هقوة ٩.

واحدٍ ضحوك وتكثر ﺎحزاني .

[هقوة ٩. @iil5q]

يا جعلني وان غبت ما اغيب من شر
وان جيت جعل الله يجمّل حضوري.*

[هقوة ٩. @iil5q]

تعال شف الي ماعمره تاه تاه
واللي ماعمره ضااع ضاع القايله

عساني اخر من يضمه فالحياه
واول من يضمه بكرت العايله .

[هقوة ٩. @iil5q]

سلوم البدو حق الضيافة ثلاث أيام
و أنا لي سنه أكرمّ طيوفك و أقلّطها.

[هقوة ٩. @iil5q]

وجهك مثل صبحٍ يسوق التباشير
واليا أبتسمت من الشموخ أرتوينا

سولف وتنبت بالصدور النواوير
وأقطف غلاك من العمر ما حيينا

ياكثر مايفرق حضورك عن الغير
مثل المطر مهما هطل ما أكتفينا

[هقوة ٩. @iil5q]

ماجعل كبدي شوايا وخفّاقي وسوم
غير حبي للنشاما وحبي للبنات

فلاح القرقاح

[هقوة ٩. @iil5q]

يا ملح دنياي لو ماشفت مثلك مليح
ما خفت من بِعدك اللي فيه خوفتني
َ
أخذ [ الصراحه ] بما إنك تحب الصريح
يا نصفي اللي ليا هاللحين ما أنصفتني
َ
لا تحسبني على وصلك .. بقوم و بطيح
مثل ماقمت و ماطحت أول ما صادفتني
َ
عانك ما حلفتني ما جاك غير الصحيح
و الحمد لله صدق .. إنك ما حلفتني

[هقوة ٩. @iil5q]

التواضع زين .. لكن عذروبه
حطني عادي وانا ماني بـ عادي

[هقوة ٩. @iil5q]

💙💙💙

[عبدالله الحنيان @a_alhanyan]

أبوظبي .. الرياض .. جدة .. أبها

النصر طريق #الهلال الممهد للذهب 🏆

[هقوة ٩. @iil5q]

دسمّي عذرك الله يرحم امك وابوك
شارب اللي يحبك .. يستحق الدسم

[هقوة ٩. @iil5q]

*

لاتعاتب من توده على قل الاهتمام
العتب ماعقبه الا اهتمام مجامله.

[هقوة ٩. @iil5q]

من لقى منك البشاشه و السّماحه
واللسان الذرب والهرج القراحي
ㅤ
لا تلومه لانكسر صوبك جناحه
مايمرك واحدٍ ويروح صاحي

[هقوة ٩. @iil5q]

لو كنت حاضر مسرحية عمرك
من تقدر تعاتب بمشهدٍ محرج؟

ما فيه شماعة تناسب عذرك
وانت الحكاية والبطل والمخرج

[هقوة ٩. @iil5q]

المشكلة ان الخطأ ماهو صغير
وعذرك هزيلٍ ما يحل المشكله

تعال في عذرٍ مثل ذنبك كبير
وأما المسامح والعفو حنّا هله

[هقوة ٩. @iil5q]

أنا اللي تحدّاه الزمن واتعبه واشقاه
لكن الليالي السود مابيّحت سدّه

بغيت اتوّجد بس ياكبرها كبراه
أنا اكبر من الأيّام واقسى من الشدّه

[هقوة ٩. @iil5q]

انتي غيابك يجعل الدنيا تضيق
وطاريك يبهج خاطري لامنه طرا

والي معه ملحك وزينك مايضيق
والي معاه املاح تدفن فالثرا

وعيونك الثنتين عيت لاتفيق
يادوب ترمش كن داخلها غرا

والخصر كنه لابسً خاتم عقيق
القوس من قدام والفصه من ورا

احيان احس اني مسند مع طويق
واحيان احس اني مدحدر مع كرا

[هقوة ٩. @iil5q]

خل فعلك مثل عطرك في ثيابك
ما تشمّه بس من مرّك يشمه

[هقوة ٩. @iil5q]

راح نصف الليل وانا لا شعر ولا شعور
وين بلقى لي .. نسايم غرام تهبني

حبني ياناعس الطرف واشبعني غرور
ويش ابي في باقي الناس وانت تحبني .

[هقوة ٩. @iil5q]

مع القوي في كل حاجة على شان !
مافيه بين ( المستبدين ) عاجز

حطو حواجز مادروا بـ اني حصان
ضاري على القوه و ( طمر الحواجز )

[هقوة ٩. @iil5q]

أنا والله إني ماتضايق بدون أسباب
و لاني بعجلٍ لاستحسيت من غالي

أدور له الأعذار ما ودي افتح باب
أنا لا فتحته جبت الأول مع التالي

بعيدٍ مداي و ماني فالقفى لسّاب
و لاني بمن يشعب ذلوله على الخالي

أعرف اتصرف واحسب لكل شي حساب
و احاتي مناقيد الرياجيل و أبالي

[هقوة ٩. @iil5q]

اعوذ بالله . . من شوقٍ يخليني
اشوف وجهك وانا جالس مع غيرك

[هقوة ٩. @iil5q]

ريحو بال الظنون وقفلّوا باب الملامه
البشر ماعاد تدري من تحب ومن تعادي .