ّ

مُبعثر

[ّ @ii8u1l]

اللهم ارحم عبدك عمر و اغفر له واجعله من الضاحكين المستبشرين بالجنه اللهم املأ قبره بالنور يا ارحم الراحمين ❤️❤️.

[َ @Nudosr]

أثرك يا حلو النبا ——— ما تبينا
وكلامك المعسول ماهو من القلب

ولو مانجيك و ننشدك ما تجينا
وتحس لامنِّك توددت بالغلب

ونظام // لا منّا خذينا عطينا
يقلب مفاهيم الوفا والسنع قلب

ونظام نزعل لا زعلتو علينا
هذا النظام اللي يقولون ابو *** :)

[َ @Nudosr]

كِنت أسلم على قبر الغلا و الشعور
غير دوَرَهْ للأجر ! ما كنت أدور حصيل

لأني أعرفك أنت / و ساكنين القبور
هجركم لا يجوز و ردّكم مُستحيل :)

[َ @Nudosr]

حبيب العمر ؟ و الدنيا وصال و بين
رضيت بـ حِكمة الله.. وين ما تاتي

أنا الـ آسف على كِلّ الخطايا لين
غلطت و هِمت بك ياعزّ غلطاتي

معك كم أنكسر خاطر وهلّت عين
وكم شاب العتاب و ذاب بـ سكاتي

ولكن مانسيت و قلبي المسكين
يحبِّك رغم دمعي و إنكساراتي

على سكّة فراقك أنقسمت ثنين
من اللي بعد عينك يجمَع شتاتي ؟

عقب ما كنت أفاخر بك على الحيّين
بكيتك كنّي أبكي —— آخر أمواتي

كأنه ضاع من عمري عمر و سنين
بعد فرقاك يا أجمل مـحـطّاتي

هدوء الليل مُزعج والحزن سكين
وطواري الفقد ريحٍ صرصرٍ عاتي

وكلام العقل مثل الشكّ و التخمين
خسو ! مانقصو من حبِّك فـ ذاتي !

وعدتك والوعد بـ لسان مثلي دين
لـ ابلل صورتك / من حاتمياتي

اببكي من فراقك لين اعود طين
او اتشكل سحابٍ يمطر آهاتي

أحب أحزن عليك ولا اغبِط السالين
« أنا السلوان ما هو من أولوياتي »

حبيبي ما خلص حكيي ولكن وين ؟
الاقي صوت يحكي عن معاناتي

قِصَر حبل الكلام وطال عمر البين
وهزل جسم الوصال وجزلت أبياتي

وشفتك في طريق الصح شوف العين
ولا كنّك غلط ——— يا أعز غلطاتي

عزاي اللي مصبرني الين الحين
بقايا وجهك الي عمّ وجهاتي

أبي طيفك يذكّرني لـ يوم الدين
معاناتي بذكرك.. من ملذاتي

وقفت بـ حيرتي اسأل عن البعدين
اخاف اليا دعاك البال؛ ما تاتي

[َ @Nudosr]

لا زلت أقول الحيّ بيصادف الحي
رغم إني أواجه معاك / ألف عدّة

قيدين في رجلي، وقيدين فـ يديّ
وبيني وبين الوصل عشرين شدّة

وش اللي مجلّس طيوفك حواليّ ؟
وأنا مسافر —— روحه ابدون ردّه

تبعتني لندن
وبيروت
ودبي
ورحلة رياض كويت ! وكويت جدّة

إن كان مرخصني من العام ؟ لاشي
« يقدر يحكم الهارب من المودَّه »

[َ @Nudosr]

الحزن؟ يبقى حزن / ما لم ينفصل
والجرح؟ ما هو جرح ما لم تلمسه !

جاوب على الرقم الغريب المُتصل
ما ضيّع العشّاق غير الوسوسه :)

[َ @Nudosr]

عرفت هالحين وش فرق الخطا والصواب ؟
وعرفت هالحين وقع الكلمة . . . الساخره ؟

عشان ماشوف وجهك في نهار الحساب
تراك مسموح ——— فالدنيا وفالاخره ؛)

[َ @Nudosr]

عزالله ان الحب؛ علقم وسكر
وعزالله ان طبه وعوقه؛ طبيبه

يضبط مزاج اللي مزاجه معكَّر
ويخلي النفس الرضيه غضيبه

بدايته مثل العفو والتشكر
ونهايته مثل الجحيم اللهيبه

على نهايات الطريق المسكر
أوَّل محطات الجفا والمغيبه

حبيبي اللي عادني فيك افكر
ليه البدايه والنهايه غريبه ؟

نتايج أسباب الفراق المبكر
ياسيد القلب ورجاه ونصيبه

قلبي تغير من جفاك وتنكر
والقلب لا منّه تنكر مصيبه

لو تجتهد وتذكره ويتذكر
ماعاد ترجع ياحبيبه حبيبه : )

[ِ @ajm1ii_]

انا ابخص الناس واعرف المقابيل زين
لي قلب لا شاف من يستحقرونه ثقل

حتى وأنا اللي يعرفوني ثلاثة .. اثنين
أحيان ودّي لو اللي يعرفوني .. أقل
— مشاعل عبدالعزيز

[ــّْـ @UsernameSrmdi]

يا ليتها ما تمادت بـ النقاش العقيم
وهي تدري إني ببكيها / وبكيتها !

مدري ورا الصدق طلّعني بشكل اللئيم
« وأنا أكثر إنسان صادق يوم حبيتها »

[ٌ @ajm7i]

كل عام وانتي قصيده ما لحقها ملام
من اول العيد لين اخر حدود السنين

كل عام وانتي حكاية كل ليله وعام
لو يختصرْك الشعر والشاعر بكلمتين

عليك من شاعرٍ غنّى لقلبك سلام
لو ما حصلّ له سلامه بين شامه وعين

لفّي من الغيم ثوب وزيدي الابتسام
انا اوّل انسان يحضن غيمه ونجمتين .

[َ @Nudosr]

حزمت في قلبي تفاصيل ذكراك
وحددت للفرقا من العام ميعاد

واخترت تاريخ مميَّز لعيناك
تاريخ فرقا كل مامت ينعاد

في يوم ميلادك تعمَّدت فرقاك
« أبغيك تذكرني مع كل ميلاد »

[َ @veteranskyz]

«صديقي ، صّاحبي ، غُربة شعوري ، موطني ، منفاي
حبيبي ، لوعتي ، جرحّي ، خفُوقي ، جنتي ، ناري

فخامة سيدي ، صاحب جلالة خافقي ، مولاي
أمير الشوق ، لا صاحب سموّه ، وأجمل أقداري

تراتيل الغلا ، سيّد جروحيّ ، مُختصر معناي
سيادة هاجسي ، منبر حروفي ، جرحي العارِي

شواطي غُربتي ، صمت إغترابي ، مُنتهى دنياي
موارِي بسمتيّ ، ضحكة حياتي ، موطن أسراري!

نهاياتي ، بداية منتهاي ، و مُنتهى مبّداي
مصيري ، حاضري ، قصة حياتي ، موجز أخبارِي

أحبّك يا كثر ماقلت أحبّك في حروف هجاي
أحبّك كثر ما ملّ القلم من دفتر أشعاري

أحبّك ، ثم أحبّك ، ثم أحبّك ، أبك أنا لولاي
أحبّك ‌ما تغافلت الجروح وجيت لك سّاري!

أحبّك ، وأعترف لك أيه أحبّك وإن بدالك راي؟
أجي كلّي على حشمة غلاك أقدّم أعذاري

أحبّك وأسبّر أغوار المواجعّ ، وأنثرك بغناي
أترجم لك شعوري والمواجع تسّبر أغواري

أحبّك وألوي عِنان القصيد وينحني لرضاي
عسفت رضاه ، لكنّك لعبت بحسبة أفكاري!

أوقف للحروف إللي تلعثّم في جدار شفاي
وأرتّب لك صدى صمتي مشاعر وأشعل أنواري

حبيبي يا كثر صبري عليك ويا كبر بلّواي
نفذ صبري على جال أنتظارك وأنت بي داري!

تغيب وتسكنْ عروش الخفوّق ، ودفتري ، وأشيايّ
تنطّحت الدروب وكل شيء يجيب لك طاري

أنا ما أقوى فراقك كيف تقوى تحتمل فرقاي؟
حسافه ما توقعتك تبيع ، وصاحبك شاري!

تراك أوّل غلا يسكن حشاي ويستحلّ أقصاي!
معك تحلّى مشاوير الشقا لو طال مشّواري

فداك أيّام عمري والزمان إللي مضى والجاي
تصدق‌؟ كل مازدّت بجفاك يزيد مقداري!

معك مركب غرامي ماسأل عنْ منتهى مرساي
بكيفك خذّ مجاديف العمر يا غُربة أسفاري!

كتمتك و أنكسرّ صمت القصايد وأختصرت أخطاي
تعال أسمع معي نبض الخفوق وصوت قيثاري

تجهمَّت الطريق وما وصلت آخر حدود مناي؟
على صدر المسّافة كل خطوة تقصر أشباريّ

حبيبي أنت يا سبّة شقاي ، وعلّتي ، ودواي
دخيلك لاتمادى في جفاك وتقتل أزهاري!

دخيل الشِّعر ، وإحساس الشعور ، وعزوتك وأعداي
دخيلك وين أولّي عنْ عذابك وأهجر أسواري؟

أمانه لا غزتك الذكريات ومرّتك ذكراي
تذكّر منْ هدر دمع الفراق إن جاب لك طاري

كتبتك يلعن أسلاف القصيد وتنّكسر يمناي
إذا إنّي ما قدرت أرضي غرورك بـ أصدق أشعاري

سرى ليل المواجع وإلتحف صمتي صهيل الناي
على لحن الفراق أكتب حروفي وأعزف أوتاري

أفجّر للحّزن صمت المواجع وإن ضمنت بكاي
أغنّيها على لحن إنكساري .. وأسرّ يا ساري»

[َ @Nudosr]

انت انت مافيه احد يقدر على شي فيك
لو يفترش بالثريا —— ويْتلحف زحل!

لك وجه أعرفه ونجم أضوى على وجنتيك
ولك حلم فزت مخاضيره / وجرحٍ مَحَل

الصبح مرَّه تهادى لك وسمَّى عليك
والليل من مرّوده حطّ بـ عيونك كِحل

لله أنا كم قدرت أضلّ بك واهتديك!
وآغضّ عن ما تبقى بي.. وعن ما رحل

قوم انتشلني من الظلمى واقبّل يديك
وإسحل جروم الظلام الي حواني سحل

محتاج منْك ارجع أسمع سالفاتنا هذيك
وكيف انك بعز طيحك ما ابتلعك الوَحل

وكم شالت ركابك؟
وكم مهتوي هام فيك؟
وكم قلب مستعمر؟
وكم ذاكرة مستحل؟

[ــّْـ @UsernameSrmdi]

لو يستحي العذر من وجه المواعيد
ماقمت أعدّ الدقايق / والثواني

وإن كان ماشفتك إلا ثاني العيد
شوفك متى ما تهيّا « عيد ثاني »

— سلطان بن بتلاء

[َ @Nudosr]

وش تبي بي؟
خلّني في مكاني لين أشوف
عاد عقلي ما تقبّل.. وقلبي ما دَلَه

لا تقول الشِعر يبغي هوى عذرًا هنوف
الهوى ما عاد لي فيه.. والشِعر أزهله !

طاف عيد الله وعيّت جروحه لا تطوف
بين نظرات التعجّب / وكثر الاسأله

يذبل الإنسان ما بين حرص وبين خوف
يبحث بماضيه ويفكر بمستقبله

خلّني سهران بين الدفاتر والرفوف
لي سنه والصبح بيني وبينه مشكلة

ما يعدّل جدوله واحدٍ عنده ظروف
خلّه.. إن عدّل ظروفه يعدّل جدوله :)

[َ @Nudosr]

رفيقة دروبي——وروح الطواريق
أنا " على تقصيري الفايت " أسف !

تبسّمي / / / لاتستضيق المخاليق
و الأرض تخسف و النجوم اتّكاسف

والله لـ أفرّق «ما يكدرك» تفريق
لو كنت و الشهب الليال انتعاسف

تحزّمي بي كل ما حافك الضيق
أنا مانيب إنسان أنا حزام ناسف : )

[َ @Nudosr]

« يا آسفه »
مهما حصل لا تأسفين
جـروحك العذبة تزيدك منزلة

من اول مواجه.. توصّلت ليقين
حبِّك قدر ماهو مُجرد مرحلة

لجـاذبية طلّتـك — سـرٍ دفين
حتى نيوتن لـو نشدته يجهله : )

كم لي وانا ساهرك لكن تصبحين
على الصباح اللي عساني من هله

وصال ربات المحاسن نص دين
وانتي وصالك نص دين ومرجلة

[ــّْـ @UsernameSrmdi]

تقطّعت حيلتي / و أنهارت حلولي
خلو لي الضحكه اللي ماضحكتوها

تجمّعوا يا جروحي وأجلسوا حولي
«عندي قصيدة جديدة ماسمعتوها»

[َ @Nudosr]

« يالعفاف المهذَّب
والحيا
والحشيمة
والجمال الحقيقي
والوقار المهيِّب

كل عينٍ ماتشبع من عيونك كريمة
ما لحسنك شبيه ولا لزينك معيِّب

ماتهون المصايب
والجروح الأليمة
لين شعرك من العود المعتّق يطيَّب !

وكل فكرة تغنّى فيك / فكرة عظيمة
لين راسي يشيب
—— ولين قافي يشيّب »

[َ @Nudosr]

الشاهد اللّٰه .. ما على غيرها قصور
لكنَّها أجمل —— " بنات المجرة "

تشعل لها القمرا من نجومها نور
وتشرق لها الشمس الضحوك بمسرة

وأنا لها ؟
عاشق
وشاعر
وجمهور
وقصايدي في عشقها ؟ مُستمرَّه !

وأحبها حبٍ .. رسم حلم وشعور
يخيلها بـ اليوم ؟ مليو و و و ن مرة

وتحبِّني حبٍ ملا عمري سرور
حبٍ منسِّيني / / العنا والمضرَّه

والقلب قبل يحبها كان .. مهجور
وفي حبَّها ربّع على حين؛ غررررره

جاته ؟
كما غيثٍ حيا عشب، وزهور
وأنبت مناقيع الشقى بأرض حره

ووالله مافي لـ غيرها بالفرح دور
وإنها الوحيده بالحشا مستقرَّه

ومن دونها لو عشت أزمان ودهور
يـ أحبَّها ؟
ولا كفى الحب شرَّه : )