‏᷂عجب

إنّ الله لا يخيّب عبداً تفائل به خيراً

[‏᷂عجب @i9tr_]

ترانا على سود الليالي وساع صدور
لو انها ما خلت .. كل شيً على حلّه

ما نبلش ليا منه حصل فالامور امور
نعقد الحبل ف وجيه الايام و نحله

صناديد قومٍ لا لحقنا الزمن بـ قصور
يدينا تعدل كل عوجا .. ومنصله

سنين القسا ما تنجب الا طويل شبور
وسنين الرخا ما تاتي الا بـ حيّ الله .

[‏᷂عجب @i9tr_]

مهما حصل من بيننا جرح وفراق
للحين حبك داخل القلب مطبوع

مهما هجرت الروح مشتاق مشتاق
يلي غلاك بداخل الروح مزروع

في بحر حبك لي احاسيس واشواق
وان طال ليلي تضوي اشواقي شموع

في كل لحضه لاجلك النفس تنساق
كل اشتياق الخلق في الروح مجموع

حبي عشانك البحر لو شاله ضاق
وانا اللي شلته لاجلك بقلبي وضلوع

عشان نبقا طول الايام عشاق
يا عمري امر وكل ماقلت مسموع .

[‏᷂عجب @i9tr_]

عيدك مبارك يا داري واغترابي
لا حياة إلَا معك .. لو هي بدونك

كانك من إخطائي أجمل من صوابي
الخطأ محبتي ولا جنونك ؟

راضي أعيشك أمل واطرد سرابي
لو دياري مجدبة برقب مْزونك

زهرةٍ أرق من زهرة شبابي
ولا أرق من الزهور إلّا جفونك .

[‏᷂عجب @i9tr_]

ليتك عطر وتهب مع كل نسناس
واشرّع ضلوعي على اربع جهاتي .

[‏᷂عجب @i9tr_]

فرقت الأقدار بيني وبين أغلى حبيـب
وأظلم الوادي بدونه ولا عاد له طـراه

العذول أسباب فرقاه مقطوع النصيب
مخبله يبغاني أنسى الغضي واتبع هواه

كيف بنسى اللي ذبحني وخلاني صويب
ما يدواي علّة القلب كود اللي رماه

هو حياة الروح وهوا الدواء لي والطبيب
اهوا كل شي في حياتي عسى روحي فداه

ليا تكلم يسلب العقل باسلوب ٍ عجيب
وليا غنج لي وابتسم ذقت انا طعم الحياة .

[‏᷂عجب @i9tr_]

أشتقت لك وأنا على البعد مجبور
ودي أغمض عين وأفتح عين والقاك

أرسلت لك شوقي عصافير و طيور
وش حيلة اللي يرتجي بس يمناك

أضحك مع ربعي ولاني بمسرور
سارح بفكري وأشتكي ضيم فرقاك .

[‏᷂عجب @i9tr_]

فرقاك ضيم وغيبتك كلها وجد
ياللي بقلبي من غلاك متواجد

يانور نجد ومن سكن في ثرى نجد
وحشتك وحشه يا سليل الأماجد

عشرتك مجد ان كان لاهل الهوى مجد
كنك واحد لو غيرك الناس واجد

اعذب من الغادق كلام العتب بجد
مثل السحاب اللي سرى الليل هاجد

ياحي لك عندي دقاق الغلا رجد
صدقه كريم وزعت بـ المساجد .

[‏᷂عجب @i9tr_]

واهني من شاف وجهك من قريّب
سامعٍ صوتك ومتقهّوي . . وقادع .

[‏᷂عجب @i9tr_]

تمنيت العمر معاك لكن الظروف احكام
وانا ربي حكم اني احبك و انحرم منك

ودعتك الله مابقى شي ينقال
الا انك اجمل شي غاب بحياتي .

[‏᷂عجب @i9tr_]

أحبه ولو ان الزعل بيننا له باب
يسكر مزاليجه ليا من ضحك سنه

وأحبه وأنا راضي وأحبه وعليه عتاب
كثر ما يحب المؤمن الزاهد الجنه

ولا يحيي فؤادي ليا من محله غاب
سوى مواصلٍ يسقى يباسه ليا حنه

جعلني هواه ليا تنهت وهو مرتاب
أضيع بـ فؤاده كل تنفاسه وكنّه .

[‏᷂عجب @i9tr_]

ذا الليل واضح ليل مسرى وهوجاس
من حـزنه ومن صمـته ومن ظـلامه

الصبر صار اثقل من الهم واليـاس
والنـوم صار ابـعـد من الابتسامـه

اكثر عـلامات الصلف والتـعوماس
بانت . . . بقى علامتين او علامه !

[‏᷂عجب @i9tr_]

اشوف وجهك في وجيه العابرين
مع فارق التشبيه يالوجه النزيه .

[‏᷂عجب @i9tr_]

ريحة العود تسبق خطوة الحاضرين
مثل الفخر لا حضر يفرض حضوره .

[‏᷂عجب @i9tr_]

وجهك علي خير وحظي معك غير
ومعرفتك اغلا حاجةً مقتنيها

لاقلت لي الله يصبحك بالخير
كني ملكت الارض واللي عليها 🌷.

[‏᷂عجب @i9tr_]

كثر الله خيرك .. ياقليل الكلام ليت
طبعك مثل وجهك رضي وسموح .

[‏᷂عجب @i9tr_]

عليك السلام وكل ما جيت لك سلمت
سلام العفيف اللي يحبك على الفطره .

[‏᷂عجب @i9tr_]

ألذ من طعم الغلا و أمر من طعم الصدود .

[‏᷂عجب @i9tr_]

يامرحبا والعيون . . بـ شوفتك قرت
من يوم غيبتْك واشواقي على ماهي

اقول . . نورت ولا . . جيتك . . سرّت ؟
قلبً عشق وجنتك مع طرفك الساهي

اللطف من الغيمه البيضا الى درت
واحلا من السكر اللي باخر الشاهي

ابسط وصايف غزال الريم لا مرت
تلّهي . . المنتبه وتنبه . . اللاهي !