تسامحت مع نفسي وهوّن علي دعاي
خصوصاً دعاي الي دعيته وأنا ساجد
غمرني شعور من الرضـا للزمان الجـاي
و لا صار عندي خوف من عضة الناجد
اثر من عطاه الله نزاهة ضمير و رأي
يغيب الغيـاب اللي يخليه متواجد
لاتشره علي يوم أبتسم في وجيه عداي
" محبيّني " أكثـر من معاديني بـ واجد
حنا شبعنا من كثير الحسافات
على القلوب اللي ملاها السوادي
خلك بنفسك لا تزيد الملامات
غادي ومن يتبع هوى الناس غادي
الناس بين الناس فيها إختلافات
مثل الأصابع تختلف بالأيادي
واللي تحسبه سابع المستحيلات
إلا يجي لك يوم ويصير عادي
ردوا الأخبار والتنوية حصري عنا
من وقع بنحورنا ماحن عنه نشادة
تعرف العربان من حنا إلا من صلنا
من نوينا ما وصل هقواته ولا مرادة
وإنت ياراعي المِرِا كلمتك ماتشحنا
مالك الا الميسم اللي جمرته وقادة
وإن كويناك أعتبرها مزحةٍ لك منا
وإن نويت تكرر اللعبة يجيك زيادة.
يكفيني رحلت ولا حصل مني خطأ و قصور
و أنا حتى وداعي فيه بصمه تثبت أخلاقي
تخيّر فالديار الي يغشيها ظلام و نور
و فرق النور بالظلمه يبين غلطة فراقي
تمرّك ليلة تطغى مشاعرها على المغرور
تدور في البشر مثلي و لكن صعبة تلاقي
فمان الله يا أخر محطة و السنين تدور
فمان الله و الهقوة تخيّب هقوة الهاقي