ما في خاطرك و يصير
أنا موجود !.. أحقق ما تمنيـنه

من يشوف الجمال إللي وصوفه غير
طبيعي !.. يوم يرهن باقي سنينه

غرورك ما يعرف أمير و إبن أمير
من يمرّك ؟.. يمرّ " ولا تشوفينه "

تخلّين القلوب من الغرام : تطير
وتشوفين الطريح .. ولا تراعينه

عيون الحب فيها ل الهوى تصوير
و أنا إللي ف المحبّه تفضحه عينه

على عيني من " أيام الغلا" تأثير
ويومٍ ما يجيبك لي ؟.. يا شينه

[٢ @i9740_]

هي من النساء اللواتي لا تراهن حتى تبلغ الموت،
سعد بن جدلان يقول :

" الذهب دونه حراسه وبيبانٍ كبار
والدرر من دونها هيبة البحر الغزير "

ويؤكّد هذه النظرية ضيدان بن قضعان:

" درةٍ بالموت محروسة وبالبحر محميّة
البحر من دونها والموت الاحمر من وراها "

[٢ @i9740_]

استفزي قلوب الحاضرين وتعدي
بالهضيم الهفيف وبالثقيل المعبّى

والعبي في مشاعرنا وحلي وشدي
لك هلاً ماتبيد ولك غلاً مايخبّى

واثبتي للعيون انك بشوط التحدي
شادنٍ ماتصاد ومهرةٍ ما تشبّا

انتي الين من الغصن الرهيف المندي
وأنتي أحلى والذ من العسل والمربى

[٢ @i9740_]

لا قامت امات الرصاص تكح
مافيهم الي تدخله ذله 🇶🇦
@Sahal_F

[٢ @i9740_]

واليَّا انثنت للأرض تاخذ حاجه
تقول طعمٍ في طرف سناره

تحرق صدور المترفات أن مرت
اكثر من السيقار والسيقاره

[٢ @i9740_]

«شرق نورك ونورك شمس ما يحجب سناها كفّ
وعلى وجه الصباح العذب هبّت لي ذعاذيعك

وإذا إني جيت لك واحد وجيتيني ��موشك صفّ
أنا وشلون أردّ القلب من دونك .. ولا أضيعك»

[٢ @i9740_]

"أنت يا وجه يغني عن وجيه الناس
كل يوم وحلاك بـ زود.. ما م��يت؟

في جمالك نقيضٍ يدهش الاحساس
ثغر يحيي بـ بسماته.. و عين تْميت

[٢ @i9740_]

"سولفي أنتي أفصح من نطق حرف ضاد
لو كلامك خطأ .. جمالك يصحّحه

مقتنع في جميع آرائك من الوداد
لو تقولين طار الطير دون أجنحة

ولا تقولين أنا ماعاد عندي عتاد
عينك وجيدك وخصرك ماهيب أسلحة؟

[عذبا @ill934]

الانثى الي تفهم بالقصيد ومُهتمه فيه
عُملة نادره وهي نفسها اللي قال عنها
مشاري محمد:

جادلٍ ماتطرب الا على بيت القصيد
لاكتبته في هواها وفي مجدولهاااا

من فراستها لاغنيت لي بيتٍ جديد
تعرف الكلمه من البيت قبل اقولها.

-واتوقع انها أنا🌷

[٢ @i9740_]

ان بغيت العلم يا هدهد سبا
من لسانٍ تدهشك فصاحته

قل لهم لو يبلغ السيل الزبا
ما يهابون البحر سباحته

من بغى يرضى علي يا مرحبا
و من بغى يزعل علي براحته

[٢ @i9740_]

سلومنا وسلوم اهلنا الاولين
الى نوينا المجد ماعنه انحدا

والصبي منا لا لحق حول سنتين
من طيب تربيته ماهوجس في الردا

اول ماينطق حافظً له كلمتين
علي الطلاق ان لك عشا ولاغدا

[٢ @i9740_]

قديم الشعور اللي ظما من وفاي وشرْب
بقى ما بقى والليله أولى بـ ساريها

عليك الملام إلين اشوف السنا من غرب
كثر ما هقيت بـ هقوةٍ منت راعيها

أثر ما بقى لي عقبك إلا سراب ودرب
تعيش الفقارى ، مالها الا أمانيها

أنا آخر ليالي السلم وأول ليالي الحرب
أنا الليلة اللي ضحكتك ماهي بـ فيها

[مجريّ @_Mjrri]

الا��وام هذي عادها في الجهل والغيّ
ولا يفقهون ايلين تاخذهم الصيحه

أنا أحزن الى طرحت حرارٍ مهيب شوي
ترا الحر الأشقر ظالمينه طواريحه

ماعاش الصحيح الا مع اللي ضميره حي
لكن الضمير الحي يطلبكم البيحه

[٢ @i9740_]

يا صباح الخير ، يا وجهٍ بريقك
ما يعرف الضيق طرفٍ فيه صبّح

يوم مريتي علينا ، في طريقك
العموم من الحسن : هلّل وسبّح