عَاد

غالباً متذوق .

[عَاد @i_5co]

يقول أحدهم: حافظتُ على صلاة الفجر بسبب تغريدة قرأتها.. وهي:

"كيف تصحو من نومك لرزقك، ولا تصحو لرازقك".

فلا تحقر من شأن الفائدة والنصيحة والتوجيه، ولا تتكاسل من بثّها في وسائل التواصل، لعلها تقع في قلب أحدهم وتكون سببًا في صلاحه وفلاحه."

[عَاد @i_5co]

الساحه حالياً فرصه للشاعر المبدع يجي استغلالها

تقدم ايها الشاعر والقِ بعصاك

[عَاد @i_5co]

الى متى نكرر القصايد القديمه نبي الجديد اللي عليه الكلام

[عَاد @i_5co]

الساحة اصبحت ممله

نحتاج شاعر يتبرع لنا بقصيده
نستمتع فيها كم شهر لين تجي البرامج الشعريه

[عَاد @i_5co]

مايلوي ذراع الصبر غير الاقدار
أو دعوةٍ نامت بمتن السحابه

شي نبيه ويمضي العمر ماصار
وشيً يصير وماحسبنا حسابه

[عَاد @i_5co]

@cantmmf @Nmnaa7y يسلاام👏🏻

[عَاد @i_5co]

أذخريني لـ المقادير و عجاف السنين
و الظروف اللي هبوب الزمان تهبها

و أطلبي مني و ألبي وش اللي تطلبين
لو تبين . . أزل روحي غلا و أصبها

[عَاد @i_5co]

تواجدك في عصرنا هذا نعيم
انا احمد الله مالحقنا الجاهلي

يافاتنه لو جيتي بـ عصرً قديم
بيصير لك شيعه مثل شيعة علي

[عَاد @i_5co]

بعض الشعور أكبر من بيوت القصيد
يمكن لو تْشيله على البيت كْسره

أحلا لي أخليه في صدري وحيد
ولا أكتبه و اخسر قصيدي و اخسره

[عَاد @i_5co]

كل ضيقة صدر ما منها نجاه
الحكي عنها ماهو بـ علاجها

أجّل الشكوى إلى بعد الصلاه
يمكن تصلّي ولا تحتاجها

[عَاد @i_5co]

@Blagha1 مطلع قصيدة الحارث ابن عباد في ابنه بجير

[عَاد @i_5co]

خذيت منك بخاطري يوم قفيت
كن العمر كله بوجهي تسكر !

نسيتني ؟ ولا كبرت وتناسيت
انا حبيبك ي حبيبي تذكر ):

[عَاد @i_5co]

حمدتك على خير وحمدتك على مكروه
وسبحانك اللي لا ألتجى عبدك أنصفته

أجي لك بـ وجهٍ ساير الناس ما شافوه
على شان وجهٍ ساير الناس عارفته

[عَاد @i_5co]

ياكم غاليٍ كنت اتوّجد عقب ماراح
على جيته ماعاد ارحب ولا اهلّي

سلامي على وجه المعزه سلام سلاح
وعلى قلبي اللي بـ آخر الصبر متحلي

-مزيد الوسمي

[عَاد @i_5co]

والله إنّا نستحي منك ياذرب اليمين
والوعد بين الرياجيل نقرٍ في صفا

ودي اكذب بس ما اخلف وعود الطيبين
لعن ابو رجلٍ ليا قال قولٍ ماوفا

والليالي تخلف الوضع من حينٍ لـ حين
نوب تعطيها بوجهك وهي تعطي قفا

مشكلة لا صار فيك النشاما واثقيـن
وانت ودك بـ الجميله .. وهي وطية حفا

[عَاد @i_5co]

ما فلج قلبي يا كود المحبه والسحى
والقلوب اللي تكلم وتخفي ماتقول

لا بغيت أسج قلبي بطاريك أنتحى
وكل ما جينا بننهي قضيتنا تطول

ادرك الموضوع حد الشعر فوق اللحى
لا يجي حمل ينوخ ثقيلات الحمول

من دخل غيبوبه احلام حبك ما صحى
كثر خيري كاني منك مارحت مهبول

[عَاد @i_5co]

ياهل المدينه حنوا اهل القريه
والشاعر اللي فـ القصيد محنك

يابري حالي بريتين وبريه
عليك يا اللي ماعرف وش كنك

اصبحت كني مرتكب لي جريه
وانا من انسام الهبوب احنك

كبدي عليك من الوله منفريه
من صوتك الخاثر لضحكة سنك

[عَاد @i_5co]

أعذريني يوم أقابل طعونك بإرتياح
كيف لا !! والجرح مملوح والجارح مليح

أعذب من النسمة اللي يمر بها الصباح
لا أستقرت في فوادٍ من الفرقى جريح

[𝓁𝘯 @yullrln_]

فتحت باب الكلام لـ عمري الثاني
وألغيت صمت السنين اللي تجرعته !

مليت وأنا أكثر أحلامي تعداني
يا كثر ما شلت . . بالخفاق وأوجعته

مرات اقول انت حبك وين وداني
ومرات اخاف اني من الطيش ضيعته ):

[عَاد @i_5co]

خاطري يحتس من حزة اقبال الظلام
مثل ما يحتس من تهمة الظلم ابريا

وأبتسم وأكذب ليا قلتلك وضعي تمام
من دوافع صبر .. ما هي دوافع كبريا

ساجن من عزة النفس في صدري كلام
ما يفكّه جاه أكابر ولا مال أثريا.

~ سعد بن جدلان

[عَاد @i_5co]

عن هوا غيرك من الترفات قانع
قنعة المغلوب من فعله و رايه

يا شبيهة كل متمايل و يانع
و يا دوافع كل تنهيده و غايه

جيت آستاذن اذا مافيه مانع
ودي احبك إلى ماله نهايه (: