ibrahim bin Abdullah

[د. مشعل بن محماس @MASHAL_ALHARTHY]

ترى اللي سنده سلمان ما يحتاج له تسنيد
يسده سيّد السادات عن عمه و عن خاله

وهو والله يسد عن العرب بلحاله الصنديد
عسى الله ينصره و يمد به و يحقق اماله

[بدر العساكر Bader Al Asaker @Badermasaker]

"أشرف يبو سلمان روس المراقيب
وانت المقام اللي تجي له تسدّه

مهيّبٍ منك الوجيه المغاضيب
ومعلقٍ فيك القلوب المودّه"🇸🇦

من قصيدة الشاعر محمد المقحم

[بندر الجلعود @Bandaralgaloud]

يادارنا لك بالرقاب حقوق
الموت واجب والعمر مره

✍️@alrob3_3gab
🎬@1alsheme

[وزارة الدفاع @modgovksa]

وطنٌ شامخٌ كجبالِه، أبيٌّ بأبطالِه. 🇸🇦

[ibrahim bin Abdullah @ib_am_9]

في ذرى الحكام يانفس اشربي
من قراح العز قطاع الضما

يامحارشنا على الشر تهبى
مدفعك يرمي ولاكنه رمى

يابلادي واصلي مجدك ابي
احتمى البارود والا ما احتمى

فوق هام السحب والمرشد غبي
يضربون الارض وانتي فالسماء

[معاذ الجهني @MuathAljohani]

ما عاد فيها إلا صباح الشريفات
قرار صادر من قصور اليمامة

دون الوطن، تسقط جميع السياسات
ويقوم يومٍ مثل يوم القيامة 🇸🇦

[سـعـود بــن مـحـمـد آل سـعـود @SaudM_Alsaud]

اضرب بنا الارض الوعيرة والبحر والغمام
وابشر بنا لو تبلغ الارواح حلقومها🇸🇦

[وزارة الداخلية 🇸🇦 @MOISaudiArabia]

دونها رجال ..

[البدر @albdr97]

يا شيخ باح الصبر من طول المقام
يا حامِي الوَنْدَات يارِيْف الغَرِيْب ..

اضرب على الكايد ولا تَسمع كلام
العز بالقَلْطَات والرَّاي الصلِيْب 🇸🇦..

[بدر بن سلطان الدويش @B1SD_]

ما أستعمرونا اللي غذاهم خنازير
تشهد لنا شهب السنين الخوالي

نذر علي لحرسك وأفديك وأغير
ديني وعرضي فيك وأغلى حلالي

واللي يأثر فيك بايّات تأثير
أبرى منه لو كان عمي وخالي

وأن مت وأخذتني صروف المقادير
واللّه ل أوصي فيك حتى عيالي 🇸🇦

[يزيد الفوازي @Ya2eed]

ياولي العهد وأنت ابخص
بالواحد .. بناخذ تسع ميّة

شهيدنا غالي ، وهم ارخص
من رمثه بحد السعودية

[سهم @sahamtt]

مرحباً واهلاً هلا فيك يالحرب الضروس!
والله محدن سوانا يعظم شانها 🇸🇦

[ريـما عبــدالعزيز الطيار @ReemaAltayyar]

بالغوا بالدفاع عن وطنكم
بالغوا في دحر الحاقدين والحاسدين
بالغوا في الذود عن أرضكم وقيادتكم
ولا تستكثرون على وطنكم صوتكم ومواقفكم وكلمتكم🇸🇦❤️
#السعوديه_خط_أحمر

[S a b t @sabt_28]

يا أمير عجل لنا المغباش
نارد على الموت حربيه

[عفاس بن حرباش @3faas]

اضرب بسيفك وابتسم للصوره
ماعاد نبغى من طرفهم أسرى

وعلمهم ان الديرة المعموره
ديرة ( عمر ) ماهي بديرة ( كسرى ) !

[‏᷂عسر٨٨ @Qhta10ni]

ماينفع الخايف والأيام عجلات
الخوف ماينفع ولاالقول والقيل

حنا هل العوجا ولابه مراوات
شرب المصايب مثل شرب الفناجيل

[د. مشعل بن محماس @MASHAL_ALHARTHY]

يا موطني كَثْر العداء والهَجَمات
تزيدنا فوقك ثَبات وعَزيمة

وطن وطن ما فوق مثْلك كرامات
ولا على غيرك شهادة وشِيمة

[ظافر بن فرحان @zafr_frhan]

دمتوا لنا نور يشع وقناديل
وحنا لكم شعب موالي وفعّال

ثروة وطنّا ماهي بفي البراميل
في روسنا اللي خير من روس الاموال

حنا جنود يفعلون الأفاعيل
لوكان مانلبس بريهات وبدال

لسهومنا دِقة حجر طير ابابيل
ولأيماننا بطش مايخطر على البال

ارجالنا تشرب دمي وفناجيل
وسلاحنا يأكل معدات ورجال

فلاح القرقاح

[🇸🇦 @Rqqe_1]

امّا سرحنا وانتعشى المضاريب
ولا سرينا تحت ، غره قمرنا

وليا بدا اللازم فلا يمكن نغيب
ونجمّل الّي ماحضر لا حضرنا

نشب ضارين على الطيب ونشيب
متجملين ولا الجميل يعسرنا

والى وردنا صافيات المشاريب
في جمة الماء ما رمينا حجرنا

وان طاحت الهقوات مثل المشاهيب
حنا مثل ولد الكحيله طمرنا

[يزيد الفوازي @Ya2eed]

الدمم يطبخخخ بالوريد
ماعاد فيها ربمااا

اضرب بيدٍ من حديد
اضرب ومن لامك عما

زنبيل متسيد عبيد
في كل حضنٍ ارتما

مافيه شيطانٍ مرررريد
الا معاااااهم احتماااا

اضرب لجل دم الشهيد
اضرب من ارض ومن سما

اضرب عسى عمرك مديد
الارض عطشانه دمااا

الحلم معهم مايفيد
والصبر مايقطع ضما