يا أبو وجهٍ على شانه يدق من الغلا ما جل
ترى لولاك ما سقت القصايد في متاهاته
فداك العمر وأحداث الزمن والمشكلة والحل
وقلبٍ ما يعرف من الغزال .. إلا تلفاته
أنا من شاف وجهك يا حبيبي في وجيه الكل
وفزّت روحه لضحكة عيونك قبل خطواته❣️*
يالله يالمبصر و يا عالم الغيب
يا من صغار الذر تسمع دبيبه
ياللي تحقق كايدات المطاليب
وفزعتك للمحتاج دايم قريبه
يالله عسى لي في حبالك مقاضيب
وملجاً ليا ضاق المجال التجي به
عبدالله بن زويبن الحربي رحمه الله