لام 🔍

An old person with a new life 🪐———24/7——— lawyer⚖️

[لام 🔍 @ic_l8]

الليل طال وعذبتني الهواجيس
والنوم عيّا لا يزور المحاني

أقلّب الذكرى بوسط الكراريس
وأبكي على عمرٍ مضى ما صفاني

يا ليت لضيقات الصدور المقاييس
وأعرف مدى حزني وغربة زماني

[لام 🔍 @ic_l8]

نوم العوافي يارفيق الشدايد
دام الشدايد في حضورك عوافي

[لام 🔍 @ic_l8]

اول مره بحياتي ما اتحمس للعيد
الناس تفكر وش تلبس وتكشخ

وانا كل تفكيري معقوله يجي
العيد وانا بقلبي كل هالحزن؟

[لام 🔍 @ic_l8]

قضيت عمري بين هدبان وهديب
و رويت ريٍ ما رواه البخاري

[لام 🔍 @ic_l8]

الروح شابت .. والجسد بـ العشرين
من جور دنيا .. ذوقتني لهبها

ما عاد يغريني .. طول العناوين
أحلام عمري .. واقعي قد نهبها

[لام 🔍 @ic_l8]

لي مدةٍ وانا عن المجتمع صاد
اخفي طعون الصدمه اللي تموت

عفت العرب والدار والنوم والزاد
واقنعت واخيام الهقاوي تطوت

الفرصه اللي خير من الف ميعاد
فاتت وهي مفروض ما تتفوت

وامسيت اردد كل ماوحيت نشاد
الله على الأيام و شلون سوت

[لام 🔍 @ic_l8]

سلام عليكم أما بعد :
عندما يعجز الإنسان على إخراج ما بداخله يلجأ للعزله والهدوء لدرجة أن لا شيء

وقيل على سياق ذلك

بدا يعيش الخوف في قلب الشجاع
وبديت أمل من الحياة الفانيه
والمشكله مدري متى يوم الوداع
ومدري متى يوم القطوف الدانيه
لكن على طاري ضياع وماضياع
انا بديت أضيع مره ثانيه

[لام 🔍 @ic_l8]

ويقول الشاعر :
بعض الحزن ما له ملامح ولا ناظر
يسكن عيونك وانت ما بين الأرواح

والقلب لو ضاق الزمان انكسر ناظر
حتى الحكي يضيق والبوح ينزاح

يا ليت صدرٍ كاتم الهم جابر
ولا قلبٍ يشتاق ويجرح بجراح

[لام 🔍 @ic_l8]

مرحباً أما بعد :

الحزن اغلب الأحيان يسيطر على ابن آدم
يجيك تكاك مفاجئ ما تدري من وين جاء
بعضها لها أسباب وبعضها بدون أسباب
أحيان تقدر على كتمانه واحيان يبين في عيونك

[لام 🔍 @ic_l8]

جتني مشاريهك البارح وانا البارح
اقدر على الرد لكن يومها جتني

حنيت من الكلام الموجع الجارح
وسكت وانا ماعاش اللي يسكتني

[لام 🔍 @ic_l8]

قال علي بن أبي طالب : رضي الله عنه
اذا وثقت بشخص وجعلته كل شيء في حياتك فهذا الشخص اما ان يكون معك للأبد واما يعطيك درس لن تنساه ابدا .

[لام 🔍 @ic_l8]

ما انكر اني في بحر حبك غريق
ولا هويت من البشر شخص سواك

ولا انكر اني كنت لك دايم شفيق
وامشي في شفك ومطلوبي رضاك

يا غرام الامس ماني لك صديق
انت قصة ياس غطاها حلاك

رح فمان الله كل له طريق
فقت وشمت ولا ابي شي معاك

[لام 🔍 @ic_l8]

ليت رد الجمايل مثل رد السلام
لكن الله جعلها مثل دين وقضى

كنها في يدين اللاش برد وسلام
وكنها في يدين الحر جمرة غضى

[لام 🔍 @ic_l8]

" يستطيع الإنسان أن يحترق، وهو جالس إلى جوارك، دون أن تلحظ ، في الشارع أو وسط المقهى في بيته بين أعداءه أو أحبته، ولا يترك ذرة رماد على المقعد، تلك هي أزمة الإنسان، منذ أن أدرك كم لهذه المخابئ في جوفه أن تسع" .

[لام 🔍 @ic_l8]

أنعست عين الغلا والهوى هدا
هانت الأيام والملح والعشره

وابتديت تشوف نفسك وتتحدا
وانت ما كنت تتغلى ولا تشره

غلطة اللي بالمحبة اخذ وادا
واعترف لك بالغلا وابصمت عشره

الهوى جاب الغلا والهوى ودا
وانت وجروح الزمن بالحشا خشره

والله أنك بالغلا فارق جداً
مثل فرق الابتسامة عن الكشره

[لام 🔍 @ic_l8]

ما الله كتب لي فيك حظ ونصيب
الواقع اصدق .. من ياليت وربما

حتى لو ان احساس قلبي مايخيب
سفك الشعور اشد من سفك الدما

والغيمة الي تاخذ شوي وتغيب
ما تغري الا الميتين من الضما

احيان حتى اللي تحس انه قريب
يمكن يكون ابعد عليك من السماء

[لام 🔍 @ic_l8]

الله برزق على غفله من الحساد
مدة كريم تجود الناس من جوده

رزق يجي دون تخطيط ولا ميعاد
دعوة مصلي دعاها لحظة سجوده .

[لام 🔍 @ic_l8]

أحيان تضطر النفوس إلى أستخدام الوهم كـ طوق نجاة ينتشلها من وحل الواقع مؤقتا حتى إشعارًا آخر .. توافق هذا المعنى العميق مع بيتين لـ سعد علوش يقول :

اختبي خلف الخرافه كل يوم
خايف أشوف الحقيقه .. وانصدم

الشعور اني من الحق محروم
افضل بواجد من شعور الندم .

[لام 🔍 @ic_l8]

عبد الله السراهيد
متحدثا عن معضلة الإنسان الأزلية :

القليل " يبينه " لـ الناس حوله
والكثيير اللي عن العالم يدسه

والله إن كل الكلام اللي يقوله
ما يجي ربع الشعور اللي يحسه"!

[لام 🔍 @ic_l8]

أقول الوقت باكر يلتفت لي
وأشوف الوقت في همي نساني

تركني تايهٍ محتار مدري
أفكر في الدقايق والثواني

أهوجس كيف دنياي أغدرت بي
وأهوجس كيف غرر بي زماني

زماني قد عطاني كل ما ابغا
وفجأة جا بلا موعد خذاني

زماني يوم عاهدني ومنته
بلا ذنبٍ خدع ثمٍ رماني