دحّيم

مالي ورى الناس شيء ارتجيه.

[دحّيم @idh94]

عزة النفس لو ما هي بتغنيك ترفع مستواك
عند رب البشر خيرٍ عظيم وغناه ومكرمه.

[دحّيم @idh94]

على الهون يازهرة شبابي وتو الناس
علام العمر يمضي والافراح منسرقه

تلّج الطواري كل ماذعذع النسناس
على واحدٍ بين العرب واضحٍ فرقه

شعور المسافة بين حبل الرجا والياس
شعور المسافر كل ما طالت الطرقه

[دحّيم @idh94]

اترك كلام الناس ومجادل الناس
طرد السوالف نقص عقل وجهاله

اغلب كلام الناس ماله ولا ساس
مصادر اهل الحقد واهل الظلاله

[دحّيم @idh94]

كل عام وانتم عايدين وفايزين
وارزاقكم وافراحكم متزايده

الله يعيده عند كل المسلمين
ويغفر لقلبٍ ماقدرنا نعايده .

[دحّيم @idh94]

ليِت الأماني كل ماجّت على البال 
يضحك لها الحظ الجميل وتحقق .

[دحّيم @idh94]

الناس ماتملك مفاتيح الارزاق 
قسمك يجيك وماقسملي يجيني .

[دحّيم @idh94]

تدور الليالي والمقادير خيل وجيش
ولولا الصبر ما كان رحنا ولا جينا

رمتنا الليالي في نعيم الطرب والطيش
وشلنا على ركب الهقاوي هقاوينا

طوينا سجلّاتٍ كثيره عشان نعيش
ما ندري إن سجلّات المقادير تطوينا

[دحّيم @idh94]

من يعيش التجارب شاف شيءً يهيل
وان لـقـى مـخـرجً له عاف مدخالها

قلت ابـقـول شيءً من خـفـايا قليل
وارخي الـكـف للـفـكـرة ومـوالـهـا

[دحّيم @idh94]

الرزق مكتوب والأقدار مكتوبة
لا تشغل البال بالدنيا ومافيها

احرص على طاعة المعبود والتوبة
وباقي أمورك ترى ربك يسويها .

[دحّيم @idh94]

المرجله درب العيال المطاليق
اللي على ساس المراجل تربوا

ولا الردي عايش زمانه تلافيق
من قوم لا جات الصمايل تخبوا .

[دحّيم @idh94]

اصبر على الدنيا وزيّنها تزين 
اليسر بعد العسر من عاداتها .

[دحّيم @idh94]

نعيش الحياة ومانبي الإ سلامتنا
لنا بالظـواهـر مالنا في خـوافيها

لو الناس في بعض القناعات لامتنا
ترى آهـم حاجـة فـ الاوادم مباديها

على كلّ حاجـة نصبـر الإ كرامتنا
هي الحاجـة اللي ما نساوم حدٍ فيها .

[دحّيم @idh94]

خلك كتوم و اخفي همك بضحكة
الله عطا والله أخذ والله كريم .

[دحّيم @idh94]

سولف كثر ما ودّك تسولف
والله أنك المرحبّا في كل ساعه .

[دحّيم @idh94]

رغم صكات الزمن ماني بـ نادم
زودتني عزم واصرار وجساره

والله إني ماخسرت من الاوادم
غير من كانت معرفتهم خساره .

[دحّيم @idh94]

يالله برزقٍ يسوقه ربي الوالي
ينعش به الروح واحلامي يحققها .

[دحّيم @idh94]

خلك وسيع البال وتحصل الخير
وخلك مع العالم حسين التعامل

وسامح رفيقك لا حصل منه تقصير
واصبر ترى مافي المخاليق كامل .

[دحّيم @idh94]

تعجبني الطنخه ويعجبني الطيب
وتعجبني عزوم الرجال القويه

ويعجبني اللي يجتلد كنه الذيب
هقوات راسه فالشدايد جريه .

[دحّيم @idh94]

من لا يحوش المرجله قبل لا يشيب
ويشوف بعيون الرجال احترامه

اصغر عيال الذيب يكبر وهو ذيب
وفرخ النعامه طول عمره نعامه .

[دحّيم @idh94]

الخطوه اللي ماتعزك بممشاك
لا تهتويها واقصر المشي عنها

لا صار ماترفع مقامك بدنياك
احذر تجاملها وترخص ثمنها .

[دحّيم @idh94]

من تعذر بالظروف وبالمشاغل
ماعلى وده مشاريه وحسايف .