خالد

لكل شخص مرّ من هُنا : كن كالغيث تروي قبر فقيـدي بدعائك اللهُم أرحمه وأجمعني به على منابر من نور ♥️

[صدقه لناصر حسن السهلي @hsn_sdqh]

ياخالق الجنة,أنعم عبدك ابي بدخوُلها ..

[صدقه لناصر حسن السهلي @hsn_sdqh]

اللهُم في يوم الجمعه ارحم أبي رحمة تليها رحمة ونور يليه نور اللهُم وسّع مدخله ومد بصره بجنات تجري من تحتها الأنهار، اللهُم ارحمه رحمة تسع الدُنيا ومن عليها وإجعل له في قبره مروجًا و قصورًا و أنهارًا و نعيمًا واجمعنا به في جنات النعيم.

[خالد @i_d3hs]

الليالي تطلق عنان الحزن وتعنّه
والصدوف تحدّ بـ أسباب الفرح شلفاها

ما حداني لـ القصيد ولـ السهر والونّه
غير حزنٍ ما خذا روحي ولا خلّاها

[خالد @i_d3hs]

ياجعل قبرك .. يشِّع من الرضى نوره
فرقاك - هي والله الفرقى وطاريها .

[خالد @i_d3hs]

واقلبي اللي رصاص الفقد قد ناشه
لين انجرح واستشم الجرح من تالي

ماداني الصورة السودا على الشاشه
لاشفتها خفت اودّع واحدٍ غالي

[خالد @i_d3hs]

ضاق الفضاء والبيت ضاقت مبانيه
والهم بقلبي حموله دفينه

ماغاب زوله عن عيوني وطاريه
يمرني ياليت ترجع سنينه

الفقد موجع والمشاعر تناجيه
وذكراه فقد وكلنا فاقدينه ..ة

[خالد @i_d3hs]

عساك بالجنه ياصوت فقدت حكاه
وياوجه ماغابّت ملامحه عن بالي .

[خالد @i_d3hs]

طاريك بين الناس بـ الخير مذكور
و ما مات من ذكره مع الناس طايب

يالله عسى قبرك من الورد منثور
و من السماء تاتيك وبلّ السحايب

و يالله عسى بيتك بـ جنات معمور
يا حاضرٍ بين العرب و انت غايب ..

[خالد @i_d3hs]

#يوم_الاب_العالمي
كيف ما شوفه مع أيامي ولا اسمع صوته ؟
لا انتثر دمعي من عيوني وزاد طعوني
ِ
والله إني كنت ماني مصـدقـه في موتـه
لين شفت جنازتـه تنشال قدم عيوني

[خالد @i_d3hs]

عسى الراحل اللي عاد باقي غلاه مقيم
يعُوْضه عن وجيه المخاليق .. وجه الله

ذكرته .. و أنا بين التحيات و التسليم
ودعيت و ما خاب اللي دعا و التجى لله

[خالد @i_d3hs]

فقدت الذرى والظل والعرف والتوجيه
فقدت الحزام اللي لا ضقت اتحزم به

هذا اللي خذيت ونعم حتى على طاريه
وهذا اللي ليّا جات المواقيف نفخر به

وهذا اللي على اسمه سمّت شيوخ حبٍ فيه
وهذا اللي رفيقه لا تنصاااه يبشر به

وهذا اللي علوم المرجله كلبوها فيه
فراقه على كبدي مثل ضربة الحربه .

[خالد @i_d3hs]

يا شمعة البيت عقبك غابوا أصحابه
ومن شاف عيني عرف حزني من اللمعه
ㅤ
الفقد ماهو بفقد الخل و اللابه
الفقد لا من طفت في بيتكم شمعه
ㅤ
العين مجلس كريمٍ فاتحٍ بابه
في صدري الحزن متراكي مع الدمعه
ㅤ
الموت واحد ولا نجهل وش أسبابه
كان معنا الخميس وراح منا الجمعه .

[خالد @i_d3hs]

صكّت الصكّات راسي جعل راسي مجار
من معاناة .. وظـروف .. وبقايا راحلين

[خالد @i_d3hs]

ابلغ ماقيل في الفقد

أتلّمس وجيه غاليني .. قبل نومي
أخاف بكره .. بدون أحباب يفجعني !

يارب أنا ضيقتي ما تاسع هدومي
أحساس الفقد .. قبل الفقد يوجعني .

[خالد @i_d3hs]

قامت ظروف الليالي تستبيح دموعي
والحزن خيّم على صدري وشوّه شكلي
ِ
ودي أضحك ضحكةٍ منها تطق ضلوعي
لو سنين العمر ما تضحك ولا تضحك لي

[خالد @i_d3hs]

#ليله_القدر
يارب .. ”ابوي“ اللي رقد تحت الشواهد والتراب
إن كان له حسنه تضاعفها .. وتغفــر سيّــته

يامن فتح للذنب باب..وللعفو مليون باب
إجبــر عزانا من بعده .. وبــارك بذريّـته

الشامخ .. اللي حطني بين الثريا والسحاب
عــزالله اني ما كبرت .. إلا علــى تــربيّـته

اللهم آمين

[صدقه لناصر حسن السهلي @hsn_sdqh]

ربي أستودعك أبي حتى نلتقي في نعيم لايفنى اللهم ارحم من فقدته العين وفقده المكان

[صدقه لناصر حسن السهلي @hsn_sdqh]

اللهمّ زد أبي إكرامًا ونعيمًا ومغفرًة وعفوًا
إلى يوم يبعثون ..
اللهمّ اشمله بعفوك الكريم واكفله برحمتك الواسعة ، يا ذا المن والعطاء أعطه وأكرمه وارضه وارض عنه.

[صدقه لناصر حسن السهلي @hsn_sdqh]

اللهم أبي الذي كان لا يترك في قلبي مثقال ذره منْ هم الا وقد ازاحها ،اللهُم السعه والنّور له في قبره

[خالد @i_d3hs]

جانا مطر جعل المطر يمطر عليك
ياقبـر .. مـن كان يتـباشـر بالـمـطر

َ