حمد بن قريان $ بارووود $

الحساب الوحيد للشاعر / حمد بن قريان العجمي رحمه الله بإدارة فهد عيد الغصاب

[حمد بن قريان $ بارووود $ @ibngrayyan]

يامير منزالٍ عسى تهتنيبه
لا رايعك فاله ولا فيه ترتاع

عين الحسد تعما قبل لا تصيبه
ونفسٍ تشل الشر بعروقها ماع

نبغيه حزات الخطر نلتجيبه
ولاّ مسايير مع زين الأوضاع

عندي خبر ما حط مجلس شبيبه
هل صفقت البيلوت ياتونه أتباع

#شعر

[حمد بن قريان $ بارووود $ @ibngrayyan]

والعلم غير العلم خطّه وحبكه
تمسي على بابك ثلاثين حارس
أقرب قريبن لك يروعك بدبكه
وص الحرس يدبل عليك المتارس

#شعر

[حمد بن قريان $ بارووود $ @ibngrayyan]

وجودي وجود اللي . شرا كل الاسهم دين
رهن صك بيته . من هل البنك مدّين
خذا سلفه . بمليون وأرباااحها ميتين
وهد الوظيفه . عقب ما راتبه بيّن
عقب سهم ابو خمس اميه. السوم بالخمسين
وقرّب سداد البنك . ماعاد به هيّن

#شعر

[حمد بن قريان $ بارووود $ @ibngrayyan]

#شعر

[حمد بن قريان $ بارووود $ @ibngrayyan]

سوالف الخبلان .ماهي تلوقي
السّالفه . ياتيلها مع شنقهاا

يكسر. ويجبرها. ولاهو صدوقي
كثر المجامل . بالسوالف محقها

ولّى القروم . اللي تعرف الحقوقي
له كلمتن . محسوبتن لانطقها

هرجه يشوق .وكل طبعه يشوقي
طينة بشر وحده . وربي فرقها

[حمد بن قريان $ بارووود $ @ibngrayyan]

@faisalkfd يا هلا
نعم هو الشخص المعني
الله يرحمه ويغفر له

[حمد بن قريان $ بارووود $ @ibngrayyan]

وجودي وجود اللي حبيسن ورا الشباك تذارف دموعه كل ما شاف شيبانه
عليه الحكم صادر بمرسوم من "ذولاك" ترقّب قصاصه والوساطات تعبانه
على واحدن لامر صاب الضمير ارباك
أسلّم عليه ويستمع ورع جيرانه

[حمد بن قريان $ بارووود $ @ibngrayyan]

لا تطاوع ذاك . لا شبع ونهق
---- يكرم السّامع .ترا ماهو رفيق
جعل وجه اللاش . لخدوش البهق
- - ون رقد . خطوات ليله ما يفيق

#تدل_دربها

[حمد بن قريان $ بارووود $ @ibngrayyan]

من باب نجران كل القاع بنكمه
لاقصا حدود الكويت نعرف أساميها
بشت يلف الجميع وراهي كمه
لا زعزعو يام وش حيلة ملاقيها
قدها مزاحم بخير وشر دردمه
أصواتكم يا سلايل يام نبغيها
لاخير في لحية اللي محترك دمه
يفخر بجنسيته واليوم مخفيها
٢-٢ حمد
#العجمان

[حمد بن قريان $ بارووود $ @ibngrayyan]

تكفون يا ربعنا بالعزم والهمه
حاجاتنا يا سلايل يام نقضيها
تكفون يا ربعنا ذي حزة اللمه
والفزعه اللي بعيد الدار يرجيها
تكفون يا ربعنا وأنتم هل القمه
قمة زماااام الوفا يا عز ناخيها
تكفون يا ربعنا ما أنتم بشرذمه
فوق أربعمية فخذ يام عزاويها
١-٢ حمد
#العجمان

[حمد بن قريان $ بارووود $ @ibngrayyan]

في يوم عيد الوطن والسوبر الفضي
حسبي على سايقه واللي على بابه

أنا إحسبن وقفته يابجاد من حظي
إثر البثن . يا رفيقي صابني نابه

من خشف ريمٍ دلع والدرب مكتضي
يومي براس العلم . ويقذ بأهدابه
بارود

#اليوم_الوطني_السعودي

[حمد بن قريان $ بارووود $ @ibngrayyan]

وجودي وجود اللي كبيرن . تزوّج تو
خذا بنت عمّه. عقب ما شاب بالقوّه

خذاها عقب حجري. وسوّن تقافا سو
وجازااه ربي حسب جبروته وسوّه

يبي له ولد منها .لعلّه يشب الضّو
يسمّيه بسم ابيه . والوفق يا شوّه

فلا الله كتب له صيب. والحيل مامن قو
ضربه الشّلل . وانحا من الجرف في هوّه
#شعر

[حمد بن قريان $ بارووود $ @ibngrayyan]

يا شيب عيني . في زمنّا غيااره
بان إختلاف وقوتناا . في زمنهاا

راح الكرم .والطيب .واهل الشّطاره
واللي بقاا . ماا تملي الكف منهاا

اهل الوفا . ومشهّلين المناره
ملفا الضيوف . وعون منه زبنها

قبورهم قدها نثايل جحااره
الدود . باد عضاامها مع كفنها

#شعر

[فهد الغصاب @falghassab]

ليت الركايب يا علي ما مشووبي

[حمد بن قريان $ بارووود $ @ibngrayyan]

سهيل . قرّب والعرب له إتعدّي
نجمن . وباسمّيه. شيخ البدااوه

إيولْه شيخن . ما على ذا تعدّي
له حسبته عندي . وكل الحفاوه

باقي عشر دونه . بحسب التقدّي
تاريخ بن بسّام . عرف ودهااوه

نمشي على حسابه من سنين جدّي
وبينه وبين الغير. خمسن فضااوه

#سهيل

[حمد بن قريان $ بارووود $ @ibngrayyan]

وا الياس منّه . تزعله هرجة الهرٌااج
وباقي الطيور. اللي بقت دجّه بدجّه

وجودي وجوده. صوب من عقّبو الأفلاج
على سوبرن . توّه جديدن تحت رجّه

ينوّون لأبها .عقب حر الخبر. وأزعااج
حدتهم رطوبة ساحلن. جات منهجّه

٢-٢
#شعر

[حمد بن قريان $ بارووود $ @ibngrayyan]

وجودي . وجود مضيّع الطير يافرّاج
حِذف دون ريشه. وإقتفا الخرب باللّجه
لقوها مسيّانن . عقب شطّه ودوٌاج
وهدّو . فوت ربكت شفوقن وبه سجّه
بقاعن . تشادي لمحوا نقرت الوجّاج
وقرّب مغيب الشمس.لجهازهم صجٌه
وعشّو . مثل ماهم وفيهم عليه خلاج
ومع الفجر الأول هب شعفن وبه عجّه
١-٢
#شعر

[حمد بن قريان $ بارووود $ @ibngrayyan]

#سهيل

يا سهيل نجمك كل ما أسفر وضوى
يطري على ذهني كثير الطواااري

[SMK @smk9558]

@ibngrayyan الله يرحمه ويغفر له ولكل مسلم
الأخ/ بارود من الشعراء اللي يوصفون الطيور بتمكن ووصف دقيق بحكم الشاعريه والهوايه رحمة الله عليه 💔

[حمد بن قريان $ بارووود $ @ibngrayyan]

لو تنطوي الايام طي الدرابيح
سرّعتها لعيون طير الفلاحي

حمر مغاتيرن زبون التماديح
عاري بدن ثنون شنارٍ لحاحي

الراس كاشف والمناكب مزاويح
عن فرسته والعين قلتة مداحي

قحوف عينه مكهفاتن مدابيح
عاتق ومنسر والثنادي رجاحي

بقياس من لمّه بمتر المرابيح
صافي ظهر والكف موتٍ ذحاحي
#شعر