ٰ

مالك إلا مرحبّا.

[ٰ @i994f]

الحب نقطة ضعف في قلب الانسان
تردي القوي في بير مافيه جمه !

عنتر قِدر ياخذ ( عصافير ) نعمان
و لا قدر يعرس على بنت عمه !

[ٰ @i994f]

ي مجرب سدود الرجال تبيح ولّا ماتبيّح
ماتسنَد الشرهه على اللي لبّس الذل وقبل

مافيه أمل مادام حتى راعي الوجه الفليح
تاخذني الشرهه على بيته واخليها قبَل

قد قلت له تكفى تجوّد في عيوني لاتطيح
ايلين طاح تقول كنّه طايحٍ له من جبل

[ٰ @i994f]

لو ماحققته من الاحلام كثر اللي تبخر
كان ماحنيت للماضي ولحقته حسافه
.
علم اللي في هوى نفسه ورغباته مصخر
الهوى والنفس والرغبات مامنها مرافه
.
يالله اغفر ماسبق من كل ذنب وما توخر
ماطلب عبدك رضاك ومغفرتك الا مخافه

[ٰ @i994f]

حاصرتني ضروف الوقت منّا ومنّا
البحر من وراي وسور برلين أمامي

يامتى بستريح ويامتى بآتهنّا
صابني عين مدري شي مدري علامي

موقفي يوم دارت حرب روضة مهنّا
شاعر مبتدي قابل رشيد الزلامي

[ٰ @i994f]

أنا كل ما أدلّه ضميري عن اللي فات
تمر الصور وأموات الأشواق تبعثها

أكذّب وأصدق كذبتي والوسوم إثبات
لازالت جروحي مدمية عقب حادثها

مجلوى مشاعر والمجلوى ماعمره بات
عن العين تقل أن قلة النوم وارثها

بعدما دفنت الجمرة اللي سناها مات
تسلط من يحرث الرمادة وحرّثها

[ٰ @i994f]

أحبك حسبي الله ليت مالك في سَماي بروج
ولا لك فالبسيطه كود شيِ بينك وبيني

دخيلك لاتلفت رح بفالك وأترك المرجُوج
تغانم مابقى لك ولا أنا ماعاد يمديني

فمان الله سقى ركبك على درب السنين العوج
ولاكن طالبك لا أقفيت عني لا تخليني

- ضيدان بن قضعان .

[ٰ @i994f]

فديتك يوم تاخذني على كيفك ولا أدري وين
معك من وين ماذعذع هواك ومالت الفيّه

غدينا كنك الشاعر وأنا واحد من الغاوين
نهيم بكل وادي من العليّـا للعزيزيّه ،

[ٰ @i994f]

اتركوها في نسم كبدي تهبّد
و تركوني لا قرار ولا اراده

ودي آكـفر ذنوبـي و آتعبّد .
التأمل في ملامحها عباده

[ٰ @i994f]

تصدّ القلوب من الغلا والنفوس تملّ
ياهون الجفا لا شافت النفس ما تكره
ㅤ
أحبك طواري بس ما عاد أحبك خلّ
ولا زلت أحب العذر بشفاك وأنتظره
ㅤㅤ
توريني دروب المفارق وأنا ما أدل
مثل من يورّونه قبل موتته قبره

تغلّى بكيفك لو تصير المحبه غِل
لكن لا تساوم من يحبك على قدره

[ٰ @i994f]

فاقدٍ معك الحياه وفاقدٍ فيك السكينه
مكتسي قلبك بثوبٍ ما اذكر انه من ثيابه

صرت مثل الضيف في قلة قبول مضيفينه
تجرح اذنه حذفت الترحيب من قل الرحابه ):

[ٰ @i994f]

مانيب مجبور أخاطب على قد العقول
والله إن بعض القناعات عندي مهمله

الكلام تشوفه الناس .. حل من الحلول
مثل ما أشوف التجاهل يحل المشكله

[ٰ @i994f]

من يداوي وخزة الجرح ، بفؤاد السقيم
السقيم اللي يداوي ، ولاعيّن دوا

يدوي بعقله ، ملذّات سجّات النديم
لين ينّس جوف صدره تنّهات الهوا

من تعلّق شف قلبه على الشي القديم
والله ان يبطي وقلبه ، معلّق بالهوى

[ٰ @i994f]

اتصددّ منك لا شفت القوام المملي
و البلا و الشر كله لا كشفت الغطوّه
ٰ
جـلّ من خلا جمالك .. كامل ٍ مكتملي
فيك من خد المهاه وفي عيونك سطوّه

[ٰ @i994f]

انت يالي تطرق الباب المسايف قلط
خابرنٍ خاطرك شين وعبرتك مخنوقه

ما بقى للحلم عقب الواقع المتسلّط
غير حظٍ ينطوي تحته ويطلع فوقه

[ٰ @i994f]

إذا مايقود الرجل مبدأ وسلم ودين
حياته على وجه البسيطة مثل موته

[ٰ @i994f]

الله أكبر يا الظروف اللي مثل زند الفتيله
كل ما مرت حياتي ويش أقول و ويش أخلّي

" الليالي وجهها شاحب و سكّتها طويله "
ماخذه حزني دروس و ماخذه ضيقي تسلّي

وان بلتني بالدموع اللي مثل وبّل المخيله
أتذرّى بـ الشعور اللي مثل دمع المصلّي :)

[ٰ @i994f]

ياخاطري لاباح صبرك ومليت
مالك عن المقسوم صده وحيله

ان زان حظك جاب لك ماتمنيت
وان شان خـّلا الهينه مستحيله

[ٰ @i994f]

أما خذينا مطلب الروح بذراع
ولا تعف أرواحنا عن مطالبها

[ٰ @i994f]

زاهد برغبات العُمر وآحارب الظلمة بنور
كريم نفس يجمّل أيامه وهي ما تجمّله

[ٰ @i994f]

مايزعلني غيابك يا غايب بدون أسباب
ليه أزعل وأنا من غيبتك صرت متعوّد
ٰ
ما والله تسمع من فمي كلمتين عتاب
على راحتك روح وعلى راحتك عوّد .