فوق ابو وجهه اليا قبل كنه وجهه مشبه
وان صفح ولا اعترض لاكن لون خطوطه
لون ريش الي تفل الريش فوق الشبه
جيرة عقب الدعو على الوكر مربوطه
اطخمً بوديه من سطبه إلا سطبه
عقد ماس يخترش على نحر فطفوطه
فارعً في ذمة اللي يحبها وتحبه
ينغبط على معاشرها وهي مغبوطه
- سلطان ابن الشايب
يا يبه ، مازال ، ذكرك ، ما بين الطيبين
مرتبط بالنعم والراي الاصبح والصلاه
والله اني ماقدر ارثيك ضمن الميتين
وآنت لا هالحين واسمك على قيد الحياه )؛
- محسن بن مترك
لو بينك وبين بعض الناس عشرة عمر
ماتسلم من الظنون اللي يظنونها
الشجرة الطيّبه لو هي قليلة ثمر
اخير من شجرةٍ ماتثمر غصونها
يـ اصحابنا كان فيكم من يهمّه لـ امر
لاتفتقون ( الجروح ) ولا تخيطونها
تجاوزو كل شي الا الخطوط الحمر
مهما تكون الميانه لاتعدّونها
وإن كان ماتقدر تذوق الأمرين
وش يفرقك عن لابسات الازمه
ما للحمول ألا ظهور البعارين
ياللي تلوم الوقت مدري تذمه
أوهم طموحك بان الايام بتزين
وأصنع قرار وحاول أنك اتمه
ماأقول خذ سيفك وحرر فلسطين
حاول تسويلك من المجد قمـه
- فارس الحشار
قهوةٍ ماهيب من هيل ولا من بهار
من ورا شط البرازيل جات حبوبها
كنها رشات غيمة معاقبها غبار
يوم من خشم المكينة تطيح فـ كوبها
من يحب يذوقها .. مايحب الانتظار
كيف لا جات إتمايل على مح��وبها
مالها عذروب عندي ولا منها مضار
غير بس إنها تخلّص .. هذا عذروبها
صدوف الزمان وطول صبر لحقت أقصاه
حدتـني على مبدا الطويـله مـسياني
أنا قد بغيت اوقف الرجـل عن مبداه
ولكن شفت المـوت ما زيـد خلاني
إلى جيت عِـد قد نزل ماه ولا جاه
تسابق دموعي واظهرت خافي احزاني
- عامر بن نوطان
يعلم الله علامة خير ما ايّست لين
غبر الجو الارتق .. دون غاياتنا
يا ولد راحت الدنيا على العابدين
وش بقى من سوالفنا وهقواتنا !
قسمنا من طفولتنا جروم السنين
زهرة العمر جانا الشيب ما جاتنا
عبدالله ال لزيوح
كل ماشفت لي برقٍ عقر له سحابه
ودي أنه على مدهال سمحه وريمه
الجبال النوايف .. ما عليها رقابه
والمواقف تخلي للمشاريف قيمه
قد زبنها مصابٍ يشتكي من مصابه
ولاذ فيها غريمٍ يحتجي من غريمه
- صالح النشيرا