قام الندم ينهش طواريف الاوهام
وأنا من احداث المقابيل خايف
لو كل يوم اقول قدام قدام
ماني معودها لدرب النكايف
اما يبشرنا بها الحظ وان قام
وإلا نسايرها ثقالن عجايف
06:44 am
تعلقت في ظلك وأنا داري اني ضال
وشيّبت وأنا فـ أول العمر ما امداني
وتصالحت مع غلطاتك اللي رست فالبال
"وتمنيتك انك ياحبيبي تمناني "
تماكن غلانا لاتقفي عنه مختال
مكابرك لايلعب بـ عقلك وتجفاني
مثل يوم أبيك ولالقيتك تراني ذال
يجي يوم تبغاني ولاعاد تلقاني
بداية كل ثورة كبرياء من نظرة إستعطاف
وش أسوي وأنا راسي عزيز وقلبي موالي ؟
دفعنا بـ المشاعر كلها في حرب الإستنزاف
ما باقي غير يفصَل في الأمور ويلحق التالي
لاتلوم الزمان اللي بكفك رماني
لوم قلبٍ طوى حبّه ويبغى الرحيل
مابقى في يدينه غير نظم المعاني
فكّ له باب قلبك ماخبرتك بخيل
كان ظرفك خذا من وقتك وماعطاني
اقنع القلب بـ اسبابك وصبرٍ جميل
لا استوت في عيونك الثنتين قربي وابتعادي
الظروف أقسى من الماضي على الي يستعيده
المصافح بالقلوب اصدق من مصافح الأيادي
اسمحي لي كل يوم اصافحك وأنتي بعيده !
لاتحاتين الضما والجوع في رحلة جهادي
الحظوظ مقسمه والذيب ماياكل وليدّه