+ عسـإم .

- شـاعر ، فِ المفضله تجدونيٰ ✒️

[+ عسـإم . @i_3sam]

كبار الذنوب تشيلها ذمة المغتاب
مثل ماتشيل علومه العز من صيته
ٰ
لاجات السوالف من منافق ومن كذاب
اخذت الحياد وساقط الهرج خليته
ٰ
آجنب عن الزلات لو مالها مجناب
وطريقٍ يودي للمناقيد ماجيته
ٰ
على كثر ماني باتخطرا خطا الاصحاب
لو طويق واقف في طريقي تخطريتـه

[+ عسـإم . @i_3sam]

استجير من الوله بالشعر لين اعماني
احسب إنه يخفي العلّه وهو يظهرها

[+ عسـإم . @i_3sam]

شارد البال.. لا طالَتْ بك شْفوفي
هذي سنين عمْري فـ المَدى عَجْلة

أتنقَّل، وأمدّ — إحساسي، وجوفي
وأنت عينك ديَار، وضحكتك خَجْلة!

قد تلاقَت ظْروفك؛ فـ أوَّل ظْروفي
قبل سِرْبك يطير فـْ «روحك الوَجْلة»

الهوَى، والقصيْد، وحِزْني، وخوْفي:
كان ما هي لأجْل ضحكتك، مِن لأجْله؟

[+ عسـإم . @i_3sam]

غيرك لو يسولف من السبت للسبت
ما قمت متحسف على شي فايت

بس أنت لا شفتك تسولف ، تثاوبت
مفعولك أقوى من : بنادول نايت

[+ عسـإم . @i_3sam]

الا ياوجودي وجد .. ذيبٍ يقول ميّو
حدته الظروف القاسيه وانقلب قطوه :(

[+ عسـإم . @i_3sam]

غليبة الدنيا لو الدنيا بخير !!؟؟
اللي ما عمره ذاقها بيذوقها .

[+ عسـإم . @i_3sam]

اجيه واشرح شوقي اللي مخفيه
ملهوف وارجع منه ماني بطيّب

الثقل في درب المحبه ما ادانيه
ان ما حصل وصلٍ يريحك غيّب

راحت سوالفنا عتاب ومشاريه
هذا دليل ان المفارق قريّب

[+ عسـإم . @i_3sam]

حبيتها وأنا عن الحب منصوح
وبرّيتها بر الولد .. والدينه

لكن جا فالوصل والحب ساموح
والحب زين وعزة النفس زِينه

ماودّي اجرحها ولو كنت مجروح
قلت الغلا ! سويّ بها اللي تبينه

وراحت وخلّت باب الأمال مفتوح
حتى كلى قلبي عليها .. حنينه

وراع الهوى لو يستر الحب مفضوح
ادنات شي يمر .. يظهر خزينه

[+ عسـإم . @i_3sam]

تعبت وْ تعبنا والنتيجه مغير اصفار
والاصفار بالاصفار وشلون نضربها.

[+ عسـإم . @i_3sam]

الحياة تعج بالكثير من الذين قال عنهم
وصل العطياني :

حرصه على دبلة كبود المسلمين
أشدّ من حرصه على فرض الصلاة

الله يغث من يغثنا .

[+ عسـإم . @i_3sam]

-

مايصير انتضايق وارض ربي .. وسيعه :)

[+ عسـإم . @i_3sam]

تفجّر ورا صدري مشاعر فرح وأحزان
لي "شهور" وأنا داخل الصدر كاتمها

عسى الله يعين اللي تعود على الكتمان
تجي "ساعةٍ" ما عاد يقدر يقاومها

[+ عسـإم . @i_3sam]

نعاني و نجهل شعور المعاناه
متعودين نخوضها ما ندقق

راضين بالمكتوب والحمدلله
ماهوب لازم كل حلم يْتحقق

[+ عسـإم . @i_3sam]

من حب من قلب لا يمكن بلحظه يغيب
مواجع البعد تحرق قلب من ذاقها

انا تعبت احتري جرح المفارق يطيب
ما جرعتك الليالي غصة فراقها ؟؟

#عسام

[+ عسـإم . @i_3sam]

ماتضمن النسيان مهما تناسيت
ياليت قلبي صد ولا عيوني !

غبطت لي ورعٍ دخل عند اهل بيت
عطوه عيدية وانا ماعطوني

[+ عسـإم . @i_3sam]

الشمس صارت من نحانا قريبه
ماعاد ينفج دونها (بارد الفي)

اللي يقول الحي يلقى صحيبه
الحّي راح ولا تلاقى مع الحي

تغيرت الايام والوقت عيبه
نكباته كثار ومعاريفه شوي

المشكله حتى الكويت الحبيبه
اليوم صارت لا حبيبه ولا شي

[+ عسـإم . @i_3sam]

إستَربتِي يا غزالة والظنون مصيبة
لين جفّلك العذل عن صدري المستاحِش

وصار حلمي باللّقى عقب البطى والغيبة
حلم جندي في خفارة ..بالثراء الفاحِش

[+ عسـإم . @i_3sam]

إن جيت صار العيد عيد المحبّين
وإن غبت صار العيد عيد الضحيه.

[+ عسـإم . @i_3sam]

يحلم السمع لو مره .. يصير عيون

[+ عسـإم . @i_3sam]

ماودي اتعب معك واطول الشرح
هي كلمتين اسمعيها وافهميني

امُا تعالي غلا ولا ابعدي جرح
اختاري اللي تبين ….وعلميني