انا الحزين الحزين اللي عليه الكلام
وأنا الغريب الغريب المغترب بـ وطنه
وأنا الي أقصى طموحاته يعيش بـ سلام
فاقد شعور السلام الداخلي كم سنه
بعض الليالي مامرتني مرور الكرام
احداثها مُحزنه وامراضها مُزمنه
ياصاحبي صاحبك ماهو على مايرام
الحزن مثّر على نفسّيته وبدنه
خذتك الظروف ورحت وادري ماهو برضاك
وانا رحت اراجع ذكريات أجمل سنيني
لاتوجعني بكلمة (فديتك) فداك اعداك
ترى فيني من فراقك اللي يكفيني
على كثر ما مرت ليالي على فرقاك
إلى الان وانت أغلى المخاليق في عيني
تطري علي واشتاقلك واتمناك
والقاك حلمٍ من بعض ذكرياتي
انا ادري اني صرت ماني وياك
لكنك احلى حلم مر بحياتي
من عا��رك ماظنتي بيوم ينساك
مهما تغيب تكون لي مثل ذاتي
واصعب مواقف دنيتي يوم فرقاك
فيها عرفت انك تساوي حياتي