᷂الريـم ⋆

شعر وشوية شعور . .

[᷂الريـم ⋆ @i98877]

أستغفروا فلا تعلمون كم ذنباً سيُمحى
" استغفرالله العظيم وأتوب إليه "

[᷂الريـم ⋆ @i98877]

ما يناسبني الزحام، لا بالشارع ولا بالقلب
أحب السعة بين الناس، وبالكلام، وبالأماكن 🤍

[᷂الريـم ⋆ @i98877]

يا مرحـبا يـا عام .. اربع و عشرين
دام الجروح إن جيت بـ تصير ماضي

كنت أجهل شلون أتغاضى وهالحين
صرت أعرف .. وشلون فن التغاضي

وإن راح عام فيه ما حنا بـ راضيـن
يـالله بـ عام منه الـ كل راضـي .

[᷂الريـم ⋆ @i98877]

سُولف.. يهون الوقت عندي ولا هنت
مع صوتك لحظات انشغالي .. ثمينة

وشلون ماحبّ السّوالف معك وأنت
شايل على صوتك .. شعور السكينة 🤍

[᷂الريـم ⋆ @i98877]

أنا بنتٍ تحط لكل تافه مـسافات
و احط ضحكه للنفوس الحقيره

ماني احب اكون بيـن الـخيارات
الاولى بكل شي . . مانـي الاخيره

اعلّم الناقص دروس المقامـات
واعلّم الـضايع . . يعدّل مسيره

اطيب وانسى كل مافات بسكات
عمية ردى ماني بعمية بصـيره .

[᷂الريـم ⋆ @i98877]

اللهم صل وسلم على نبينا محمد .

[᷂الريـم ⋆ @i98877]

ماني مبشّر بالعوض وأنت موجود
أنت الأصل جعل الأصل ما يبدّل 🤍

[᷂الريـم ⋆ @i98877]

@AbuHallaa اتحداك ماتنقهر

[᷂الريـم ⋆ @i98877]

@AbuHallaa قل وت وت وتي وين قطوتي بصوت ذاك ابو قهوه🤣🤣

[᷂الريـم ⋆ @i98877]

عقب طول الغياب وعقب فرك الكفوف
احسبنّي نسيت وجرح صدري برى

وكل مـ أكبر معي تكبر عليه الشفوف
ليت قلبه يحس ... وليت عينه ترى

ألتمس له عذر واقول عنده ظروف
لين سوّى جريمه واعتقد ما درى ؟

قبل يسري وانا صاحي وعيني تشوف
مدّ كفّه وآخذ قلبي ... وقام وسرى :)

[᷂الريـم ⋆ @i98877]

كبّرت عقلي وتكبير العقل نعمه
وهذبت نفسي وتهذيب النفوس إكرام

تحدّني عن مجاراة البعض ذمه
وتردّني عن تفاهات الأغبياء أحلام

أحلامي كبار وغيري صغّره حلمه
فالصحوة أحلم .. وهو يحلم ليا نام

إن فات شي أقول إن كل شيء قسمه
وإن صعب أقول إن الوعد قدام .

[᷂الريـم ⋆ @i98877]

كبار ما حنا من أهل التلفات
و نفوسنا من بعض الأشياء عيوفه

نقدّر اللي يبيّن وقت المهمات
واللي ما كنه يشوفنا ما نشوفه

والحاجه اللي ننتظرها ولا جات
إن جات ولا ما عليها حسوفه . .

[᷂الريـم ⋆ @i98877]

لا مات الكلام و ما بقى فالعيون عتاب
مابين المواصل والمفارق وش أخترت ؟
ㅤㅤ
سكوتك وتقصيرك و صدّك بدون أسباب
أنا ما تغيّرت . . أنت إللي : تغيّرت !

[᷂الريـم ⋆ @i98877]

مافيه راحه .. لـ عين مدوّر الراحه
نص الفضول إقتحم سور الخصوصيّه

حلمً تلاشى وقفلً ضاع مفتاحه
و جديّة الحزن .. ما تحتاج جديّه

أستامن العين ، واثر العين فضّاحه !
طرالها شي محدٍ جاب .. طاريّه

مدري تعاظم كبر جرحه .. وجرّاحه
ولّا البطل دايم جروحه بطوليّه

[᷂الريـم ⋆ @i98877]

يمرون في غيابك على شاشة المرصاد
ولا اغوو وحيدٍ حطّك الله على باله

يدارون في غيابك شعوري وانا جحّاد
يحسبون قلبي عرضة اللي تهيّا له

يقولون وش حدك تحبّه ؟ واقول مراد
علي كاتبه ربّ الملا .. يسكن لحاله

يقولون ما قصّر بجرحك واقول جماد
حديدٍ ما غيّر دقت ّ. . المطرقه حاله !

[᷂الريـم ⋆ @i98877]

" بلغنا ليلة القدر مجبُوريِن مُطمئنين يارب "

[᷂الريـم ⋆ @i98877]

وأغيب وأشباهي تكاثر و إذا جيت
يبان لك فرق البشر في حضوري.

[᷂الريـم ⋆ @i98877]

عطيتك اللي ماعطيت اقرب الناس
وعلقت فيك احلام عمري وضاعت

لي قلب مايقسى وصادق احساس
ولي عين ماصدت وخانت وباعت

ولك قلب طيب بس ماعندك احساس
ولك عين ماشافت جروحي وراعت

جيتك على وضح النقى رافع الراس
وطوعت لك نفس عزيزه وطاعت

ابعتبر حبك مثل غلطة احساس
وانت اعتبرني مثل فرصة و ضاعت

[᷂الريـم ⋆ @i98877]

يا الشاعر اللي ودي انك ماتهيم
النقص وارد بس لله الكمال

رح سامر العشاق في الليل العتيم
اللي لحقهم قل نوم ورق حال

"انت الله مجملك في عيون الحريم
ليت الله يجملك في عيون الرجال"

جابر النشيرا

[᷂الريـم ⋆ @i98877]

ارتحت من حبـك ورجوى وصالك
وارتحت من كثرة محاتات فرقاك

وارتحت من كثـر انتظار اتصالك
ومن حفظ جدول يومك وقت ممساك

ماعاد جانـي قبل ارقـد خيالك
ولعاد تشغلني اذا اصبحت ذكراك

جداً طبيعي يوم جابـوا مجالك
ابشرك قلبـي بدا صدق ينساك

اسلم وسلم جمّـل الله حالك
قلبي خلص والحب والشوق يفداك