الشيء إذا زاد عن حده ينقلب ضده
ومن ضمن الأشياء الدراسة الزايدة عن اللزوم لأن من كثر ما تعمقت بتخصصي صرت اعامل نفسي واحلل مشاكلها كأنها كومبيوتر
مخي يهنق فجأة وأنا اذاكر احسه ما عاد يسوي معالجة للبيانات وبعد كل اختبار يصير ودي افرمته وافضي مساحة للي بعده
أو يمكن انجنيت مدري عاد
من ثاني يوم عيد وأنا حابسة نفسي اذاكر
جت عزايم وطلعات ولا رحت أبد من البيت للجامعة بس
قبل شوي جاني أبوي يقنعني اروح العزيمة اليوم وأغير جو شوي وانبسط ورفع راسه يشوف لستة اللكتشرز اللي معلقتها عشان انجزها رجع ناظرني قال اقعدي خلصي بس بلا عزيمة بلا خرابيط
حاضر بابا
😞😞😞😞😞😞😞
لو فيه مؤسسة لعدم الصملة وضعف الإرادة فهي أنا
متهاوشه مع بنات خالاتي بقروب التيك توك وقلت بقاطعكم وما عاد بسولف معاكم وقعدوا يضحكون علي يعني ما بتصملين وكذا
والحين ابي اسولف وارسل مقاطع
وش الدبره مع الكاريزما