النجلاء

تخاويت أنا والحزن ماهو بـ شفً لي

[النجلاء @iill5e]

﴿ رَوحٌ ورَيحَانٌ وجَنَّةُ نَعِيمْ ﴾
اللهم بيوم الجمعه ارحم موتانا وموتى
المسلمين وأجعل قبرهم مُناراً مُستضاء
لا يشكون فيه ظلمه ولا ضيق وبشرهم بروح
وريحان وجنه و نعيم .

[النجلاء @iill5e]

« أخيه من حبٍ . . يجي فيه ذلّه
يحط من قدر المحب ووقاره

من لا يرى في عشرتي مكسبً له
فـ أنا ما أشوف أن في فراقه خساره »

—بن حمري

[النجلاء @iill5e]

@mlta990 انشهد

[النجلاء @iill5e]

"ياجابر ياشين البكيه اللي مافيها صوت
هَذي والله اللي : يمكن تْـطلع فـوادي ."
— صالح النشيرا

[النجلاء @iill5e]

« أسهر طوال الليّل مع ضيقة البال
أشكي على نفسي . . ونفسي كتومه »
— بن جدلان

[النجلاء @iill5e]

@j2ri_ الله يرحمه ويغفرله

[النجلاء @iill5e]

والله اني مانسيتك يافقيدي وما سهيت
كيف بنسى حرقه فراقك وانا بعدك كسير

من بعد موتك مريض وكل ماتطري بكيت
ماحسبت حساب فقد وماهقيت انه يصير

كل ماحاولت اسلى من همومي ماسليت
عودت بي ذكرياتك تطحن الضلع القصير .

[النجلاء @iill5e]

كل مؤمن بـ القدر يمشي بليّا رسم خطة
إن توَّفق قال زانت — وإن تعثَّر قال خيره .

[النجلاء @iill5e]

تراني من الدنيا واهلها نفضت يدي
ومن جملة أحلامٍ كثيرة قنعت وعفت

— ناصر الحمادين .

[النجلاء @iill5e]

عسى فدانا من الاحلام .. مافاتنا
لاهان ما الوجه بالانسان كله يهون

حنا ذبحنا الحيا من دون حاجاتنا
وانتم ذبحتوا الحيا واخذتوا اللي تبون

— سلطان بن بتلاء

[النجلاء @iill5e]

لليلة عنوانها :
— راسي اليا طرف الليل واجتاح العتيم
شال الارض وشال اهلها وشال حمولها.

[النجلاء @iill5e]

من صارت احلامي على الواقع سراب
صديت لا راجي , ولاني ملتجي

صكيت بابك ؟ مستحيل اطق باب !
يخلي النفس العزيزه , ترتجي

تبي الصراحه يوم جربت الغياب ؟
نهج المحبه ما يناسب منهجي !

الله يصبرني على طول العذاب
اللي يجيني , لا تحريتك تجي !!

— سعد بن لويبه

[ٍ @woor0i]

"خطاك الحزن يا بنت الطهر والنقا والزين
عسى عدوانك اللي ماتوقف مدامعها
ㅤㅤ
ترى الحزن مثل الناس يعشق كل وجهٍ زين
ولاشفت لي -مزيونه- إلا والحزن معها"

[النجلاء @iill5e]

والله انّه ماثلج صدري ونال اعجابي
غير بيضان النوايا والصدور الرحبه
ٰ
في سبيل ارضاء نفسي ولعيون احبابي
حافظٍ سلم المحبّه وانتقاء الصحبه

جعل يفدا كل قرمٍ فاللزوم حضابي
كل رديان المعَرفه والوجيه الشحبه

ورفقةٍ ماهيب تدرى سمعتي وكتابي
جمّها ماهو بعذب ودلوها طِلوح به

[النجلاء @iill5e]

وفعلٌ يُرى // خيرٌ من ألف كلمةٍ تُقال

[النجلاء @iill5e]

أجنـب . . الي تبي نفسي ولو هو ثميـن
ياما من المغريات الي تركته وراي

واخاوي الصبر . . وان الله مع الصابريـن
لين اصبح الصبر اخو والصابرين اخوياي

— نجم الاسلمي

[النجلاء @iill5e]

البارحه عيّت جنوبي تساوى
فوق الفراش لعيني النوم ما أحلو

قامت علي سهوم همّي تهاوى
وكل الهجوس اللي مباهم يجو ، جو

— بادي شجاع النفيعي

[النجلاء @iill5e]

لا باس يالجوف الكتوم وسلامات
فيك اسرفت كف الجروح الكريمه

‌واللي يشوف الوجه والابتسامات
ما يدري ان الصدر مسرح جريمه

— سالم حمد الملعبي

[مُبتغى @_29it]

- يقول محمد بن فضاء /
«اخاف لا شفت الطموح يتحقّق
من كثر ماجارت عْلي سود الايام»
ــ غربٌه الافراح مخيٌفه .

[النجلاء @iill5e]

يا عيد سلم لي على ذيك القبور
وخص لي يا عيد قبورٍ ما نسيتها

يا لحد لو تدري من اللي بك مقبورين
ما كان جف النبت يومك حويتهم

لو غاب ذكرهم غابت الشمس والنور
حبين بقلبي كنني ما نعيتهم

عيدي دعا والقلب راضي ومصبور
يا رب جنات الخلد للي نويتهم