♆

[♆ @iil3bl]

(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ)

[♆ @iil3bl]

العقل نعمه والتعامل ثقافه
وكلن على ماقيل عقله يدله .

[♆ @iil3bl]

هيه ياللي غرك الحسن واطغاك الجمال
والله ان اموت ماشفت لاوصافك شبيه

كيف اهدك للمقادير وانتي راس مال
راس مال ومال والمال مايعطى السفيه

حافظك حفظي لعيني ورمشي لك جلال
وانتي تشحين بالما وانا شفي مويه

[♆ @iil3bl]

لا هَوى بعد هوَاك يامحبُوبي يهتوَى .

[♆ @iil3bl]

من يوم شفت المجيّ والبعد متقارب
وأنا سكوتي عتاب .. وضحكي ملفقّ
َ
خليت حبل الليالي لك على الغارب
إن جيتني مرحبا وإن رحت فـ موفقّ .

[♆ @iil3bl]

كثر التشّره والعتب يوجع الراس
من زان لك زن له ومن شان خله.

[♆ @iil3bl]

سيدة قلبي الي ما خذتني انهابه
واتنازل رغبتها محبهه وشيمه

قالت الحب اشوفك ودك تصك بابه
قلت قفت ضعون الحب وانتي مقيمه

كل بيتٍ عظيم ويستحق الكتابة
ما تعيّن وراه الا محبة عظيمة

[♆ @iil3bl]

قالوا توادع قلت ياصعب الوداع
وشلون اودع من معه قلبي وديع

قلبي معه و السر من فرقاه ضاع
صحيح من يفقد زمام امره يضيع

وليا ذكرت الخد و السود الاوساع
تسابقن غارات عبراتي جميع

اصبر على الهجران قدر المستطاع
واحمل همومي فالخلا و اشري و ابيع

[♆ @iil3bl]

تبغاني اعلمك قيمتك من جد
كنك علي محسوب من خمس الأركان

[♆ @iil3bl]

محبته نعمه من الله و اليقين
اني احبه ، و افتخر به ، و اتبعه

تفداه روح و تبتسم لـ رضاه عين
حتى شعوري لا انتثر كيف اجمعه

تاتي سنه تقفي سنه و العاشقين
لحظاتهم رغم المتاعب .. ممتعه

مع احتراماتي إلى كل السنين
انا سنيني كلها .. زانت معه

[♆ @iil3bl]

انا لي وليف شد عني وأنا اراعيه
بغيت أصلة لكن ردتني الشيمه

[♆ @iil3bl]

وشفيك ضايق ياهوا البال وشفيك
لا تحسبني عنك داله وسالي

لا والذي صورك مانيب ناسيك
لوالدهر يا مهجت الروح طالي

لو طالت ايامك وطالت للياليك
ببقا غرامك ما يفارق خيالي

أنا الوحيد الي يحبك ويغليك
ما غيرنه عنك سود الليالي

أخذ من أيام الشقا عنك واعطيك
أعطيك مشروب قراح زلالي

[♆ @iil3bl]

غلاك لو انه يقسم على الخلق
حتى عدوي يمكن يصير غالي.

[♆ @iil3bl]

ماعلمك صمتي وش كثر فيني كلام
ولا أنا بس اللي أحسك وأسمعك

ما ذكرك مر الجفى بحلو الغرام
ولا أنت بالثنتين ماتفرق معك

لا يخدعك هالبعد لو مر بسلام
ترى اول ايامه يا حبيبي تخدعك

بكره بتجيك ايام ماتقدر تنام
بتوله لذكراي والذكرى بتوجعك

[♆ @iil3bl]

الزبدة انـك اغلا مخلوق واطيب شريـك
وجمعت طبع الحبيب ومغريات الخوي

ياجعلني ماخسر حبـك ولا اعتاض فيـك
ولا اخلا من غلاك وشوقك الفوضوي

[♆ @iil3bl]

حط لهقوتك في معظم الناس حد وقيد
لاترجع مع الاوهام في حرب ومشاجر

ضياع العشم يأثر على البال بالتنكيد
مثل ما السهر يأثر سواده على الحاجر

بعضهم حبال الوصل تمدي معه وتزيد
وبعضهم سلام وانت هناك ومواجر

احد جيّته لك عيد و احد ٍ مراحه عيد
مابين الغلا والكره ومقيم ومهاجر

[♆ @iil3bl]

علموه اللي خابت الهقوات فيه
لا يجي عقب البطى يدور محله .

[♆ @iil3bl]

أنكسر غصن المواصل على جسر الحنين
بعد ما هزه هوى الشوق و أبغضت المبيت

ودنا بالقرب و القرب عيا لا يحين
كل ما لانت له الروح قلبه يستميت

وأهنيه يرقد الليل ما بيّح كنين
ولا أنا يرفع صوت المساجد ما غفيت

علموه إن المفارق على المشتاق شين
و علموه إن كان ناسي تراني ما نسيت

[♆ @iil3bl]

داويت جرحه يُوم صكته الأقدار
ورد العطا بـ جرح ماله مداوي .

[♆ @iil3bl]

الله يبعد عني الي يلّطخ بياضي بسواده

[♆ @iil3bl]

دنياك لو شانت تراها مقاديـر
ما في يدينك .. غير حلم وقناعه

واللي انكتب رحمة. ، وخيره ، وتدبير
واللي مضى ما يعود منه لو ساعه

وأصبر على المقسوم لو فيه تقصير
إما تزين ، أو جعلها .. للقلاعه.