.

[. @ig0o5]

ماعاد لي خاطر ولا عاد لي نفس
من صد صدينا و من عاف عفناه

[. @ig0o5]

صديت عنك وخاطري منك ما طاب
غصبٍ علي ان كان تبغى الحقيقه

ودعتك الله يابعد كل الاحباب
هذا النصيب وكل شخص و طريقه

[. @ig0o5]

الله يجيب اليوم الي اقول فيه
بعد الصبر نال قلبي ما بغى ❤️

[. @ig0o5]

اشتقت لك لو منت سائلٍ عن الحال
واشتقـت لك .. حتى لـو اني اكـابـر

[. @ig0o5]

ياليت مابه حب ومفارق احباب
ومافيه شوقٍ يحرق القلب حرقى

امر شارعكم و اوقف على الباب
ودموع عيني تغرق الخد غرقى

[. @ig0o5]

لا تعاتبني .. ترى ما على مثلي ملاّم
والحبيب اللي يغيب مايغيب بلا سبب

والله انك لو تحاول اني أحكي ألف عام
بسكت ولو راعد الشوق في قلبي ضرب

والغياب اللي تشوفه ماهو من قل اهتمام
الغياب اللي تشوفه شخص من همه تعب

لا تبرر والعذر مّا عاد باقي له مقام
شخص حبك مايبي غيرك ولو غيرك عرب

[. @ig0o5]

أهملتها ولكل مجتهداً نصيب
و ودعتها ، بعد الموادع ربها
-
من ناحيه أني بغيب أنا بغيب
ومن ناحيه ( أحبها ) أحبها

[. @ig0o5]

مديت لك عمري على كف يمناك
وغيرك على رجوى "هلا" مد عمره

نزعت بيبان " الثقل " غاية رضاك
وشرّعت لك قلبي ويا طول صبره

"ميّت شعور" وفز قلبي لـ طرياك
وأعرف شعوري ما يجي غير مرّه !

[. @ig0o5]

الماضي اللي راح ماعاد له جيّه
راحت ليالينا مثل طيف الاحلام

[. @ig0o5]

الذكريات بــ كل الاحوال تشقيك
مافيه روح من الحنين استراحت

تـحزن على ذكرى حزينه تـبكيك
وتضيق من ذكرى جميله وراحت

[. @ig0o5]

خلاص جزنا من المحبه وتبنا
وبعنا الغرام ولذة العشق بتراب .

[. @ig0o5]

وشلون أعالج جرح قلبي وأداويه
لا صار قلبي منجرح من طبيبه

[. @ig0o5]

كيف الطواري على بابك توديني ؟
و كيف المساري تسيّرني على بيتك؟

اخترت أعيشك ولا اخترتي تعيشيني
يا قصةٍ ينتهي عمري .. ولا انهيتك

جفّ الملام ، وتوارى الهرج في عيني
و متّ وحياتي فـ صوتك بس ما أوْحيتك

روحي .. وروحي على الاطلال ترثيني
قصيدةٍ تاصلك .. لو كان ما جيتك

[. @ig0o5]

يمكن مع الايام ياعين تنسين
جرح العشير الي مسبب ضياعي

[. @ig0o5]

شفتك بعد غيبه و حاولت احاكيك
مهوب من قلبي ولامن جراته

بغيت اقول فلان و ازريت انديك
وكني سمعت اسمي مع الالتفاته

فزيت من نومي وانا اقول لبيك
واثرك رويا في منامي وجاته

صفقت كف و قلت يا حلم يشويك
جددت لي جرحً هنى في مباته

يا اللي شريت البعد ما غاب طاريك
حتى لو انى البعد سوى سواتك

[. @ig0o5]

شفته ولا صدقت عينن تراعيه
الين فز القلب دونه وصدقت

دنقت خوف من العرب تلتفت فيه
ليته يتحس بوجعتي يوم دنقت

الله يسامح خاطري كل ماضقت
أثر الغلا ياثر على حال راعيه

حاولت أكابر واتناساه واشتقت
الوقت يكفل كل جرح ويداويه

" إلا الغلا جرحه مايبرى مع الوقت "

[. @ig0o5]

أنا و هو من دون ذكر التفاصيل
الصمت طال و ننتظر من يبادر

كنت أستعّد أنطق أشتقت حيل
و قبل أقول أشتقت شفته يغادر

[. @ig0o5]

لا وهنيّك ياقمر مرتفع فوق
وتشوف من ودي عيوني تشوفه

[. @ig0o5]

@i_mohq8 ممتازه

[. @ig0o5]

يالي نسيت المحبه ربك اولى بك
ماني بملزوم احبك وانت غشاشي

[. @ig0o5]

" جرحي عطيب ورقمي ماتدقونه "
واخفيت جرحي ماودي شخص يدرابه