واذا طاح المطر والبرق لاح وقرّب المرباع
ذكرت اللي تجيني راضيه وتروح مغصوبه
سلام اللّٰه على وجهٍ عليه الخاطر الملتاع
مايبرد لو نسانيس الشمال ملاعبه ثوبه
وجودي يوم راحت من يدي وانا طويل ذراع
وجود الشايب اللي برّ بعياله وباروا به
— بدر بن ذنبوح
واذا طاح المطر والبرق لاح وقرّب المرباع
ذكرت اللي تجيني راضيه وتروح مغصوبه
سلام اللّٰه على وجهٍ عليه الخاطر الملتاع
مايبرد لو نسانيس الشمال ملاعبه ثوبه
وجودي يوم راحت من يدي وانا طويل ذراع
وجود الشايب اللي برّ بعياله وباروا به
— بدر بن ذنبوح
وقفت مذهول من كلمة ومن شوف عين
مستغرب اللي سلم من كثرت اللي هلك
ياصاحب الوجه الابيض والكلام الرزين
ماكل حاجه لغيرك ..لا زم تصير لك
يدور من حول نفسه مره ومرتين
اللي ورى الناس داير مثل دور الفلك
" إذا استقليت في رايك عن الآخرين
صدقني انك تعيش العمر عيشت ملك
-ناصر بن مفلح
روفي علي شوي يا فتنة الجيل
والله ما عيشَك غير المسره
على الزعل سنيت شرب الفناجيل
موقفٍ بينك وبين المضره
لا مر عودك قامو الناس تبجيل
لله در العود . . " لله دره "
كل البنات اليا وصلتي ( رياجيل )
مافيه غيرك بنت مافيه مررره !
-ناصر بن شايع
اعاني من النسيان لي حول مدري كم ؟
واعاني واعاني بس مدري وش اعاني ..!
يا ربعي ترى بعض المشاريه مثل السم
تغاضو ليا قصرت معكم على شاني ..!
انا اللي يطيب ليا سعى في لزوم وتم
ويمرض لامنه قال : ما اقدر و لا امداني
ياليته مايفرق عندي المدح والا الذم
مدام الحياه مولية .. والعمر فاني
وصلت مرحلة مدغم ابوشيبه
اللي يقول فيها :
يا دمع الأحزان لا تنزل ولا ترقا
يا خوف قلبي من الأيام يا خوفه
من كثر ماني بمتعود على الفرقا
صرت أتوادع مع أية واحد اشوفه :)
لاهنت ياصبري ولا هان من قال
وحسبي على دنياي والله حسيبي
قدمي يطيح القاف وأبوه رجال
خليت عشاق القصيد تحكي بي
وسميت ديواني مع العزله لحال
ما جابه الدكتور غازي القصيبي
وان صدت الناس عنا ما أعترضناها
ما تقفي الناس عنا ونتولجها
وإن جاتنا الطيبة بالطيب زدناها
الطيبة بالعسل والسمن نمزجها
وان جاتنا الثانية نصبر ونرفاها
يمكن إلى فاق راعيها يعالجها
وان عادها عودة ماعاد ينساها
من حربة في صميم الصدر نولجها