َ

بيوت القصيّد دياري لا ضاقت علي داري .

[َ @i_23j]

ربي ان اخي في جوارك وانت ارحم الراحمين اللهم بقدر حزني عليه وبحجم الفراغ الذي تركه لي هب له جنة لاتفنى وحياة اجمل💔. .

[َ @i_23j]

انا لي سنه لا مالت الشمس تالِ عصير
يجيني بلى .. وابعد عن الخلق و اغيّب

اعذّل على حالي و نفسي و اقول بخير
وانا والله اني .. لا بخيرٍ ولا طيّب

تقول ان في صدري من الهم و التفكير
مواويل قافٍ بين .. مستور و حبيّب

[َ @i_23j]

ذعذع النسناس واستاذن النوم وسريت
بعد ساقت ذكريات المحبه دولها

احسب اني بعد عشر الثلاثين اكتفيت
واثر لذات الهوى ساري مفعولها

قد بغيت اسج منها وصليت ودعيت
جعلني ما توب منها ولا افقد زولها

وجعل دار في كنفها ربا الحب وربيت
فوقها دهم الرفايا تهل ثعولها

[َ @i_23j]

مبطيٍ من هاجس الليل وأبيات القصيد
أتلهوى من غرامه ولا حولي لهوه

أتناسى وأتجاهل وأقول اني سعيد
وان خذيت شوي جاني عن الناس فهوه

وأنت ياللي تحسب انك عن الخاطر بعيد
والله اني ما نسيتك ولا عنك سهوه

أتمنى شوف وجهك لو اني ما أستفيد
كون كلمة وأبتسامه وفنجال قهوه

[َ @i_23j]

قلت والليل يلعب في ضلوعي نسيمه
مرحبا والطواري غاليه وأنت غالي

يا حبيبي.. سوالفنا فـ بالي مقيمه
كن مالك مكان تعيش به غير بالي

ودي أنساك وأنسى الذكريات القديمه
مير هذا نصيبي كل ما أجلس لحالي

ما لـ الأيام من شــدت ركايبك.. قيـمـه
شوف وجهي وتعرف بعدها ويش حالي

[َ @i_23j]

لك العذر في غيبتك ولـ طيفك التقدير
متى ما سهيت وبان لي وجهك البدري

لقيتك على مفرق طرق والظروف تسير
حلالاه لو إنـي مقابـلك من بـدري

سرحت بخيالي فيك وأسهبت فالتفكير
وطلّعت كل اللي مخبّى ورى صدري

ما تمنعني حدود المسافة عن التعبير
أنا توّي مسولف معك وأنت ما تدري

[َ @i_23j]

تعال اقلط وسولف معي يا نسيم الليل
انا والله إنْ لي مدة أحس بالغربه

عن الناس أغيب شهور واطلع طلوع سهيل
عساها تباشربي مثل ما تباشربه

يا زين السعه والبعد عن قوم قال وقيل
وعن اللي لسانه يمنع الناس من قربه

لسان البذي ما كنه الاّ لسان السيل
يجيب الخفيف الساقط اللي على دربه

[َ @i_23j]

كل ما دنّقت شمس العصر للمغيب
صار فالصدر من شوف الظلام غْلقه

فاقدٍ لي رفيق و فاقدٍ لي حبيب
وهاجرٍ لي ديار . . وساكنٍ منطقه

صار وجه الحزن تالَ الزمن وجه ذيب
جرح نابه مكينْ و شوفته مرهقه

دوروا لي حلوول ، ودوروا لي طبيب
وجهة الصبر كل أبوابهاااا ، مغلقه

[َ @i_23j]

مع انك ظلام احبّ اشوفك بصيص النور
ومع انك ضياع احبّ اوقف على اعتابك

اعرفك .. ولو بيني وبينك سما وبحور
سحابي مطرك .. وحفنة ترابي ترابك

غِب ايام و آسابيع وشهور تلو شهور
ولا تشرح ظروفك ولا تِبدي اسبابك

علي حقّ لا قلت القصايد بدون شعور
و لك حقّ .. لا مرّك قصيدي ولا جابك

[َ @i_23j]

@ar_00nm الله عليك

[َ @i_23j]

دقي ترا " الليله " اللي قدّر الله تجين
هذا هو أبرك مسا و أغلاه وأبرك شهر 

صوتك مابقّى على وجه الثرا مستحين
متمرد وفوضوي . . مع أن كلك طهر

حبيبتي علميني ، كيف طعم الحنين
واعلمك وش خذيت من السفر والسهر

بعدك عرفت القمر وسهيل والفرقدين
وقبلك ماعرف النجوم ألا نجوم الظهر

[َ @i_23j]

بيني وبين انفجار الصبر حذفة حصاه
ياليت لو بيننا .. كلمة قريّب بدو

احساسي براحة العزله عطاني قفاه
الراحه الماضيه .غدو بها اللي غدو

العام .. اشوف العلاقات الكثيره غناه
واليوم سلّم علاقاتي هو اكبر عدو

من كثر الاحلام ومجاهد ضغوط الحياه
فاقد شعور السلام الداخلي والهدو

[َ @i_23j]

@rrcv0 الله عليك

[َ @i_23j]

من أول الليل وانا للطواري نديم
العين طوّل شقاها والسهر ضرها

متى الصباح يتنفس والموذن يقيم
وافتك من تالي الضيقه و من شرها

أعيش مابين حزن وبين فرقا و ضيم
و حاجات واجد يذوب القلب من حرها

الذكريات القديمه و المكان القديم
تكدّر الخاطر السالي اليا مرها

[َ @i_23j]

@sngar_kuw الله عليك

[َ @i_23j]

ما طابت خواطرنا لكن للظروف أحكام
وأنا في رجا الله يوم أنا من ضحاياها

لي الحين عن لذة وصالك ثلاث أعوام
وعن الضحكة الي يوجع الصدر ذكراها

من الحب ما أعاتب طواريك قبل أنام
لها الحق يوم أسهر لها وأتحفاها

ولك في الضلوع الي تشيلك غلا وهيام
خذاك القدر منها .. ولا عشت وياها

[َ @i_23j]

تخيّر أيات درب لـ خطوته تستريح
أنا ما احب اجبر الغالي ولا احايله

الوصل وجهه قبِل والهجر وجهه قبيح
وهذا مانيب قايله وهذا مانيب قايله

جرحتني بـ الصدود وبـ الكلام الشحيح
في ساعةً كان صوتك فرحةً هايله

وانا على كل حال ان كان تبغى الصحيح
مانيب زعلان من جرحك لكن شايله

[َ @i_23j]

تجلى القصيد اللي يسلي هوى الجمهور
لو ماني بـ الأوس ولا زهير أبن أبي سلمى

من البارح عيون القصايد عليك تدور
وانا الشاعر اللي "قال فيك" وكتب عصما

أحب القصيد الجزل ومن البني مغرور
وعشق الجياد الشقر ، والليله الدلما

لذالك لحد عندي يطري بصيص النور
أنا من يخيط الليل ويعيش في الظلما

[َ @i_23j]

اللي خلق في مشاعرنا من البعد خوف
خلق لنا نعمة النسيان في غيرها

تموت الأحلام دايم في يدين الظروف
وتعيش الآمال وتواصل مشاويرها

في ليلة تاهت الخطوه وطال الوقوف
هي نفسها الليله اللي شرها خيرها

جيت ومعي قلبٍ يحب ويحن ويروف
ورحت ومعي قلب أقسى من معاذيرها

[َ @i_23j]

سلامي سلام اللي سمح والامل مفقود
على اللي ما صان الود من كثرة أعذاره

رفعت العتب وأقفيت عن غايبً موجود
يوم ان الغلا شفته بدا يرخي ستاره

سعيت لرضا عينه ولا شاف لي مجهود
وأناأجفى العرب لأجله وأناديه وأختاره

يا ليل الفراق اللي عليه الحروف شهود
قرار الجفا عقب الغلا وشهي أخطاره

[َ @i_23j]

من ليلة البارحه ماني بـ على طبعي
مشاعـري سيئة جدًا ،،، ومضطـربه

شعرت في غربة إحساسي وفي وضعي
وأنا أكثر إنسان يستاحش من الغربه

من عادتي كل ما أشعر به ومن شرعي
أغـني لين أفضفض كل ما أشعـر به

رفيقكـم الله الله فيه يـا ربعـي
لا ضاع له ضيعةٍ ردوه عن دربه