♡ 𝙼 ‘

عساني من الي يسر القلوب ولا يضرّها .

[♡ 𝙼 ‘ @i_631]

ان كتب لي ربي . . اعيش في قربك سعيد
جزت من نظم القصايد ومن طرد الهوى

وكان حالو دونك . . اللي لهم مجد تليد
وعرّضوني مهمهة الهجر . . ولعنة الثوى

بـ انطح سهوم الليالي بـ قلب من حديد
سالفة بـ نساك واسلى عنك مالك لوى !

[♡ 𝙼 ‘ @i_631]

ما للحمول إلاّ ظهور البعارين
ياللي تلوم الوقت مدري تذمّه

أوهم طموحك ب إن الايام بتزين
وأصنع قرار، وحاول أنك تتمّه

ما أقول خذ سيفك وحرّر فلسطين
حاول تسويلك من المجد "قمّه"

[♡ 𝙼 ‘ @i_631]

٣ / يونيو ..
اللهم إني استودعتك عام مضى من عمري فاغفر لي ما كان فيه وبارك لي في عامي الجديد اللهم اجعلها سنه اجمل من ما مضت من السنين .

[♡ 𝙼 ‘ @i_631]

ترا السنين اللي تروح أغلب لياليها هدو
مغلفه بالكلمة الزينة وبالوجه السعيد

يستاهل الغالي ملامحها رضوا ولا قعدوا
أنا وش اللي جابني ل الحُب غير إني عنيد

أحارب أكثر من ثغر و أواجه أكثر من عدو
وأرجع بعدها لـ الغلا الواحد ولـ الثغر الوحيد .

[♡ 𝙼 ‘ @i_631]

قل للسنين اللي تراهنّي على كسرة عصاي
ضربت الأرض لين ثوّرت الغبار من الصدور

أنا على ما تشتهي نفسي و وين ألقى هواي
محدٍ يحرك وجهة شراعيّ على السبع البحور

ليا رضيت أطيّر الحاجة وَ أوصلها سماي
وليا زعلت أخليّ الحاجة - دبورٍ في دبور .

ٰ

[♡ 𝙼 ‘ @i_631]

تحبك الأرض لو الأرض ماتعترف 
وأنا ولد الأرض وأحبك أحبك كثير 

ماطار الأنسان من نفسه ولاقد عرف 
إلا أنت من يعرفك يعرف بعدها يطير .

[♡ 𝙼 ‘ @i_631]

أنا العظيم اللي عشق له عظيمه
وأنا الشجاع اللي يحامي وراها

وانتي لحالك في خفوقي مقيمه
واضح على عيني لو اخفي غلاها .

[♡ 𝙼 ‘ @i_631]

"العمر مرّة والقلوب البيض ما تبغى دليل
والناس إذا طابت نواياها، تطيب وْفُوقها"

[♡ 𝙼 ‘ @i_631]

و إن مر طيفي على بالك في ليلة ربوع
اسأل غرورك وش الدنيا بليّا متاع؟

[♡ 𝙼 ‘ @i_631]

الحمدلله ما خُتم جهد ولا تم سعي إلا بفضله،
الحمدلله على التمام وحسن الختام 🎓🤍 .

[♡ 𝙼 ‘ @i_631]

دوافع " الوصل " للعشّاق معروفه
أسرفت بالشوق وأخشى ذنب تبذيري
ٰ
يا صوتك اللي عليه الروح .. ملهوفه
إن جابه الخط .. له شكري و تقديري
ٰ
انا فدى وجهك .. اللي كل ماشوفه
أقول : للضيق .. رح دوّر على غيري !

[♡ 𝙼 ‘ @i_631]

اشمخي يانفسي اللي كلها عزّة وأنافة
لك علي إني ما اعرضك المهانة والمسبة

كل ماشفت العباد اللي يعيشون بضعافة
قمت اعرض راسي المرفوع للريح ومهبه

ف المذلة دايمًا عذر الذليل يكون تافهه
لو مايلقى له سبب لـ الذل ذل بدون سبة .

[♡ 𝙼 ‘ @i_631]

يارب سيّر خُطاي لدرب تألفه أقدامي
اجعلني دائمًا بالمكان الذي يسعني، يشبهني،
مكان لا يقللُ من خفّتي ولا أضيق فيه .

[♡ 𝙼 ‘ @i_631]

تباطيت شوف اللي عليه العيون تتوق
وعليه الحنين أصدق من الدمع في الغربه

رهيف المشاعر منه حتى الجروح بذوق
تقول يتطعّم في كلامه و في شربه

أحس بشعوره كنّه من الحشا مخلوق
طواريه دايم ماخذتني على دربه

" ربا الحسن فيه وعاش باللي عليه يلوق
⠀مثل ما ربت بـ لسانه الكلمة الذربه "

[♡ 𝙼 ‘ @i_631]

لقيت حاجه بعد سن الثلاثين
مافيه احد بالكون غيري لقاها

مخلوق ما أظنه تكّون من الطين
يمكن سحابه عابره طاح ماها

خلت ثلاث ارباع صدري بساتين
محد وصل في داخلي مستواها

مااقارنك بالحور وانتي تعرفين
حتى قصيدي يبتهج لانصاها

حبيبتي إنتي هنا لا تخافين
شفتي ضلوعي والله إنك وراها .

[♡ 𝙼 ‘ @i_631]

كريم النوايا .. ما يبي للجميل ردود
يحده على درب السخى طيب عاداته .

[♡ 𝙼 ‘ @i_631]

#يوم_الجمعة

ٰ

اللهمَّ هذِّب جوارِحي، وحسِّن قَولي، وبرِّد قلبي
وآتني سؤالي، وأجب دعوتي، واسلُل سخيمةَ صدري.

[♡ 𝙼 ‘ @i_631]

ولا لي بالبشر غاية .. ولا لي بالثرى أوتاد
خفوقي حر وأتبع ما يعز النفس وأرضيها .

[♡ 𝙼 ‘ @i_631]

الصعب له ساعةٍ و يزين مضرابه
كم صاملٍ لا استوت له ما يثنيها .

[♡ 𝙼 ‘ @i_631]

#عيد_الفطر_٢٠٢٦

ٰ

جعل الله عيدكم فرح بأعمال قُبلت
و ذنوب مُحيت و درجات رُفعت
و كل عام وأنتم بخير🤍 .

ٰ