أنوار .

لنّا في بيت القصيدة منفى .

[أنوار . @i_lil20]

برد !
وافكار المشاعر شرّد
وايام الوله تزول
ولا لي حلول

حبيب الأمس هدّ روعي
بديت امطرك
من جوعي !
وادوّر في فضاك
الردّ !

ذابت فيك أنا شموعي
وذبّل موعد
وطاح الورّد
ابعلن لك عن رجوعي
ورا جيشك
وجيتك فرّد
أحبّك
كل موضوعي
وبعد حبّك
يطول السرّد.

[أنوار . @i_lil20]

يمكن على كفك أذوب !
ويمكن ورا رمشِك أُصاب
يمكن تبعثرني هبوب
ويمكن يناديني سراب.

[أنوار . @i_lil20]

اخاف ابقى
وسط نفس المكان اللي
ترك جرحي
عليّ يرقى!
اخاف اعيش
ويلعب داخلي التهميش
ولا غيري سمع صوتي
ولا غيري قرا سكوتي
ولا غيري
احد يشقى
واموت من
الوله
بشويش

كثيرة كانت بيوتي
ولا وحدة قراها
ليش؟
كذا طارت بنا الفرقى
وكذا فز بهوانا
الريش
وكذا صار الوله
ارقى
وكذا صار الألم
له جيش

أنا والليل والأوراق
ودمعة تجرح الأحداق
وجرح ما يبي موتي
يبي يلعب على صوتي
إذا ناديت لك مشتاق.

[أنوار . @i_lil20]

لاتَعذُليه فإن العذل يُولعه
قد قلت حقا ولكن ليس يسمعه.

[أنوار . @i_lil20]

ودي أحكي
الحزن مافاتني
وسط أحبالي
أحسّه مستريح

ودي أشكي ضيقةٍ
ماجاتني
وسط كفّيها
ترى دايم أطيح

ودي أنثر مابقى
بس هاتني
وعن عيوني
لا تقول إنك تشيح

هز صوتك قلبي اللي
خانني
مدري صوتك تستفزه
أي ريح

سهم وجدي فالضلوع
وصابني
من يقول إني أنا
بأرضك جريح؟

الهموم اللي خذتني
جاتني
وأنت تتفنن بأبيات
الفصيح

شفت نفسي
بس هو ما شافني
كنت بأطراف الشعور
المستبيح.

[أنوار . @i_lil20]

كفاية إزعاج!
طواري جيتك أصلاً
على قلبي تجيب إحراج

أنا وشلون حبيتك؟
عَماني الوقت، وناديتك
وبعد فرقاك… جاني
"إفراج".

[أنوار . @i_lil20]

الصباح اللي عبرته ولاح من فوقه حمامة
ماعرّف ينطق لأرضه ،ابقي تحتي لاتروحي
كان حبّك سيف جارح قص صوتي من كلامه
وكنت أكثر من تكلم دون ماتعرف لبوحي .

[أنوار . @i_lil20]

رُبوع.

[أنوار . @i_lil20]

المجازفة احيان إدراك للفرصة الأخيرة .

[أنوار . @i_lil20]

أمس مرّ الليل
مدري صبح داكن
أمس ذاب الدمع
في لحظة سعيدة

قمت أغنّي بالأماكن
يا الأماكن
وقمت أدور شي
أقدر أستعيده

وين وجهك؟
ليه أحسّه غاب لكن
ثابت بكل أركان القصيدة!

يا حبيبي
حزني أكثر شي ساكن
ما تحرّك الا في قلبي
ووريده

لا طرى صوتك
على عيوني تباكن
مبطي وأنت اللي
على جرحي تزيده.

[أنوار . @i_lil20]

ملّيت من كثر التفرّق والأقسام
وملّيت من كثر التحايل
على الروح

من كثر مايخطي معه
بس مرسام!
ومن كثر مايحكي
فقد لذة البوح.

[أنوار . @i_lil20]

«أدركتُ حلاوة السكوت ولم يدرك المتكلّمون مرارة الكلام، لذا سكت والناس يتكلّمون.»

[أنوار . @i_lil20]

على بابي
يمر طيفه
يتسلي بي
بكفوف ايديني جمر
وبنظرة عيوني
عمرّ
مروا به أحبابي
ياليته الليلة
يمرّ
واسكر اهدابي.

[أنوار . @i_lil20]

لو بتبعد بالمدى
اسرق فؤادي
لو بتهديني ألم
اهده سكينة
لو هجرتك بالهوى
اهجر بلادي
لو ذخرتك للغرق
كون السفينة .

[أنوار . @i_lil20]

يمكن يجي في آخر الحب
تشويه
ويبقى الشعور اللي نحسه
حشيمة

ويمكن نمر وجيه
ونفارق وجيه
وندفع ورا فرقى الحبايب قسيمة

مليت من ليل العتب
والمشاريه
ما عاد في باقي العمر
أي قيمة

البارحة مريت
جرحي اداريه
واليوم جرحي يتغنى بقديمه.

[أنوار . @i_lil20]

﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ﴾.
اللهم صلّ وسلم على نبينا محمد .

[أنوار . @i_lil20]

أجرّ خطاي
وأعاتب كل اللي مضى
واللي جاي!

مكاني وين؟
بعيدة عني أفكاري
وكئيب عمري الجاري
أمدّ يمناي
مدري لمين!

على التخمين
سؤالي للوله يشبه
بقايا سين
تبي تعرف وش أخباري؟
ومن اللي صدّع جداري؟
ومن اللي يحتريه
رضاي؟

على الذكرى
عبر طاري
عزف جرحي
بصوت الناي

وأنا عني
ماني داري
وصوتي ما عبّر لحكاي

شعوري بالأمل
عاري
ومن أنواري
أبي ظلماي.

[أنوار . @i_lil20]

كل مره كنت اقول
أنتِ المفر
لين صرت افر من جرحك
وانووح
كاذبة كل الخطاوي
ياسفر
هذا دربي ماعرف ورده
يفوح
صامتة كل القصايد ياشِعر
غافية كل الاغاني دون
بووووح
ذابلة من دون ماتكتب سطر
جارحة من دون حتى
ماتلووح
قالوا تفارق قلت ياصعب
الهجر
قالوا توادع
قلت طيب وين ارووح ؟

[أنوار . @i_lil20]

لاتنادي
الجفى يعني التخليّ
والهوى طبعه التغليّ
والحنين
انسان عادي
مره يجلس في محلي
ومره بالموقف
حيادي
كانت الرحلة
تسليّ
والبحر ماكان هادي
وصرت افقد
حتى ظليّ
والمسا
اعلن تماديّ
كان خليّ
وكان خليّ
وكنت أنا
بين الأيادي.

[أنوار . @i_lil20]

توّ العمر سادة
معطي الحزن جوّه
هذا القمر ناده
ينثر عليّ ضوّه.