بندر بن جري

تَوَفَّنِي مُسْلِمًا وَأَلْحِقْنِي بِالصَّالِحِينَ

[بندر بن جري @i_84D]

الَلهُم أظّلَناَ تَحتْ ظِل عَرّشكْ يَوم لا ظِلْ إلا ظِلّكْ."

[بندر بن جري @i_84D]

سيّد البال .. تاخذني عليك الطواري
اثر مالي لو يطول الجفا عنك صده

انت ليلٍ .. تخاطفني عليه المساري
و انا ما جابني لك غير صدق الموده

ودي آخذ من عيونك ومبسمك ثاري
شي يوخذ بلين و شي يوخذ بشده

عاد و ان بان بين الساعدين انكساري
من يلوم القوي لا بيّح الشوق سده ؟

[بندر بن جري @i_84D]

يا غايبه مابغى ملامحك تنعاد
انا خلصت من الفراق وبكيته

سافرت عن طيفك من بلاد لبلاد
ولا وصلت لديره الّا .. لقيته "

[بندر بن جري @i_84D]

حبيبتي انا ادري ان طبعي غريب
انا بنفسي .. ماعرف حقيقتي

انا احبك بس عادي لو أغيب
خليني احبك على طريقتي

[بندر بن جري @i_84D]

صحيح مابه سرابٍ يسقي الضامي
بس الأماني ،، توسـع صـدر راعيها

[بندر بن جري @i_84D]

بين الرخا والقسى يـ الموقف الوسطي
نتايجك ؟ .. ماتناسب مع " نتايجنا "

حتى لو انّا نقبل ع رغباتنا ؟ نخطي
مانقبل الذل يدخل في مناهجنا

من قبل لانرتجي باخل ولا معطي
لله نرفع ..ليا ضقنا (حوايجنا )

حنا مساجين عز النفس من مبطي
من عزة النفس " يالله لا تخارجنا"

[بندر بن جري @i_84D]

تطري على واشتاق لك وأتمناك
وألقاك حلم من بعض ذكرياتي

أنا ادري اني صرت ماني بـ وياك
لكنك احلى حلم مر بحياتي

من عاشرك ماظنتي بيوم ينساك
مهما تغيب تكون لي مثل ذاتي

وأصعب مواقف دنيتي يوم فرقاك
فيها عرفت انك تساوي حياتي .

[بندر بن جري @i_84D]

تذكّرني ليا ضاقَ المكانَ وشانتَ ظروفكَ
ترانَي مثل طياتَ الذهبَ مايختلف لونِي

[بندر بن جري @i_84D]

فمان الله يا حبٍ وقف ما كمّل المشوار
عرفنا مفرق الدربين ما يحتاج تكميله

بقت بس المعزّه بيننا ما كن شيٍ صار
وصرنا أغراب عقب الود يادنيا من أنتي له

فمان الله يا قصة غرامٍ وأصبحت تذكار
صنعها الحب في لحظه ولا كمّل تفاصيله

[بندر بن جري @i_84D]

مايموت حبك لو يطول الغياب
لكن يموت الصبر من كثر هجرك

جرحتني جرح مايداويه عتاب
وصرت أعلل روحي بظلك وبقدرك

خليتني وحدي على درب سراب
أركض ورا طيفك وأتعب من فكرك

إن كنت تقوى المفارق والغياب
أنا ترى قلبي يموت ولا يتركك

[بندر بن جري @i_84D]

الشمس ماعاد تذكر حبنا زين
من بعد ماكان يبدا فيك يومي

كان الصباح أفضل الأوقات والحين
خربت طبعك و أنا خربت نومي

[بندر بن جري @i_84D]

تمضي السنين وما قدرت اتناساك
وأنا احسب اللي فاتني كم ليلة
احزن على الذكرى وافرح لذكراك
احيان اللحظات تبقى طويلة
اعيش بك حاضر لو انه بلياك
تطري كثير الذكريات القليلة
حتى وانا قلبي مجروح بـ فرقاك
ادين لك بـ ( أيام ) كانت جميلة

[بندر بن جري @i_84D]

لا حَوْلَ وَلَا قُوَّةَ إِلَّا بِاللَّهِ .

[بندر بن جري @i_84D]

لّمي بقايا الحب لايصبح طحين
ماودي أنطق عقب لبيه نعم

للأسف صار غيره افضل منه
واصبحت نعم كثيره عليه

[بندر بن جري @i_84D]

أشوف الأحلام ماهي تشبه أحلامي
كل ماتخيّلت حلمي ضاق بي صدري

مدري إلى الحين ماجات أجمل أيامي
أو أجمل أيامي مرّتني وأنا مدري

[بندر بن جري @i_84D]

من مده وانا ماشفت مشراقي
غاب وغاب نور السعد بعده

حزين لكن مو على كثرت اشواقي
انا حزين على … قلبي اللي يوده .

[بندر بن جري @i_84D]

معك طال الغياب اللي عليه ارهقني التبذير
ولاني عدت محبوبك ولا عادك بـ بمحبوبي

بتلقاني بكل مفرق طريق و في يدين الغير
بتعرف قيمتي والله وتفقد أصغر عيوبي

تذكر قلبي اللي ممتلي صدق و نقى وتقدير
و تذكرني ليا هبّ الشمال و لاحت هبوبي

[بندر بن جري @i_84D]

لازمت صمتي عن رخيص المناطيق
من خوف تفتح للمنافق نفاقه
اللي يلفّق تايه الهرج تلفيق
إليا تشبث بالسلوك الدقاقه

[بندر بن جري @i_84D]

السنين معجزه  والعرب متغيرين
والديار من الاجاويد قد هي خاليه

عزتي للي يـدور سلوم الاولين
العرب جاها بـلا فالسنين التاليه !

[بندر بن جري @i_84D]

هو لقى له عقب قلبي ذرى
او غدا مثلي من الفرقا وحيد.

[بندر بن جري @i_84D]

من تخيّر دربك المهجور عن باقي دروبه
لاقيٍ بـ عيونك الثنتين مضياف وكرامه

لا تلومه لو تشوف الصمت ذنبٍ من ذنوبه
وش يقول اللي يشوف احساسه اكبر من كلامه

واحدٍ مهما تضيق بـ عينه الارض الرحوبه
ما يبيّن في عيون الناس ضعفه وإنهزامه