فهد بن بجاد

شاعر الراية بـِ موسمه الثالث | تركتُ لهم التشابه واختلَفت .

[فهد بن بجاد @ifhd4]

« مستعد اقطف لك النجمه و اخليها زمامك
شاعرك حتى الفضاء من نشوته يقدر يهيمه »

[فهد بن بجاد @ifhd4]

@muh_20_ 🙏🏻🙏🏻

[فهد بن بجاد @ifhd4]

كل عام وأنتم بخير،
وعيد أضحى مبارك

أسأل الله أن يعيده عليكم بالصحة والسعادة والبركة،
وأن يتقبل منا ومنكم صالح الأعمال.

[فهد بن بجاد @ifhd4]

محبته ورثٍ من اجيال لـ اجيال
الكل منّا في عروقه نقلها 💛💙

[فهد بن بجاد @ifhd4]

@sultan_alhawali ارحب مليون يبو سعد ، والله يبارك فيك ياكحيلان 💛

[فهد بن بجاد @ifhd4]

" الكاس دونه صملة ابطال و رجال "

#النصر_ضمك

[فهد بن بجاد @ifhd4]

ياللي ترجّى غيرك وغيرك دريك
منت بـ على الدوري ولا انديته وصي

بدري عليك اللي تبي ، بدري عليك
قد قاله كحيلان .. ما فيه " معصي "

#النصر_ضمك

[فيصل بن تركي @faisalbinturki1]

تبي الدوري ؟ معـصي
الدوري للنصر كبير العاصمة البطل اللي خذاها من الملعب .💙💛

[فهد بن بجاد @ifhd4]

@Qhta10ni النصر مثل الشجاع الي يناطح الموت لحاله

[فهد بن بجاد @ifhd4]

من الآن إلى يوم عرفة:
ادعُ اللّٰه أن يعينك على حضور قلبك أثناء الدعاء، وأن يُلهمك اليقين التّام أن كل ما ترجوه من اللّٰه في أمر دُنياك وآخرتك لا يعجزه ولا ينقص من ملكه شيء ..

(ولله مِيرَاثُ السَّمَاوَاتِ وَالْأَرْضِ)

اللهُمّ بلّغنا يوم عرفة بلاغ رحمة وتوفيق وبركة، واجعل لنا فيه دعوةً لا تُرَد يا ربّ

[فهد بن بجاد @ifhd4]

🤍

[فهد بن بجاد @ifhd4]

@iSLTN3_ ولا اعدمك

[فهد بن بجاد @ifhd4]

من يقول ان المساء ماهو بـ يوحي
للجروح و للحنين ولـ اعتراضي

يعرف ان الصبر ما يسكن فـ روحي
يوم احاضي لي زمانٍ ما يحاضي

كل ذنبٍ عدته مْسجل فْـ لوحي
ما خذيت من القديمات اتعاضي

يا حمامه ما يمل الغصن ، نوحي
اسجعي وليا سمحتي لك فياضي

قلت لك روحي ، و انا ما اقول روحي
كان قصدي " روحي " بشكل افتراضي

بعدك سكاتي غلب ضحكة مزوحي
عن مشاوير الفرح صرت مْتغاضي

طاحت دموعي ، ولا طاحت صروحي
ليتنا يوم افترقنا .. بالتراضي

لا جبرتيني على سكة نزوحي
صرت اشوفك موطني فوق الاراضي

كل بيتٍ فيك يستاهل طموحي
والقصيد فـ غيرك اصلاً حكي فاضي

ماني بـ خايف من احساسي وبوحي
كثر ماني خايف تصيرين ماضي

ارجعي ، تفدا معاذيرك جروحي
لو رجوعك صوره فـ مخباي، راضي .

[فهد بن بجاد @ifhd4]

@4ix8il @sultan_alhawali 🙏🏻

[فهد بن بجاد @ifhd4]

رفيق صباي ، و ايام الشقى و التجربه و الخوف
انا يؤسفني انك تنتقل ما بين دار و دار

تحدينا الظروف ولا انثنينا و العيون تشوف
و اخذنا قسمنا يوم النشاما بين غار ونار

تجرى يارفيقي و اخذ حقك و التعب مخلوف
ولا تاقف مابين الشك والتفكير ، لاتحتار

لك اسمٍ يجعل الدنيا أمان وموقفٍ معروف
وفعلٍ ما يجاريه الثنا في مدحة الشعّار

مجرد معرفتك لحالها تملكني بـ معروف
اعرفك ماتغير لو تغير وقتي البوار

@9jilq

[فهد بن بجاد @ifhd4]

@sultan_alhawali تبقى يابو سعد ، والله يسلمك ويطول عمرك

[فهد بن بجاد @ifhd4]

@9jilq البقى يابو سلطان ..

وانت اخ وصديق وقريب ، والابيات تشرح مافي خاطري واللي بيني وبينك اكبر من هذا كله

[فهد بن بجاد @ifhd4]

لو طعت نفسي تهت في معمعتها
رديتها عن كل مطرود ملحوق

هذبتها .. حتى طغت معرفتها
و حشمتها عن سلعةٍ مالها سوق

و اسندتها .. بالتجربه و رفعتها
واخذت حقي .. فوقه الطاق مطبوق

و اجبرت نفسي تنزل فْـ منزلتها
عشان ما اشوف الرياجيل من فوق

[فهد بن بجاد @ifhd4]

@Plarrik_321 صح بدنك

[فهد بن بجاد @ifhd4]

@vi93ir صح بدنك

[فهد بن بجاد @ifhd4]

كثر ما توقف خطوتي في طريق الياس
ما اعرف اشتكي واقول للناس وش فيني

من الكلمه المره جزع خاطرٍ حساس
ولا عاد احب اللي بـ كلمه يواسيني

نويت انعزل .. و اغيب عن لمة الجلّاس
يكفيني ان الناس تقرا ، وتوحيني

اشوف الرحيبه تشتكي حزني ، ولا باس
عليها السلام .. ولا عليها عناويني

لو ان الدروب أحدّ من شفرة الامواس
تمثنيتها .. عن قولة انه ما يمديني

ماعاد اتمسك فالمحبه لـ بعض الناس
ما توث�� يديني غير في راحة يْديني

يعيش الذهول وتنقتل لهفة الاحساس
على ايامي اللي راحت بـ زهرة سنيني

يا كثر الكلام اللي كتمته ورا الاقواس
عشان البشر ما تلمح الحزن في عيني