الشهَد

[الشهَد @iiish92]

كتبت لأجل إعجابك بعض الأبيات
ومقصدي منها تعرف اني احبك

وادري ما تكفي وصوفك الكلمات
لانك فريد في خلقك محدّ يشبه لك

ولو تنكتب فيك من جزل القصيد أبيات
تضيع فيك الحروف .. وما أحدٍ وصلك

وليتك تدري وش كثر حبي لك بالذات
واني ماحبيت من البشر وعشقته غيرك

[الشهَد @iiish92]

لك مرحبا وعيوني ولبيه
ولك روحٍ لو تبيها تفداك

خذ قلبي واقراه لو تبيه
وعيوني ماتلد إلا لسواك

غيرك في المخاليق مابيه
يكفيني قلبك وحبك وهواك

[الشهَد @iiish92]

أنا واصلٍ معك اخر حدود الاستفهام
ولا ادري وش اللي لاعبٍ فيني السبله؟

أعرف المحبه ضيق خاطر و قطع انسام
وكذبٍ يطول و ينكشف لاقصر حبله

مكانك مكانك جعل من لامني ينلام
لازلت اتشفق جيته و اترقب له

مجرد مرورك فيه يومٍ من الايام
يزيده غلا مافيه بعده ولا قبله

[ًً @usernshmri]

انا بليا شوفتك شخص اعمى
إلى متى وانا عليك اتحايل ؟

مايكفي إنّي لاغي كل الأسماء
ومشطّب الأرقام واغلى الرسايل ؟

انا اعرف إنّك فوق ذا الناس واسمى
لكن انت قاطعني بشتّى الوسايل

اوقّف لطاريك واشوش واحمى
حميّة يضرب عليها المثايل

تراني اعتبرك مثل شربة الماء
ماهي تعوضها جميع السوايل

مُجرّد غيابك عن عيوني .. اظمأ
اظمأ .. ظمأ اللي لتهته القوايل

[الشهَد @iiish92]

مرني طيفك وجيتك معه ساري
تحت تأثير ماضيك و تفاصيله

لا العرب بعربي ولا البلد داري
ولا معي حل في شوفك ولا حيله

[الشهَد @iiish92]

سقى الله غلاه اللي ثبت والزمان يدور
على وين ما سجيت ، له صورةٍ حيه

[الشهَد @iiish92]

واللي جعل لك فالحنايا سياده
بيت ومقر وعرش واملاك وركون

إني لا أحبك كل ليلة زياده
وإني لا اباهي فيك عاقل ومجنون

ازود بك لو ماني بناقص زياده
أنت الوحيد اللي على كلي تمون

[الشهَد @iiish92]

استلذ السالفة وياك . . من واقع غرامي
وكل لحظة تمر مع غيرك أبي بس أختصرها

تبتسم دنياي بـ اسمك جعل تفداك الأسامي
أحضن اسمك كل ما جات الليالي في كدرها

[الشهَد @iiish92]

أخاف صدفة بعد فرقاك و جروحه
يمرّ زولك .. و أشوفك تلتفت فيني

[الشهَد @iiish92]

مانويت أحب وقلبي ماحسب لك أي طاري
لين شفتك وأنتزعني الوقت وخلاني أجيك

كل جرحٍ كنت أخبّيه أرتوى من شوفتك لي
وكل وجعٍ كنت اضحك له بوجودك بان عاري

صرت أعرفني معك وصرت أجهلني بدونك
وأختفى صوتي مع العالم وارتفع باسمك قراري

[الشهَد @iiish92]

والله يا غيبتك عني ذنب من الذنوب
يا مذنبٍ في عيوني شف تلفّاتها

أخيلك بكل زول وكل حدب و صوب
و أسرح بطيفك عن الدنيا و صجّاتها

أنا أدري أنه بعد قلبك صياحه طنوب
و تضيق فيك الأراضي بإتجاهاتها

عشقت لك من بنات الريح مهراً طروب
وشلون تمضي حياتك دون ضحكاتها ؟

[الشهَد @iiish92]

أصحى على طاريه وأمسي بذكراه
ولا زال فكري بالغياب مرهون

أحسب مع الأيام أقدر أنساه
وأثر الغلا بالقلب ثابت ومصون

يمرني طيفه وأردد: يا حلاَه
ياليت وقت مضى ويرجع ويهون

[الشهَد @iiish92]

على البال كل ما سجيت في خالي الأوهام
وتردك الذكرى على خافق يرجيك

تغيب الطيوف وتستدير بسنين وأيام
ويبقى مكانك ثابت ما يتغير فيك

أسافر بفكري في هواك وأطوي الأعلام
ولا طرت لي غير عينك وطاريك

كتبتك قصيدة شوق من صادق الإلهام
وتشهد حروفي كيف قلبي يناديك

[الشهَد @iiish92]

واذكر اني مانسيتك ويغريني الرجوع
ياغرام تنشد الناس وينه ياترى ؟

والغرام انواع والقلب مدهل كل نوع
والله اعلم منهو اللي من الحدب وورى

وانت ياللي منزلك ماورا حدب الضلوع
تدري انك من وراها وغيرك مادرى

- ضيدان بن قضعان -

[الشهَد @iiish92]

تجبرني الخطوه على بيت الأحبـاب
و أروح و أرجع دايمًا عند بابه

من كثر ما مريتهم صرت مرتاب
أخاف لا تكثر علي الـرقابه

أمشي مع الشارع و عيني على الباب
و إليا صدفته ضاع عقلي و غدابـه

الغالي اللي غاب ما قال الأسبـاب
ليته عقب ما غاب يرسل خطـابه https://t.co/7KyUysXyQe

[الشهَد @iiish92]

كل دربٍ يجمعني فيك جيت و تغانمته
أعدّك ربح و غيرك في الدنيا مخاسيري

[ِ @Ullz_]

صعب انساك
وصعب اكون معاك
جمرتين على قلب وانا المحترق

[الشهَد @iiish92]

راضي بحال الحب معك بكل حال
انا اللي اخترتك قبل تختارني

[الشهَد @iiish92]

سرحت بخيالي فيك واسهبت فالتفكير
وطلعت كل اللي مخبى ورا صدري

ماتمنعني حدود المسافه عن التعبير
انا توي مسولف معك وانت ماتدري