ّ

[ّ @ii2ji]

لاعاد تنتظر رجعتي ولاعاد تحتريني
وخلك كفو على الصدات وأحتملها

بنيت لك قصور الود براحة يديني
وعطيتك حياتي وقلت خذ وأستلمها

كنت حاجه اشوفها كل شيء بعيني
واليوم تمر قدام عيني ماتلفت نظرها .

[ّ @ii2ji]

أصد عن بعض الخطأ والتفاهات
اللي تضيع وقت من خاض فيها

ودك ترتب قائمة للعلاقـات
وتحط مجموعة ما يشره عليها .

[ّ @ii2ji]

ما عادت تفرق حلُو الأيام من مرها
طابت خواطرنا من الدنيا و عّافت .

[ّ @ii2ji]

ما عاد بااااقي عذر واااحد و يشفع لك
ما دااام ناااار القهر . . و البعد قد شبت
ㅤㅤ
و من داافع التجربه حبيييت اوضح لك
لا شامت النفس عافت ضعف ما حبت .

[ّ @ii2ji]

نعيش وننسىّ ماعاد يهمنا احد
دنيا جابتهم تجيب اطيب منهم .

[ّ @ii2ji]

اعيش في فتره تصالح مع الذات
ماعشتها قبل كذا في حياتي

ارتحت يوم اجاوب الناس بسكات
ويرتاح مثلي من يسوي سواتي

شفني وانا مقفي ماحب التلفات
لو ألتفت ضيعت كل أمنياتي

معاد ابي غير الرضا والسلامات
ومع السلامه والبقى في حياتي .

[ّ @ii2ji]

فيّ مثل هذه الأيام ، يتحقق ليّ قول ابن عون :
" فـي معزلٍ عن جميع الخلق وازعاجه
ما اسمع من الناس ولو تكثر لجالجها " .

[ّ @ii2ji]

اللي يبي يرحل ترى الباب مفتوح
ماني بشاري خاطر انسان مرّه

ما عاد تفرق من يجي ومنهو يروح
بس المهم من راح يكفيني شره .

[ّ @ii2ji]

أضحك وخلك . . لوجه الله متوجه
والمجتمع . . لا يضرك كثرة أزعاجه

أطلق صراح الزعل والضيق والصجه
وأرفع كفوف الرجا . . للخالق وناجه

خذ لك عن الحزن في جو الخلا سجه
حاجتك لله . . ومالك في البشر حاجه .

[ّ @ii2ji]

أعصابي التالفه ، صارت محطة عبور
ان مرها شيء عدّا .. ما ألتوى كاحله

لفيت وجهي أدوّر في ظلامي .. لـ نُور
وفتحت بيباني اللي من سنه قافله

مدري تساوت بعيني ولا قلبي صبور؟
عيوني لو شافت العثرات ، متفائله

والذكريات الكثيره من صور او عطور
خلتني " ما ألتفت " للعالم الراحله .

[ّ @ii2ji]

الرحابه . . يوم أدور للرحابه
يوم صدري ضاق بالجرح وزهابه

والله إنها عند ربي جل ربي
ما قفل عن حاجة المحتاج بابه

ادلهي ياعين ويانفس استكنّي
الليالي غيبها . . ما يندرا به

ما تضيق الا وعند الله فرجها
والعجاج الصلف تقفاه السحابه .

[ّ @ii2ji]

أخترت روحي في زحام العلاقات
وقويت مع روحي تفاصيل روحي

لا أحاتي الآتي و لا اندم على الفات
أتبع خرايط رسم ربي بـ لوحي

اللي رسم هالارض تحت السموات
وكلت مكتوبه يلوّن صروحي

للـ مرحبا حشمة و خاطر وقفات
وللـ بالسلامه جعل دربك سموحي .

[ّ @ii2ji]

سمحت من أنتظار المرسال ورد المراسيل
لا فادت رسايل أنكساري ولا المرسال فاد
⠀⠀⠀⠀⠀⠀⠀⠀
عسى ماجرى دفعة بلى والخيره فالمقابيل
وعسى وقتٍ جمعني بك ينذكر ولا ينعاد .

[ّ @ii2ji]

على الزعل والضيق حنّا كبرنا
ماعاد فيه أشياء تستاهل الضيق

واذا اعتزلنا الكلّ محدٍ جبرنا
العزله أصدق من وجيه المخاليق

حتى على صدّ الحبايب صبرنا
الحلم لولا الصبر مافيه تحقيق

من كثر خيبات الحياه أعتبرنا
العمر لحظة والليالي توافيق .

[ّ @ii2ji]

والله ان مالي ورى من تجاهلني لزوم
لو وداده مثل خضر الفياض الغايمه

كان له نفسٍ بخيلة لي نفسٍ تشوم
لا تغرّه روحي اللي عليه مهايمه .

[ّ @ii2ji]

اصارع شعوري اللي فاقدهَ .. من زمان
ودي ولا ودي / وفي الحالتين معذور

احس به كل مَا مريت نفس .. المكان
مجي نفس .. المكان يرد نفس الشعوُر .

[ّ @ii2ji]

احذر جائع النفس إذا شبع ، والواطي إذا ارتفع .

[ّ @ii2ji]

الوقت مايرخص قدر غالي
الناس بأفعالها تخسر قدرها .

[ّ @ii2ji]

رحم الله من رحلوا لدار أفضل من دارنا ، وطابوا في جنة الفردوس نعيما اللهم ارحم جميع موتانا وموتى المسلمين رحمه واسعة واغفر لهم يارب العالمين .

[ّ @ii2ji]

22/3/2023

الجنه يَ الله مع من ابكتني الحياه بمُوته وانكسر قلبي برحيله .

[ّ @ii2ji]

رحم الله من كان ينتظر معنا بشوق ليالي رمضان والأن ينتظر منا في قبرِه ابسط الدعوات , اللهم آنسه في قبره وأجعله في مساكن جنتك آمناً مطمئناً يارب العالمين .