Alhussaini

9/9 || Kuniv - Psychology 🧠

[Alhussaini @ii_s7m]

الله حسيّب الشوق .. وكِل ليلٍ بدونك .

[Alhussaini @ii_s7m]

حي ذالعين مدري حي ذالطاري
يا قديم الغرام ويا مراسيله

جاري الأتصال ودمعي الجاري
هي سبب حزني وشوقي لك الليله

مرني طيفك وجيتك معه ساري
تحت تأثير ماضيك و تفاصيله

لا العرب بعربي ولا البلد داري
ولا معي حل في شوفك ولا حيله

[Alhussaini @ii_s7m]

هقيت في كل شي إلا " وداع القلوب "
ما كنت هاقي تسوّيها ؟.. و سوّيتها

[Alhussaini @ii_s7m]

مكتفي باللي يجي منك من بـاب الوصال
إن عجزت تسوي الصعب . . سو الـمفترض

أرسـل إن عيت عليك الظـروف . . الاتصال
الرسايـل بعض الأحيان توفي بالغرض

[Alhussaini @ii_s7m]

أنت ياللي كل ما هزّ المحاني طيفه
جرّني طاريك من ربعي ومن جلاسي

كانك اللي فالمحبه موجسٍ له خيفه
والله إنّي بين لوعة خاطري وعماسي

كل حبٍ غير حبك ينكشف لي زيفه
وكل طيفٍ غير طيفك مايهزّ إحساسي

وكل وجهٍ غير وجهك فالوجيه اعيفه
وكل صوتٍ غير صوتك ما يقنّد راسي

[Alhussaini @ii_s7m]

ياغلا من ربا حبه ورى ناحل الاضلاع
واول من تربع فـ الخفوق وثنى رجله

عليك المناوي خلجها يقذي الهجاع
وعليك العيون بـ راهي الدمع منثجله

شعوري شعور التايه الضامي المنلاع
لا شاف السراب اللي زما له طرف هجله

على اللحظه اللي كنها جضت المرتاع
تفاصيلها عجله وكلماتها عجله

[Alhussaini @ii_s7m]

ياسيّدة من يعيش الكبر و العنفوان
تستاهلين .. الغلا والتضحيه والولا

راهنت فيك الجميع ولا خسرت الرهان
بغوا يقل الغلا ؟.. عيا يقل الغلا

مع كل بسمة شفاه وكل كلمة لسان
اضيع معها .. واردد مرحبا ياهلا

لو افقد العقل .. وافقد ميزة الاتزان
ماهيب تثر على حبك : ياريم الفلا

[Alhussaini @ii_s7m]

كيف لا مرّ السهر من دونك أستعذب نعاسي ؟
وأنت تدري ما لـ عيني من بعد عينك مسرّه
ㅤ
كل ما طال السكوت بسور صدري طال باسي
كنّي اللي راضي التعذيب من قوّ المضرّه
ㅤ
والله إني ما تحلويت الجفا لو كنت قاسي
« مير قلبي من كثر حبه عجز منك يتشرّه »

[Alhussaini @ii_s7m]

ما كلَّفك تسأل علي يومك رحلت؟
حتى الغريب لجرحي الدامي فطن!

ضاقت معاذيرك على القلب وسألت
وش ذنب قلبي يومه اختارك وطن؟

الحزن حلَّ بخاطري يوم استحلْت
من رحت والضيقات فالصدر قلطن

لا هزِّك الشوق وتحسّفت وخجلت
شوف الليالي وش عطيت و وش عطن

[Alhussaini @ii_s7m]

مشيت الدروب اللي تودّي على لقياه
وعسى الله يستر من نهايات مشواري

أعيف العرب والدرب ، لامرني طرياه
وهو عاش في داره وأنا عشت في داري

[Alhussaini @ii_s7m]

مساء الخير لها، ثم للجميع

أمّا بعد:

من اول مواجه توصلت ليقين
حبك قدر ماهو مجرد مرحله

"وصال ربّات المحاسن نص دين
وانتي وصالك نص دين ومرجله"

[Alhussaini @ii_s7m]

صباح الخير لمن حارب في معاركه وحده، ولم يملك سوى صبره ليتجاوز المشهد،

أمّا بعد،

يقول محمد السكران:

والله ما حصّلت من ياخذني بيدّه
"بلحالي اناطح الأيام بلحالي"

[Alhussaini @ii_s7m]

لا ثار خشم الفتيله .. ابشري بالسعد

[Alhussaini @ii_s7m]

"الحظيظ الي لقى بـ عيونك النجلا قبوله
من يلومه لا زهد في الامنيات وفي الليالي؟

لا المحبه طاوعتني في زعلك
ولا الرجوله
غاليه يالدمعه اللي ماتطيح الا لـ غالي."

[Alhussaini @ii_s7m]

لا زلت أحتاج وجهك للسهر ، للشِّعر ، للَّميعاد
وصّوتك لأجل أحرّر عبرةٍ فالصدر مخنوقه

ياليت إلّلي مضى لي من عمرَّ معك .. معك ينعاد
وأشوف اللّحظة إللي ؛من شريط العمر مسّروقه

أقول إني بشوفك في المنام إن غّبت كالمُعتاد
وأنا حتى المنام إلّلي بشوفك فيّه؟ ما أذوقهّ

[Alhussaini @ii_s7m]

بين صكّات الليالي والضحوك المستعاره
قلبٍ اعيته الظروف وانزعت منْه الأمل

ساوت الأيام معنى الربح عنده والخساره
والمعنّى ما يحسّ ان قلبه المتعب ذبل

[Alhussaini @ii_s7m]

بيني وبين انفجار الصبر" حذفة حصاه
ياليت لو بيننا .. ( كلمة قريّب بدو )

احساسي " براحة العزله "عطاني قفاه
الراحه الماضيه .. غدو بها اللي غدو

العام .. اشوف العلاقات الكثيره غناه
واليوم ؟ سلّم علاقاتي هو اكبر عدو

من كثر الاحلام ومجاهد ضغوط الحياه
فاقد شعور السلام الداخلي والهدو

[Alhussaini @ii_s7m]

فودور دوستويفسكي:

"ارهقتني الايام وانا اقاتل من اجل الكل ولم اجد من يقاتل لأجلي"

محمد بن الذيب:
"تعبت اشل السيف واشد الحزام
في معركة ما ينعرف صنديدها"

جابر النشيرا:
"وانا على شان غيري موجعٍ روحي
ولا حدٍ موجع روحه على شاني"

[Alhussaini @ii_s7m]

شارد الذهن وافكاري تعيد المشاهد
في هذاك المكان اللي تمره و امرّه

جالس اجاهد الدنيا واهلها و اجاهد
وصلك المنقطع وطيوفك المستمره

[Alhussaini @ii_s7m]

” مع مغيِّب الشمس يسدَل ليل وتْعذّب قلوب
ذكرياتٍ كل يوم تعيد شنّ هْجومها

كلما هبت علينا من طواريّك هبوب
قمت اناظر في سما الفرقى واعدّ نجومها“