محمد

لا تيأس ولك رب يقول : كُن فيكُون.

[محمد @iiQ8z]

-

اللهم إنا نسألك الجنة وماقرّب إليها من قول وعمل
ونعوذ بك من النار وماقرّب إليها من قول وعمل .

[محمد @iiQ8z]

استغفر الله .. كاني من الظالمين
وإن كان ماني ظالم يالله المغفره

اهم شي اطلب الغفران فالحالتين
استغفر الله تعالى وأحمده واشكره

العمر ماغير مره .. .. ما يجي مرتين
وإن طال من دون ذكر الله مافيه ثمره.

[محمد @iiQ8z]

اضحك ترى عوج الليالي مدابير
وما للخلايق في قضا الرب حيله

اضحك لو ان هموم قلبك طوابير
وما يقسمه ربك تروح وتجي له

لـو ضاقـت الدنيا تراهـا مقـادير
وخلك جبل .. ماهزته كل ميله.

[محمد @iiQ8z]

الاحد 13 سبتمبر :

ندري ان الوقـت دوار .. واللي فيه فيه
والمواقف درس والسـبت قافيه الاحد

ان صفت الايام ابرك .. وهذا اللي نبيه
وكانها عيت " فـ الايام " ماتصفي لاحد

[محمد @iiQ8z]

اللّه خلقني كذا ، طبعي وفي راسي عناد
ماحب أقلد ولا البس ثوب ماهوب ثوبي

ماهوب أنا اللي يسير بدرب غيره وينقاد
غيري هو اللي يقلدني .. ويمشي دروبي

[محمد @iiQ8z]

احـدن اليا جاني ملكني بـ معروف
واحـدٍ لـيـا شفتـه تكـدر مزاجي

قالو تفضل قلت انا عندي ظروف
مريض نفس والسعة لي علاجي

[محمد @iiQ8z]

يا نايف انا ما اداني الصاحب اللوام
لا تكثر علي اللوم طالبك يا نايف

انا افضل العزله مـع الليل والانسام
ولا الجلسه اللي كل حكيها زايف

اقوي عزومي واتقدم فالامر الهام
لو اني من اصحاب الرخا شايف وعايف

ترا عادي ان هليت دمعك مع الايام
ولا تضحك بوجه الزمن ضحكة الخايف

[محمد @iiQ8z]

حقيقة الدنيا لو الناس يدرون
والله ماتسوى جناح البعوضه

دنيا تقلب كل ساعه لها لون
والوقت يمضي بارق لاح نوضه

ايامها في زود والخلق يفنون
واعمالهم يوم الحساب معروضه

والرابح اللي مرضي خالق الكون
المؤمن اللي يجتهد في فروضه

[محمد @iiQ8z]

مدام راسي على متني وعظمي سليم
الباقي من الخساير كلها هيّنه

نوب اتغيشم كذا مع ان ماني غشيم
لين الليالي تجيب الحجه البينّه

واللي تجي بالصميم اردها بالصميم
ولا يكسر القاسيه من يعصر الليّنه

ما يستغل الكرام الا الردي واللئيم
ولا شوه الطيب كله غير هـ العيّنه

[محمد @iiQ8z]

الطيب يجبرني على ردة الطيب
واللي تـردى " ماترديت " مثله

يحدني للطـيب سلم ومواجيب
وكلٍ يعوّد ساعة الضيق لـ اصله

[محمد @iiQ8z]

عايش بمرحله مدري وش تسمّى
لكن الظاهر إسم المرحله ، عادي

زاهـد ٍ لي بـ أمورٍ .. ..حـبّها جـمّـا
وصاير يقفّي أغلى الناس ما انادي

حتى لو الوضع ماهوب أخـو شمّا
العـرب تختـرش جنبي وأنا هادي

[محمد @iiQ8z]

شاعر ولا اجامل ولا اخاف من شي
واللي على الساني .. تراني اقوله

اقدم على الصعبه ولا اعيش في عي
ولا امدح انا خايب وازور فعوله

ماني مثل بعض العرب ياكل الني
يمدح الخايب ويبوس نعوله

راسي على كل المراجل ترا حي
ومدحن على باطل ترا ما نقوله

يا حيف ، يا بعض الرجاجيل ياخي
باعو الكرامه والوفاء والرجوله

والله يا الحاهم تحت ماطا الحذي
باعو قصايدهم عشان السيوله

[محمد @iiQ8z]

ياصاحبي هقوتك فينا ماوالله تخيب
اضرب بنا الكايـده ونجيب ناموسها

حنا ربينا علـى فزعـه وجزعه وطيب
روسن تصادم كبار الـروس وتروسها

تطيـب الايـام والا جعلهـا ما تطيب
الطيب في روسنا ماهوب في روسها

[محمد @iiQ8z]

لا جـاتـك الـزلـه مـن اللي تـوده
فكر بحفظ الود واعرض عن الرد

واذا اعتـذر عـن زلته لا تـرده
بحر العلاقه دايـم الجـزر والمد

حبل المواصل بين الاقراب مده
ارخه ليا شدوه واليا ارتخى شد

وانس الخطا حتى تدوم الموده
من يذكر الهفوات مايحفظ الود

[محمد @iiQ8z]

يارب عطني أكثر من اللي رجيت
وأنت الكريم اللي عطاءه سرمدي

أمنياتي أكبر من اللي سعيت
يارب تشرق لي مثل صبح ندي

دخيلك من الدرب لا مال وبكيت
وأعوذ بك يارب من حظٍ ردي

طلبتك تحقق دعاي اللي دعيت
تعبت أشيل أحلامي براحة يدي

[محمد @iiQ8z]

حنـا الامـور الصغيـرة مانكبـرها
وانفوسنا عن دروب الشك نحداها

نجلس مع الناس مانجرح مشاعرها
ونعامل الخلق دايم حسب مبداها

أصحابنـا الـلـي تقـدرنـا نقـدرهـا
لعيـونـهـا نرخـص الغـالي ونفـداها

واللي علـى الهينـة ترفـع مناخـرهـا
نمـرهـا فـ المجـالـس .. ونتعـداها

[قرآن| Quran @4vl_p]

أستغفُرالله العظيّم وأتوب إليّه🤍.

[محمد @iiQ8z]

( الحياه ) ملكعه ... تبغى لها نسبة لكاعه
وانت غامر لا تفكر ف الزمن جوده ، وشحه

بس تكفى لا يصيبك قل دين ، وقل طاعه
لو تمر : ب قل مال ، وقل نوم ، وقل صحّة.

[محمد @iiQ8z]

إن كان عينك تشوف الدرب منت بـ ضرير
تراي أجيد النقاش و عندي أخذ و عطاء

لكن إليا خربت أخلاقي ما أحّب أستشير
أمشي على اللي بـ راسي صح و لا خطاء

[محمد @iiQ8z]

لابُـدّ ميـلات الليـالي . . تعـدّا
إن كان باقي فالحياة اتساعي

وليا انجلا عجّ المصايب وهدا
ينزاح عن بعض الوجيه القناعي

رجل وقف معنا . . ورجل تردّا
ورجل تركنا لقمة .. للضباعي

كلِّ المواقف دين .. لازم يسدًا
ونوفي الدّيّان .. صاع بصاعي.

[محمد @iiQ8z]

اعفـوني مـن النشـده وكثر الازعاج
انا ابخص .. بدرب السنع والمتاهه

يـاكثـر مـا صـديـت منعاً للاحـراج
وضيَّعتكـم بـيـن الغباء ، و النبـاهه

احيان ما القى لي من الضيق مخراج
واحيـان يضحكني كـلام الفكـاهه

انـا بـشـر وأمــر بـظـروف واحـتـاج
عـن عـالـم الازعـاج فـتـرة نـقـاهه