ام سيوف

[ام سيوف @i_suoof_]

مساءالخير
اخواني وخواتي الأعزاء حان موعد فراقنا وترك تويتر نهائيا واتمنى اكون ذكره جميله تدعولها خلف ظهرنا وسامحوني وحللوني  اختكم ام سيوف

[ام سيوف @i_suoof_]

الله يجعلني مع الناس محبوب
و يزيدني بقلوب ربعي محبه

الادمي لا صار بالناس مرغوب
هذا دليل انه كسب حب ربه

[ام سيوف @i_suoof_]

حبيبي والغياب الموحش الباهت
أخذك ولا تركني لين أخذ عمري

أنا تايه وخطواتي معك تاهت
لوين أمشي قسم بالله ما أدري

[ام سيوف @i_suoof_]

لي عدة ايام والبال صاير في شتات
مبتعد عن زحمة العالم و روتينها

ودي بسجه لحالي قبل لصبح فتات
واعلن غيابي عن المنطقه وعن جيلها

[ام سيوف @i_suoof_]

الضيقه الي وافقت يوم فرقاك
منها دريت أني ما عمري تضايقت

حفظت أماناتك وطيفك وذكراك
الي تسـليني ليـا مني أشتقـت

[ام سيوف @i_suoof_]

الغياب اخر طريقً من حدود السلام
وكل شي يهون الا غيابه مشكله

انتهى عمر من الحب ماحوله كلام
ماله اسم الا اني اقول اجمل مرحله

[ام سيوف @i_suoof_]

تجيني في خيالي لين أصدق في لقاك الشوف
وتغيب لين أحس إن الأماكن مالها ذمه

[ام سيوف @i_suoof_]

صعبه تعيش افراح في وقت الاحزان
وصعبه تحب انسان عينه لغيرك

[ام سيوف @i_suoof_]

والله لاجازي راعي الصد بالصد
واصد عنه وكنه ماهو بموجود

اول معه امشي الى ابعد الحد
واعطي وفا واخلاص ماهو بمحدود

لكـن لقيته ما يبادلني الود
يجزي العطا مني بنكران وجحود

[ام سيوف @i_suoof_]

اقسى من الدمع صوتٍ تقتله ونّه
والونّه اللي تجي من شوق غلاّبه

الانسان من كثر ماتغليه وتحنّه
تختار فرقاه وانت تضيع في غيابه

[ام سيوف @i_suoof_]

كنت ابتسم وافرح وانا ماتكلّمت
لطاري اللي هامته ما توطّى

البارحة ذكرتك وما تبسّمت
يبدو علي إني بديت اتخطّى

[ام سيوف @i_suoof_]

بغازلك بأسلوب ما يشبة الغير
أسلوب كلة كبرياء وكرامة

[ام سيوف @i_suoof_]

صاحبي مامر يوم إلّا ولك جيّه وروحه
وش بقى غير الطيوف اللي لها قدر ومكانه

[ام سيوف @i_suoof_]

في غيابك ماني إلا غصن في رجوى سحابه
ما فقدت إلا السحاب و ما انتظرت إلا هطوله

كم سؤالٍ ودي اقوله و انا عارف جوابه
و كم جوابٍ ودي اعرفه ولا ودي تقوله

[ام سيوف @i_suoof_]

على كثر الوجيه الغايبة عن راسي المزحوم
حضر وجهك نيابة عن عموم وجيه غيَّابي

خذاك الحلم من نوم العوافي لين صح النوم
وخذاني ليل لا جيت ارقده وقّف على اهدابي

[ام سيوف @i_suoof_]

اجاهد هوى نفسي وكل الحياة اجهاد
كثـر ما تبي نفسي كثـر ماني امنعها