ثلاّب 🐆

ابسط ممّا تتوقع ..

[ثلاّب 🐆 @ii_O20]

تايهٍ في حب غيدا تشوق الناظرين
خرجت كل البني من مدارس غيّها

شبه وضحاً زينها فارقً عن كل زين
مع تسناد رقبتها طفاح لحيّهااا

[ثلاّب 🐆 @ii_O20]

أحس اني كبرت وبيّن بـ طبعي مدى التغيير
فلا هذا هو احساسي ولا هذي هي اطباعي

بديت اتعمق بـ نفسي ولا اهتم لـ كلام الغير
يقولون الهوى غفله واقول ان المدى واعي

غديت أودع المقفي ولا أحب اسمع التبرير
أشوف ان التفاصيل الكثيره ما لها داعي .

[ثلاّب 🐆 @ii_O20]

أحبّك ولا أملك غير قلبٍ عليك يخاف
حلالي قصيدٍ نرجس عيونك إلهامه

وش الحب لو ما كان لأرواحنا ميلاف ؟
وش الخِل لو ما تسكن النفس قدّامه ؟

عرفت أمنياتي معك لو للزمان أعراف
الآمال بنّاية والأيّام هدّامه

عطيتك مشاعر منك تبحث عن الإنصاف
أمانتك في قلبٍ رضاك أكبر أحلامه

[ثلاّب 🐆 @ii_O20]

احبك لو يموت الحب وتصير القلوب قبور
وأنا مهما منحتك من غلاي أشعر بتقصيري .

[ثلاّب 🐆 @ii_O20]

حافظ مكانها من كل عييييين وعاااااايف
ماعاد ابغا اقول عنننننها كوّن ما يفرحها

هاذي غير من الجمال اللي نظركم شايف
الطييييييوّر اللي تحاوم فالسماء تطرحهـا

[ثلاّب 🐆 @ii_O20]

ابنتظِر يوم اللقى لو طالت مواعيّده

[ثلاّب 🐆 @ii_O20]

روحي فدى اللي يليق بها النبط والفصيح
اللي عليها القصيدة تزهم القافية

فرعاً عليها السحابه تستلذ المطيح
وتباشر الارض فيها لا مشت حافيه !

[ثلاّب 🐆 @ii_O20]

عن قبالً : يسرق الألباب .. مانيب متخلّي
ناسلً روحي على متنك مثل نسل الجديله

ان ضحكت تعلّم الازهار .. وشلون التجلّي
"وان بكيت تساوي النفس العزيزه بالذليله"

من عرفك وماقضى عمره طروب ومسفهلّي !
من لقاك ومالقى الدنيا مثل وجهك جميله ؟

[ثلاّب 🐆 @ii_O20]

أجي مثل المطر ما بعده إلا ذعذة نسناس
يطهّر وجه الأرض اللي تعاني من رواسبها

تقدّيت بكلامي ما تقدّيت بكلام الناس
خسارات الدروب أهم عندي من مكاسبها

أنا ماني بناقص معرفة ولا بليد إحساس
عشان أحط نفسي في مكانٍ ما يناسبها

[ثلاّب 🐆 @ii_O20]

جَاور من يخاف الله، حاور من يحترمك، وشَاور من يحبك، وصاحب من يفهمك، وابتعد عن الجاهل.
وإياك وصحبة اللئيم فإن الفضل معه عقيم، واتخذ من الطيبين خِلان يجازوك الإحسان بالإحسان.
اجبروا الخواطر، وراعوا المَشاعر، وانتَقوا كلماتكم، وقولوا للناس حسنًا، وعيشوا أنقياء، فهذا نهج الأنبياء.

[ثلاّب 🐆 @ii_O20]

ولا تحلفين مصدقك دون هذا الحـلف
لكّنه منعني دين . . وسلوم ومـروّه

انا صدري من الحب صابه سيوف وشلف
وعاد الحبـيبه فيه . . لو انه مشـوّه ):

سليلة شجاع بـ المواقف كريم وصلف
ويقولون له دايم يا جعلك على القوّه (:

( 2 )

[ثلاّب 🐆 @ii_O20]

انا يا جميله ما اعرف . . ادور ولا الف
وعمرك بعد بـ الحب باقي ترى تـوّه

هذا القلب مالك فيه عشق وغرام وولف
خذته الهنوف الفارعه وأشعمت ضـوّه

( 1 )

[ثلاّب 🐆 @ii_O20]

شعوري وحلمي وأمنياتي تلف ودور !
او ان حظي العاثر معي قاصرً شبره ؟

انا جداً اسف يا ضميرً ماجا بـ قصور
على كثر قسوات العمر مانفذ صبره

تعبت اتظاهر بالسعاده واعيش الدور
لازلت الكسير اللي عجز مالقى جبره

لو انه حديثي في بلاغه وصدق شعور
حديث العيون ابلغ من الحرف ونبره

[ثلاّب 🐆 @ii_O20]

يامعجبه واللي ورى صدرك من اللهفه غرام
لاتشتكين من الفراق إن ولعت ، حريقته

لا ضاقت الدنيا؟ ندوّر من ورى الضيقه سلام
انا معك لا داحم الوقت الشقيّ .. دقيقته

لا تاخذيني بـ القصيد .. وتهمليني بالكلام
عندي وعندك خير من شرّ الفراق وضيقته !!

[ثلاّب 🐆 @ii_O20]

تحرّاك المشاعر وأنت في وجهي متى ماجيت
ما تسمع من عتابي غير قولة مالها داعي .

[ثلاّب 🐆 @ii_O20]

أدور للوصال أسباب ما ألقى للوصال أسباب
إلا يا أعز و أغلى من عرفته لا تباطا ا اااني

متى ماطاب جرحي جيت لك ملهوف جرحي طاب
ولحظتها دخيلك لاتشح بـ جرحي الثاني

لا تستغرب جنوني و الحياة بكبرها إستغراب
أنا أدمنت الجروح اللي تجي من كفك الحاني

[ثلاّب 🐆 @ii_O20]

یارب ابي منك العزيمة والصلابه والثبات
في قلبي بوجه الذنوب كبيرها وصغيرها

يارب عبدك هزّته سود الليال العابسات
ولا لقى له واحدٍ " غيرك " يعدل سيرها

انا الغريق اللي رماه الموج بين المغريات
أغفرلي ذنوبي وساعدني على . . تغييرها .

[ثلاّب 🐆 @ii_O20]

أحبك كثر ما قالو هنيّك يا خلي البال
و أحبك كثر ما أخفيتك عن ربوعي وعذالي

حفظتك سرّ ما يظهر على العالم ولا ينقال
زرعتك بين تنهيد الضلوع وبين غربالي

لك الله مال غيرك فالحنايا والضمير ظلال
أقرب من قريب الخلق وأقرب لي من ظلالي.

[ثلاّب 🐆 @ii_O20]

« يابريئه وانتي ابعد ما يكون من البرائه
تفعلين اللي تبينه بالخفى وانتي بريئه

كل عاقل يا بريئه كان واثق من ذكائه
في ذهابه يفقد اللي كان ملكه في مجيئه

ينظرك والكون كله مايفكّر في نسائه
الصبايا في عيونه كالنطيحه والرديئه »