Khaled Hussein

instagram: khaled.husseinn

[Khaled Hussein @ichkhaled]

مفيش حاجة اسمها هنلحق نلم المنهج يا علي

[Fo2sh @Afouad0583]

الجنيه دلوقتي

[☔ @Whotfismick]

All of this… just to die

[Mustafa Dagher @mustafadagher]

شباب، بعد ٦ سنين في الغربة، ومع أي مساوئ وتحديات ممكن بتواجه الواحد لحد دلوقت، أنا مش متخيل إني ممكن أقدر أرجع أعيش في مصر تاني!
كل واحد ظروفه مختلفة عن التاني أكيد، بس مصر كابتة للحرية وكاتمة للنفس. أول ما هتتعود تشم نفسك بحرية مش هتعرف ترجع تكتمه تاني!

[🐳 @farfar_w_awlado]

من شخص بقا متغرب ١٠+ سنين وعايش مع آلات، الكلام دة في مصر بيدوِبني. حتى لو مش مقصود، بس بيحسسني إن فيه تعاطف بين البشر. حتى ى ى ى لو بنقولها من باب التعوُد، بس هي جزء من الثقافة بسبب ان احنا في الأصل فعلاً شعوب دافية وحنينة وإجتماعية. "خلي" و"من عينيا" ومشتقاتهم وما شابه

[Ahmed Alnagdy @ahmedalnagdy18]

الفترة دي حاسس إني تايه ، مش كويس ولا مبسوط بس بعدي يومي وخلاص ، حاسس إن فيه حاجه نقصاني وإني حابب أكون لوحدي بس مش عايز أفضل لوحدي ، مبقتش أصدق أي حد وثقتي فـ الكل تقريباً بقت شبه معدومة ، أنا عايز أرجع لنفسي وشخصيتي القديمة فـ راحة البال بس والبساطة إللي كُنت فيها .. ، أنا فعلًا تعبت.

[أمجد 🇪🇬 🇩🇪 @der_migo]

منتكلمش عن الاكس طبعا 😅، مرة جت سيرة ان الاكس شعرها كان قصير وانا كنت قايل لمراتي اني بحب الشعر القصير 🤣، كل اما تعدي واحدة شعرها قصير او في مشهد في التلفزيون مراتي تقولي عجباك طبعا عشان شعرها قصير!🤦🏽‍♂️ غلطة واخدة هتفضل تطاردك حتي تحترق النجوم.

[Ahmed Alnagdy @ahmedalnagdy18]

خلينى أعترف أنه حرفياً من أغبى المعتقدات اللى تبنيتها فى حياتى هى " لو اتعاملت مع الناس Direct وبقيت واضح وصريح العالم هيتعامل معايا بالمثل" والحقيقة أن دة محصلش إطلاقاً، كل مرة كنت واضح وصريح فيها مع حد حرفياً استغل وضوحى ضدى.
كل مرة هتقرر فيها تبقى حقيقى، مش متصنع، تتعامل من غير لف ودوران، هتلاقى العالم بيرزعك على دماغك علشان يفوقك.

[هَرَمْ @1DeDios13_]

متسألش، متحاول تحضر أسئلة، متحاولش تكتشف حاجة، متبقاش زي الطالب الغبي اللي بيحفظ الأسئلة قبل ما يدخل الامتحان..

اقعد ودردش عادي وسيب flaw الحوار يوديك ويجيبك، ده بيحتاج معدل ذكاء اجتماعي عالي زيي كده بس برده قابل للتطبيق مع المتوسطين بنتايج اقل جودة.

[Abu Dorgham @KM_Dorgham]

انا بحب الشركه دي عشان العبث دا والله ❤️

[Khaled Hussein @ichkhaled]

خلاص ما بقاش عندهم اي حلول غير انهم يحطوا ايدهم علي فلوس اللي قرروا يطفشوا من البلد عشان يبقي حرفيا استنزفوا اللي عايشين جواها و براها كل يوم بيخلوا الواحد يسأل انا ليه اتولدت في البلد الوسخه ديه

[قاسم @Al_Qasem]

ما تدفعوا عشان البلد متغرقش احنا حرفياً داخلين على مجاعة — الدفع مالوش علاقة بالمجاعة، والفلوس اللي هتدفع مش هيتجاب بيها أكل، هيكمل بيها لعب في المكعبات بتاعته! https://t.co/tnEt0y716E

[Haitham El-Tabei التابعي @Haithamtabei]

الحاجة المشتركة حاليا في اي قعدة شباب (ولاد/بنات) بين ٢٠-٤٠ سنة في مصر باختلاف مستوياتهم الاجتماعية او مؤهلاتهم التعليمية او وظايفهم (حكومية/قطاع خاص/بيزنس) …. ان الكل محبط و "بيدور على سفر برا مصر" …. الكل هنا مش تعميم دة للاسف وصف دقيق.

واقع مرعب.

[Khaled Hussein @ichkhaled]

عظيم والله ❤️

[𝑹𝑨𝑵𝑫𝑶𝑴 𝑴𝑼𝑺𝑰𝑪 @Musical_721]

إبقى إسأل عليا يا محمود
متعملش زيهم وتنسانى..
zheimer (2010)
Salam Ya Sahby (1986)

[Sehs 🇵🇸 @Ahmedhuseein12]

Missing summer ☀️
quote with your fav summer pic

[odd @cool_shahd2]

امبارح ماما قالت لحمزه بعد ما عصبها " لو مش ناوي تذاكر وتتعلم قولي وانا اوديك تتعلم صنعة واهو تبدأ من بدري -حمزه ٤ ابتدائي- والشغل مش عيب" فهو سكت كده وكان يبدو عليه الندم، النهارده لقيته داخل عليها يقولها انا اخترت اشتغل حلاق😭😂😂😂😭😭😂😂😂😂

[بلال البخاري @BelalElbukhary]

بحس إن مينفعش الراجل يتجوز قبل ما تمر عليه فترة في حياته يكون استقل فيها بنفسه وعاش حياته لوحده بدون أهله، لإن في بديهيات هتلاحظها ومكنتش واخد بالك منها وهي مثلاً إن القمامة مش بتترمي لوحدها، و إن تحضير الفطار و الغدا و العشا أصعب بكتير مما كنت تتخيل، و إن للأسف مفيش تعويذة ما علشان تلاقي البيت متنضف و المواعين مغسولة لوحدها، وإن محدش هيخيطلك هدومك أو يكويهالك غير نفسك - إلا اذا كنت رايح جاي على الدراي كلين-، حتى مشاعرك أنت محتاج تهذبها بنفسك وتفكر ازاي هتتعامل معاها.

في ظني الوعي بالأمور دي على الأقل بتخفف من النظرة السطحية اللي قد ينظر ليها البعض لأهل بيته في إن ده مجهود طبيعي وأي حد ممكن يعمله بسهوله، ده غير فكرة إنك تبقى مؤهل لتدبير شؤونك العامة أو الخاصة إذا اتحطيت في أي ظروف.